Isicelo senombolo yekubhalisa ithrafiki

Ngesi 
Yini lekumele uyente 
Sikhatsi semsebenti 
Ngabe kubita malini 
Emafomu lagcwaliswako 
Ngubani longamutsintsa

 

 

Ngesicelo senombolo yekubhalisa imoto

Inombolo yekubhalisa imoto yinombolo lemcoka yekubona lutfo lemukelekako ku-eNatis nakutsengiselwana timoto kubantfu bakulelinye live nakutinhlangano letitsatseka njengemuntfu longeke atimele ngekwemtsetfo.

Nangabe udzabuka kulelinye live futsi awukabhalisi ku-eNatis (Luhlelo Lwelwatiso Lwetekutfutsa Lwavelonkhe); kantsi ufuna kutsenga nome kubhalisa imoto eNingizimu Afrika, kufanele kutsi uvete matisi wakho wakulelinye live kute utewufakwa ku-eNatis.

Nangabe ute matisi wakulelinye live, udzinga kutsi ufake sicelo senombolo yekubhalisa imoto (i-TRN), kuye ngekutsi unepasipoti lesemtsetfweni, tincwadzi tekushayela nome idokhumenti yekuvakasha lefakazela kutsi ulapha eNingizimu Afrika ngekwemtsetfo.

Nangabe uyinhlangano letsatseka njengemuntfu longeke atimele ngekwemtsetfo sib.buhlanganyeli, ibhizinisi yemuntfu munye, masipala/sifundza/siphatsimandla sahulumende, lisontfo/libandla/inhlangano yetenhlalakahle, inhlangano yetekukhibika, inhlangano yemfundvo, lipulazi nome umtimba lophatselene netemtsetfo kufanele futsi kutsi ufake sicelo senombolo yekubhalisa timoto eNingizimu Afrika. Lenhlangano kufanele futsi kutsi ikhetse ummeleli nje lotayimela kulelo nakulelo gatja nome likheli lelehlukile kunalelo lebhizinisi/lenhlangano. Lomuntfu utawuba ngumuntfu lokutawutsintfwa yena macondzana netindzaba tekuphatsa.

Kwengeta, ummeleli angacokwa ngendlela yekubhala incwadzi yekucoka ummeleli.  Lencwadzi yemmeleli igunyata lowo muntfu phaca locokiwe kutsi eme egameni lenhlangano, futsi loko kubopha lenhlangano macondzana neMtsetfo Wetemgwaco Wavelonkhe (i-NRTA) kanye neTimiso Temgwaco Tavelonkhe (i-NRTR). 

Ummeleli locokwa ngencwadzi kanye nemmeleli nje kungaba ngumuntfu munye. Ummeleli locokwe ngencwadzi nemmeleli nje kufanele futsi kutsi bakhiphe emadokhumenti ekubatisa lafanele:

  • Matisi waseRiphabhliki YaseNingizimu Afrika lokhishwe Litiko Letasekhaya nangabe lowo muntfu usakhamuti saseRiphabhliki YaseNingizimu Afrika, nome akasiso sakhamuti saseRiphabhliki YaseNingizimu Afrika kepha sewuhlala siphelane lapha eRiphabhliki YaseNingizimu Afrika.
  • Sitifiketi samatisi wesikhashana  lesikhishwe Litiko Letasekhaya nangabe lowo muntfu asakhamuti saseRiphabhliki YaseNingizimu Afrika, nome angasiso sakhamuti saseRiphabhliki yaseNingizimu Afrika lesesihlala siphelane lapha eRiphabhliki yaseNingizimu Afrika.
  • Ipasipoti yaseRiphabhliki yaseNingizimu Afrika lekungatfolakala kuyo inombolo yamatisi.
  • Matisi lokhishwe live langephandle, nangabe lowo muntfu akasiso sakhamuti saseRiphabhliki yaseNingizimu Afrika longahlali siphelane lapha eRiphabhliki yaseNingizimu Afrika.
  • Sitifiketi seNombolo Yekubhalisa Imoto lesikhiswa lihhovisi lekubhalisela imvume lelifanele nangabe lowo muntfu akasiso sakhamuti saseRiphabhliki yaseNingizimu Afrika lesingahlali siphelane lapha eRiphabhliki yaseNingizimu Afrika, futsi lote matisi wakulelinye live, kepha lonepasipoti nome idokhumenti yekuvakasha. 

Yini lekumele uyente

  1. Yani ehhovisi lekubhalisela imvume lelisedvute nome sikhungo sekuvivinyela tincwadzi tekushayela (i-DLTC) bese ugcwalisa lifomu Lesicelo macondzana nekubhalisa inombolo yemoto (i-ANR).
  2. Nangabe ufaka sicelo senombolo yekubhalisa imoto njengemuntfu wakulelinye live lofuna kutsenga nome kubhalisa imoto eNingizimu Afrika, kufanele kutsi ungenise lolokulandzelako:
    • Ikhophi yepasipoti yakho lecinisekisiwe nome ikhophi yencwadzi yakho yekushayela lecinisekisiwe kanye nemvume yekuhlala yesikhashana nome idokhumenti yekuvakasha.
    • Titfombe letimbili tamatisi letite umbala (cinisekisa nelihhovisi  lekubhalisela imvume nome i-DLTC kutsi kufuneka tingaki titfombe).
  3. Nangabe ufaka sicelo senombolo yekubhalisa imoto ngobe ufuna kwenta inambapuleyiti yemoto yenhlangano icondzane nemuntfu, kufanele kutsi ungenise lolokulandzelako:
    • Sitifiketi sekubhalisa ibhizinisi (lesikhishwa ngumbhalisi wetinkampani) 
    • Ikhophi yencwadzi yekucoka ummeleli nome matisi waseNingizimu Afrika walowo lomele inhlangano.
  4. Khokha imali lencunyiwe.

Sikhatsi semsebenti

Kungatsatsa emaviki lasitfupha kusebenta sicelo sakho.

Ngabe kubita malini

Tsintsa lihhovisi lakho lekubhalisela imvume nome sikhungo sekuvivinyela tincwadzi tekushayela (i-DLTC) mayelana netindleko tesitifiketi senombolo yekubhalisa imoto.

Emafomu lagcwaliswako

Lifomu lesicelo nekwatisa macondzana nenombolo yekubhalisa imoto liyatfolakala ehhovisi lekubhalisa imvume nome kusikhungo sekuvivinyela kushayela imoto.

Ngubani longamutsintsa

 

Contact your local department of transport

Share this page