Kgopelo ya go ngwadiša sefatanaga

Ka ga go ngwadiša koloi ya gago

Ge o le mongthaetlele ya koloi ye mpsha, koloi ye e agilwego lefsa, o swanetše go e ngwadiša le Kgoro ya Dinamelwa gore o fiwe sefitikeiti sa yona. Ge o le mong wa koloi ye mpsha, koloi ye e agilwego lefsa, o swanetše go e ngwadiša le Kgoro ya Dinamelwa gore o fiwe diski ya yona. 

O swanetše go ngwadiša koloi ya gago mo lebakeng la matšatši a 21 morago ga gore o be le yona. Ge o ka se e ngwadiše, o tlo lefišwa tšhelete ya kotlo. Ge e ngwadišitšwe, koloi yeo e tlo tšwelela mo lenaneong la National Traffic Information System (eNaTIS).

Boingwadišo bja koloi ya gago bo ka se sa šoma ge e le gore:

• diski ya koloi yeo ga se ya tsošološwa tekano ya mengwaga ye mene (4)
• koloi yeo e amegile mo kotsing gomme go na le pego ya go hlatsela gore e ka se sa kgona go lokišwa
• ga e sa le ya gago
• koloi yeo e tšerwe ke ba panka mo nakong ya matšatši a 31 morago ga gore e ngwadišwe
• setifikeiti sa go khansela koloi se filwe.

Seo o swanetšego go se dira

Setifikeiti sa peleng sa motšweletši wa koloi yeo goba abitabiti ge e le gore setifikeiti ga se hwetšagale.
Go ngwadiša koloi ye mpsha, o swanetše go ya ofising ya kgauswi le wena ya go ngwadiša dikoloi gomme o fane ka:

• pukwana ya gago ya boitsebišo (ID)
• bohlatse bja aterese ya poso le ya madulo, go fa mohlala, lengwalo la akhaonte ya ditirelo. Ge e le gore lengwalo la tefišo ya ditirelo ga se la ngwalwa ka leina la gago, mong wa lengwalo leo o swanetše go dira abitabiti a tiišetše gore o dula lefelong leo gomme lengwalo la tefišo ya ditirelo leo le swanetše go kgomaretšwa go abitabiti.
• setifikeiti sa ngwadišo ya koloi se se lego ka maina a morekiši
• a setifikeiti sa go hlatsela gore koloi e loketše tsela, ge e le gore koloi ke llori (goba RTQS)

Tlatša fomo ya RLV (Kgopelo ya Ngwadišo le Laesense ya Koloi).

Go ngwadiša koloi ye e bego e le ya motho yo mongwe, o swanetše go ya ofising ya kgauswi le wena ya go ngwadiša dikoloi gomme o fane ka:

• morekiši o swanetše go tlatša le go fana ka fomo ya NCO, ye e tsebišago ka phetolo ya mong wa koloi
• pukwana ya gago ya boitsebišo (ID)
• setifikeiti sa ngwadišo ya koloi (se se lego ka maina a morekiši)
• a setifikeiti sa go hlatsela gore koloi e loketše tsela, ge e le gore setifikeiti sa bjale se fetile dikgwedi tše 6
• bohlatse bja theko ya koloi yeo
• laesense ya maleba ya koloi yeo (kgonthiša gore laesense yeo e sa šoma)

Tlatša fomo ya RLV (Kgopelo ya Ngwadišo le Laesense ya Koloi).

Go ngwadiša koloi ye e agilwego ka dikarolwana, o swanetše go ya ofising ya kgauswi le wena ya go ngwadiša dikoloi gomme o fane ka:

• pukwana ya gago ya boitsebišo (ID)
• abitabiti ya go hlatsela gore dikarolo tša koloi yeo di tšwa kae le gore go dirilwe eng ka koloi yeo (fomo ya SOA)
• kgopelo ya klearense ya maphodisa (fomo ya RPC)
• kgopelo ya klearense ya maphodisa (fomo yaRPI)
• setifikeiti sa go phumulwa ga koloi (ge e le gore koloi yeo e be e phumutšwe)
• setifikeiti sa boima bja koloi
• bohlatse bja gore mong wa thaetlele ke mang.

Tlatša fomo ya RLV (Kgopelo ya Ngwadišo le Laesense ya Koloi).

Go ngwadiša koloi ye e agilwego lefsa, o swanetše go ya ofising ya kgauswi le wena ya go ngwadiša dikoloi gomme o fane ka:

• pukwana ya gago ya boitsebišo (ID)
• abitabiti ya go hlatsela gore dikarolo tša koloi yeo di tšwa kae le gore go dirilwe eng ka koloi yeo (fomo ya SOA)
• kgopelo ya klearense ya maphodisa
• kgopelo ya boitsebišo bja sephodisa  (fomo ya RPI)
• setifikeiti sa go phumulwa ga koloi (ge e le gore koloi yeo e be e phumutšwe)
• setifikeiti sa boima bja koloi
• bohlatse bja gore mong wa thaetlele ke mang
• setifikeiti sa go hlatsela gore koloi e loketše tsela.

Lebaka

Kgopelo e phethwa ka letšatši le e dirilwego ka lona.

E dira tshenyagelo ya bokae

Ikgokaganye le kantoro ya tikologo ya geno ya dilaesense go tseba ka ga ditefo.

Diforomo tšeo di swanetšwego go tlatšwa

Difomo di hwetšagala go motor vehicle registering authority goba o ka di hwetša mo websaeteng ya eNaTIS.

Dintlha tša boikopanyo