Fetola tshedimošo ya gago mo laesenseng ya koloi

Ka ga lebaka la eng o swanetše go fetola tshedimošo ya gago mo laesenseng ya koloi

Ge go na le diphetogo mabapi le bong bja koloi di swanetše go tsebišwa ofisi ya maleba mo nakong ya matšatši a 21 morago ga phetogo yeo ka go tlatša fomo ya NCP (Tsebišo ya phetošo ya atrese goba tshedimošo y among goba mokgahlo/khamphani).

Ge o rekiša koloi ya gago, o swanetše go tsebiša ofisi ya ngwadišo ya dikoloi ka go tlatša fomo ya NCO (Tsebišo ya phetošo ya atrese goba tshedimošo y among goba mokgahlo/khamphani) gomme motho yo a e rekago o swanetše go ngwadiša koloi yeo ka maina a gagwe.

Ka moo o ka fetolago tshedimošo ya gago mo laesenseng ya koloi

1. Eya ofising ya kgauswi ya go ngwadiša dikoloi.
2. Ge e le gore o fetola atrese ya gago, o swanetše go fana ka:
   • Khopi ya Pukwana ya gago ya boitsebišo (ID) ge o le Moafrika Borwa. Ge o le motšwantle o swanetše go fana ka Pukwana ya Boitsebišo ya naga ya geno le khopi ya yona mmogo le phemiti ya gago ya bodudi bja lebakanyana.
   • Bohlatse bja aterese ya poso le ya madulo, go fa mohlala, lengwalo la akhaonte ya ditirelo. Ge e le gore lengwalo la tefišo ya ditirelo ga se la ngwalwa ka leina la gago, mong wa lengwalo leo o swanetše go dira abitabiti a tiišetše gore o dula lefelong leo gomme lengwalo la tefišo ya ditirelo leo le swanetše go kgomaretšwa go abitabiti.
3. Ge o le Moafrika Borwa, o swanetše go tlatša fomo ya NCP fela. Ge o le motšwantle o swanetše go tlatša foma ya NCP le ya ANR (Tsebišo mabapi le Nomoro ya Boitsebišo ya Therafiki).
4. Ge e le gore o rekiša koloi:
   • Morekiši o swanetše go tlatša NCO gomme a e romele ofising ya maleba.
   • Morekiši o swanetše go fa moreki setifikeiti sa ngwadišo ya koloi.
   • Moreki o swanetše go tlatša fomo ya RLV (Kgopelo ya go ngwadiša koloi le laesense ya yona).
   • Moreki o swanetše go fana ka setifikeiti sa boingwadišo, ge e le gore koloi yeo e ngwadišitšwe mo Afrika borwa.
   • Setifikeiti go bontšha boima bja koloi ge e le gore boima bja setlogo bo fetotšwe.
5. Moreki wa koloi yeo o swanetše go romela difomo tšeo ofising ya ngwadišo ya dikoloi mo matšatši a 21 morago ga go e reka, mmogo le fomo ya ngwadišo go tšwa go morekiši wa koloi yeo le setifikeiti sa go hlatsela gore koloi e loketše go sepela mo tseleng (ke maikarabelo a mong wa koloi go kgonthiša gore koloi e loketše tsela).
6. Ge e le gore koloi yeo e ngwadišitšwe ka khamphani, o swanetše go fana le ka setifikeiti sa ngwadišo ya kgwebo yeo goba phetolo ya leina bjalo ka ge se filwe go ya ka Molao wa Dikhamphani le setatamente sa tlhongo goba setifikeiti sa phetolo ya leina se se filwego go ya ka Close Corporations Act ge e le gore koloi yeo e tlo ngwadišwa ka leina la close corporation.
7. Lekala la go ngwadiša dikoloi le tlo dira tekolo ya kgopelo ya gago gomme wena wa lefa tšhelete ye e beilwego ke profense ya gago. Ge go nyakega, o tlo swanela ke go fana ka bohlatse bja gore o na le tokelo ya go ngwadišwa bjalo ka mong wa koloi yeo. Bohlatse bjoo e ka ba rasiti ya gore o rekile koloi yeo, goba tumellano ya thekišo, bj.bj.Go eletšwa gore o tiele senthara ya go ngwadiša dikoloi mogala go botšiša gore ke ditokumente dife tše bat logo di nyaka bjalo ka bohlatse.

Lebaka

Kgopelo e phethwa ka letšatši leo e dirilwego ka lona.

E dira tshenyagelo ya bokae

Tirelo ye ga e lefelwe. Eupša go na le tefo ya go lefela laesense le ngwadišo ya koloi.

Diforomo tšeo di swanetšwego go tlatšwa

• Notice of change of particulars (NCP) (Tsebišo ya go fetola tshedimošo)
• Application for registration and licensing (RLV) (Kgopelo ya go ngwadiša koloi)
• Notice of change of ownership/Sale of motor vehicle (NCO) (Tsebišo ya go fetola boingwadišo bja koloi le laesense)
• Notice in respect of traffic register number (ANR)

Difomo di hwetšagala ofising ya maleba ya ngwadišo ya dikoloi goba o ka di hwetša mo websaeteng ya eNaTIS.

Dintlha tša boikopanyo