Satiso sekutjintjwa kwebuniyo bemoti nobe kutsengi

Ngesi nekuntjintja umnikati nome imininingwane yemnikati wesitfutsi

Nome ngabe ngutiphi tingucuko kumniningwane wemnikati wesitfutsi nome kumnikati kufanele kutsi yatiswe lihhovisi lekubhalisela imvume kungakapheli tinsuku letinge-21 kwenteke leyo ngucuko. Sebentisa lifomu (i-NCO) lekuntjintja likheli nome imininingwane yemuntfu nome yenhlangano.

Nangabe utsengisa sitfutsi sakho, kufanele kutsiwatise lihhovisi lakho leligunya lekubhalisela imvume  ngekusebentisa lifomu (i-NCO) lekuntjintja bunikati/lekutsengisa sitfutsi. Lomnikati lomusha walesitfutsi kufanele kutsi asibhalise egameni lakhe.

Yini lekumele uyente

1. Yani kulihhovisi lelisedvute lekubhalisela imvume.  
2. Nangabe uyontjintja likheli lakho, kufanele kutsi uphatse loku lokulandzelako:
   • Ikhophi yamatisi wakho nangabe usakhamuti saseNingizimu Afrika. Nangabe usakhamuti sakulelinye live, kufanele kutsi ukuphatse kokubili matisi loyimvelanchanti kanye nekhophi lecinisekisiwe  yawo lokukhishwe live lakho lapho udzabuka khona nemvume yakho yekuhlala yesikhashana.
   • Bufakazi belikheli leliposi nelendzawo lohlala kuyo sib. i-akhawunti yakamasipala. Uma ngabe ibhili yamasipala ayikho egameni lakho, umnikati walebhili ufanele kutsi ente i-afidavithi lefakazela kutsi uhlala kulelikheli bese kutsi lebhili ifaselwa kule-afidavithi.
3. Nangabe usakhamuti saseNingizimu Afrika, kufanele kutsi ugcwalise kuphela lifomu i-NCP uliletse. Nangabe usakhamuti sakulelinye live, kufanele kutsi ugcwalise lifomu i-NCP kanye nelifomu (i-ANR) lekubhalisa inombolo yemoto.
4. Nangabe utsengisa imoto:
   • Umtsengisi kufanele kutsi agcwalise lifomu i-NCO bese uliletsa ehhovisi lekubhalisela imvume.
   • Umtsengisi kufanele kutsi anikete umtsengi sitifiketi sekubhalisa.
   • Umtsengi kufanele kutsi agcwalise lifomu (i-RLV) lesicelo sekubhalisa imoto nekuniketwa imvume kute alingenise.
   • Umtsengi kufanele kutsi aletse sitifiketi sekubhalisa lemoto, nangabe lesitfutsi sasibhaliswe eNingizimu Afrika.
   • Letsa sitifiketi sekukalwa kwesisindvo nangabe sisindvo saleso sitfutsi nasite umtfwalo sintjintjile.
5. Umtsengi waleso sitfutsi kufanele kutsi angenise emafomu ehhovisi lekubhalisa imvume kungakapheli tinsuku letingema-21 asitsengile leso sitfutsi, kanye nelifomu lekubhalisa lalitfole kumtsengisi bese lesitfutsi siyiswa kuyawuhlolwa kulungela kuba semgwacweni futsi (ngumsebenti wemtsengi kwenta siciniseko sekutsi lesitfutsi siyafaneleka kuba semgwacweni).
6. Nangabe lesitfutsi sibhaliswe ngaphasi kweligama lenkampani, kufanele kutsi futsi ungenise sitifiketi sekuhlanganyela nome sitifiketi sekuntjintja ligama njengekusho kweMtsetfo Wetinkampani nome sitifiketi sesitatimende sekusungulwa kwalenkampani.
7. Lihhovisi lekubhalisela imvume lihlola sicelo sakho bese ukhokha imali loncunyelwe yona sifundza sakho. 
8. Nangabe kudzingwa lihhovisi lekubhalisa imvume kutawufanela kutsi ukhiphe bufakazi bekuba nelilungelo lekubhalisa njengemnikati waleyo moto, sib. I-inivoyisi nome sivumelwane sekutsengiselana. Nangabe ute loko, shayela sikhungo setincingo lesisedvute nome lihhovisi lekubhalisela imvume kutfola kutsi ngabe bayabemukela yini lobufakazi nome badzinga lenye idokhumenti lebufakazi.

Sikhatsi semsebenti

Ticelo tisetjentwa ngalelo langa.

Ngabe kubita malini

Tfola ehhovisi lekubhalisela imvume lendzawo kutsi malini.

Emafomu lagcwaliswako

• Satiso sekuntjintja kwemininingwane (i-NCP)
• Sicelo sekubhalisa nekunikwa imvume (i-RLV)
• Satiso sekuntjintja kwebunikati/Kutsengiswa kwemoto (i-NCO)
• Satiso mayelana nenombolo yekubhalisa imoto (i-ANR)

Emafomu latfolakala ehhovisi lekubhalisela imvume nome ungawadvonsa kuwebhusayithi i-eNatis.

Ngubani longamutsintsa