U shandukisa zwidodombedzwa zwa vhuṋe kana zwa muthu are na pfanelo ya u langa tshiendisi

Ngaha
Zwine vha tea u ita
Tshifhingambekanywa
Zwi ita vhugai
Fomo dzi no tea u adzwa
Vha kwama inyi

 

 

Ngaha ha u shandukisa zwidodombedzwa zwa vhuṋe kana zwa muthu are na pfanelo ya u langa tshiendisi

Tshanduko iṅwe na iṅwe kha zwidodombedzwa zwa muṋe kana zwa muthu are na pfanelo ya u langa tshiendisi i fanela u davhidzanwa na vha mannḓalanga a u ḓiṅwalisa vho teaho hu sa athu u fhela maḓuvha a 21 nga murahu ha u shandukiswa honoho. Kha vha shumise fomo (NCP) ya nḓivhadzo ya u shandukisa aḓiresi kana zwidodombedzwa zwa muthu kana tshiimiswa.

Musi vha tshi rengisa goloi yavho, vha fanela u ḓivhadza vha mannḓalanga a zwa u ḓiṅwalisa a havho kha fomo (NCO) ya Nḓivhadzo ya u shandukisa vhuṋe / Thengiso ya tshiendisi. Muṋe wayo muswa u fanela u ṅwalisa tshiendisi madzinani awe.

Zwine vha tea u ita

  1. Kha vha ye kha vha mannḓalanga a zwa u ḓiṅwalisa tsini na ha havho
  2. Musi vha tshi khou shandukisa aḓiresi vha fanela u ṱuwa na zwi tevhelaho:
    • Khophi ya ḽiṅwalo ḽavho ḽa vhuṋe (ID) arali vha mudzulapo wa Afurika Tshipembe. Arali vha mudzulapo wa mubvannḓa, vha fanela u ḓisa ID ya vhukuma na khophi yo kwaṱhisedzwaho yo bviswaho shangoni ḽine vha bva khaḽo na phemithi yavho ya u dzula lwa tshifhinga nyana.
    • Vhuṱanzi ha ḓiresi yavho ya poswo na ya hune vha dzula hone sa tsumbo, akhaundu ya maḓi kana muḓagasi. Arali akhaundu iyo i si madzinani avho, muṋe wayo u fanela u ita ḽianelwa ḽi ambaho uri vhone vha dzula ḓiresini yawe nahone tshitatamennde tsha maḓi kana muḓagasi tshi farekanywe na ḽianelwa.
  3. Arali vha mudzulapo wa Afurika Tshipembe, vha fanela u ḓadza na u ṋetshedza fomo ya NCP fhedzi. Arali vha mudzulapo wa mubvannḓa, vha fanela u ḓadza na u ṋetshedza fomo ya NCP na Nḓivhadzo zwi tshi elana na fomo (ANR) nomboro ya u ḓiṅwalisa kha vhuendi.
  4. Arali vha tshi khou rengisa tshiendisi:
    • Murengisi u fanela u ḓadza fomo ya NCO a i ṋetshedza vha mannḓalanga a zwa u ḓiṅwalisa.
    • Murengisi u fanela u ṋetshedza ṱhanziela ya u ḓiṅwalisa kha murengi.
    • Murengi u fanela u ḓadza fomo ya (RLV) ya Khumbelo ya u ḓiṅwalisa na ḽaisentse ya tshiendisi u itela u zwi ṋetshedza.
    • Murengi u fanela u ṋetshedza ṱhanziela ya u ḓiṅwalisa ya tshiendisi, arali tshiendisi tsho ṅwaliswa Afurika Tshipembe.
    • Kha vha ṋetshedze ṱhanziela ya tshileme tsha u ela arali tshileme tsho shandukiswa.
  5. Murengi wa tshiendisi u fanela u ṋetshedza fomo kha vha mannḓalanga a zwa u ḓiṅwalisa hu sa athu u fhela maḓuvha a 21 a u renga tshiendisi, na fomo ya u ḓiṅwalisa yo wanalaho kha murengisi na uri tshiendisi tshi fanela u ya u lingwa u lugela u tshimbila badani hafhu (ndi vhuḓifhinduleli ha murengi u vhona zwauri tshiendisi tsho lugela u tshimbila badani).
  6. Arali tshiendisi tsho ṅwaliswa nga fhasi ha khamphani, vha fanela u ṋetshedza ṱhanziela ya ṱhanganelano kana dzina ḽo shandukaho sa zwo bviswaho u ya nga Mulayo wa Dzikhamphani kana tshitatamennde tsha u wana.
  7. Vha mannḓalanga a zwa u ḓiṅwalisa vha sedzulusa khumbelo yavho na uri vha fanela u badela mbadelo sa zwo randelwaho nga vunḓu ḽavho. 
  8. Zwi nga itea vha mannḓalanga a zwa u ḓiṅwalisa vha ṱoḓa vhone vha tshi ṋetshedza vhuṱanzi ha pfanelo ya u ṅwalisa sa muṋe wa tshiendisi tshenetsho, sa tsumbo. tsumbathengo kana thendelano ya thengiselano. Arali vha sina hezwo, kha vha founele senthara ya luṱingo ya tsinisa na ha havho kana vha mannḓalanga a zwa u ḓiṅwalisa u wanulusa arali vha tshi ṱanganedza kana u ṱoḓa ḽiṅwe ḽiṅwalo sa vhuṱanzi.

Tshifhingambekanywa

Khumbelo i bveledzwa ḽeneḽo ḓuvha.

Zwi ita vhugai

Kha vha kwame ofisi ya ḽaisentse yapo u wana mutengo.

Fomo dzi no tea u adzwa

  • Nḓivhadzo ya u shandukisa zwidodombedzwa (NCP)
  • Khumbelo ya u ḓiṅwalisa na ya ḽaisentse (RLV)
  • Nḓivhadzo ya u shandukisa vhuṋe/Thengiso ya tshiendisi (NCO)
  • Nḓivhadzo u ya nga nomboro ya u ḓiṅwalisa ya vhuendi (ANR)

Fomo dzi wanala kha vha mannḓalanga a zwa u ḓiṅwalisa kana vha nga dzi bvisa kha webusaithi ya eNaTIS.

Vha kwama inyi

 

Share this page