Sicelo sekubhaliswa kwemoti

Ngesi nekubhalisa imoto yakho

Nangabe ungumnikati wemoto lensha, leseyike yaba nemnikati phambilini, leyakhiwe nome leyakhiwe kabusha, kufanele kutsi uyibhalise ehhovisi lekubhalisela imvume lelifanele kute utfole sitifiketi sekubhalisa. Nangabe lesitfutsi sikhokhelwe ngemalimboleko, umnikati waso kutawuba nguleso sikhungo setetimali lesikuboleke leyo mali. Nangabe seyibhalisiwe yaphindze yatfola nemvume, utawutfola idiski yemtselo wemoto.

Kufanele kutsi ubhalise imoto yakho uphindze uyitselele kungakapheli tinsuku letingema-21 emva kwekuntjintja bunikati. Nangabe awuyibhalisi, utawuhlawuliswa uphindze ukhokhe nemali losilele ngayo. Kubhaliswa kwesitfutsi kurekhodwa Kutikhungo Tavelonkhe tensitakalo Yelwatiso Lwetimoto (i-eNatis).

Kubhaliswa kwemoto yakho kutsatseka njengalokungekho futsi nalokungasebenti nangabe:

• umtselo wesitfutsi awuzange uvuselelwa sikhatsi lesingetulu kweminyaka lemine.
• lesitfutsi sitfole ingoti sase simenyetelwa njengalesesingakafaneli kusetjentiswa nomphela. 
• usitsengisile lesitfutsi (wantjintja bunikati)
• sitfutsi sakho sesidliwe tinsuku letingetulu kwaletinge-31 kukhishwe sitifiketi sekutsi ayikabhaliswa.

Yini lekumele uyente

Lokufanele ukwente Nawubhalisa imoto lensha:

1. Kute ubhalise imoto lensha, hamba uye ehhovisi lekubhalisela imvume lelifanele ubanike loku lokulandzelako:
   • Matisi wakho
   • sitifiketi semakhi walesitfutsi lesicuketse yonkhe imininingwane lefanele yalesitfutsi
   • sitifiketi sekufaneleka kuba semgwacweni, nangabe lesitfutsi ngulesitfwala umtfwalo losindzako [nome Luhlelo Lwekubasezingeni Lekuba Semgwacweni Lwesitfutsi  (i-RTQS)].
2. Gcwalisa lifomu (i-RLV) Lesicelo Sekubhalisa Nekunika Sitfutsi Imvume.

Kubhalisa sitfutsi lesesike sasebenta:

1. Kubhalisa sitfutsi lesesike saba nemnikati ngaphambilini (lesesisetjentisiwe), umtsengisi kufanele kutsi kwekucala agcwalise lifomu (i-NCO) lelatisa ngekuntjintja kwebunikati alingenise, lokungilo lelatisa ngekuntjintja kwebunikati.
2. Yani ehhovisi lekubhalisa imvume yetimoto lelifanele ubanike lolokulandzelako:
   • Matisi wakho
   • Bufakazi belikheli leliposi nelendzawo lohlala kuyo sib. i-akhawunti yakamasipala. Uma ngabe ibhili yamasipala ayikho egameni lakho, umnikati walebhili ufanele kutsi ente i-afidavithi lefakazela kutsi uhlala kulelikheli bese kutsi lebhili ifaselwa kule-afidavithi.
   • sitifiketi sekubhalisa sitfutsi (sibe segameni lemtsengisi) 
   • sitifiketi sekufaneleka kuba semgwacweni nangabe lesitifiketi lesikhona nyalo sesidzala ngetulu kwetinsuku letinge-60. 
   • bufakazi bekutsenga lesitfutsi 
   • umtselo wemoto losemtsetfweni (yenta siciniseko sekutsi timali temtselo walesitfutsi tikhokhiwe futsi tisesikhatsini).
3. Gcwalisa lifomu (i-RLV) lesicelo sekubhalisa kanye nekutselela sitfutsi

Bhalisa sitfutsi lesakhiwe ngetincenyetaletinye titfutsi:

1. Kubhalisa sitfutsi lesakhiwe ngetincenye taletinye titfutsi, yani ehhovisi lakho lelisedvute lekubhalisa imvume yetimoto ubanike loku lokulandzelako:
   • Matisi wakho
   • sitatimende lesifungelwe lesicinisekisa lapho letincenye tibuya khona nekutsi futsi yini leyentiwa kulemoto (lifomu i-SOA)
   • kucela imvume yemaphoyisa yekufaneleka (lifomu i-RPC) 
   • kucela kutsi ibonwe ngemaphoyisa (lifomu i-RPI) 
   • sitifiketi sekungayibhalisi (nangabe lesitfutsi besingakabhaliswa) 
   • sitifiketi sasemshinini wekukala titfutsi (kukala sisindvo)  
   • bufakazi belitayitela lebunikati
   • incwadzi yemvume (nangabe ikhona)
2. Lihhovisi lekusita lesifundza litawubese-ke lifaka emarekhodi alesitfutsi ku-eNatis
3. cela imvume yemaphoyisa yekufaneleka (lifomu i-RPC) bese-ke sewuyalingenisa
4. lesitfutsi kufanele kutsi siyovivinyelwa kufaneleka kuba semgwacweni
5. Gcwalisa lifomu (i-RLV) lesicelo Sekubhalisa Nekutselela Sitfutsi.

Kubhalisa sitfutsi lesintjintjwe kutsi sifaneleke msebenti lotsite:

1. Kubhalisa sitfutsi lesintjintjwe kutsi sifaneleke msebenti lotsite, hamba uye ehhovisi lekubhalisela imvume yetitfutsi ufike ubanike:
   • Matisi wakho
   • sitatimende lesifungelwe lesicinisekisa lapho letincenye tibuya khona nekutsi futsi yini leyentiwa kulemoto (lifomu i-SOA)
   • kucela imvume yemaphoyisa yekufaneleka (lifomu i-RPC) 
   • kucela kutsi ibonwe ngemaphoyisa (lifomu i-RPI) 
   • sitifiketi sekungasibhalisi (nangabe lesitfutsi besingakabhaliswa) 
   • sitifiketi sasemshinini wekukala titfutsi (kukala sisindvo)  
   • bufakazi belitayitela lebunikati
   • incwadzi yemvume (nangabe ikhona)

Sitifiketi semakhi wesitfutsi nome sitifiketi sekubhaliswa kwaphambilini nome sitifiketi sesitatimende lesifungelwe nangabe sitifiketi sekubhaliswa asitfolakalali. Gcwalisa lifomu (i-RLV) lesicelo Sekubhalisa Nekutselela Sitfutsi.

Sikhatsi semsebenti

Sicelo sitawundluliselwa kulihhovisi lekusita lesifundza.

Kufakwa kwemarekhodi esitfutsi kungatsatsa emalanga lambalwa. Lofake sicelo utawutsintfwa nangabe lamarekhodi asangenile eluhlelweni.

Ngabe kubita malini

Tfola ehhovisi lakho lekubhalisela imvume lendzawo kutsi malini.

Emafomu lagcwaliswako

Emafomu atfolakala ehhovisi lekubhalisa imvume yesitfutsi nome ungawadvonsa kuwebhusayithi i-eNatis.

Ngubani longamutsintsa