Ukutjhugululwa kwemininingwana yobunini bekoloyi

Okuphathelene

Okufanele ukwenze

Isikhathi esibekiweko

Kubiza malini

Amaforomo ekufanele uwazalise

Ungathintana nobani

Mayelana nokutjhugulula imininingwana yobunini bekoloyi

Nanyana ngiwaphi amatjhuguluko weminingwana yomninikoloyi kufanele kwaziswe ngendlela efaneleko kubatlolisi angakapheli amalanga ama-21 ngemva kokwenziwa kwamatjhuguluko la. Sebenzisa iforomo (i-NCP) lesaziso sokutjhugulula imininingwana yomuntu nesiphande nanyana ihlangano.

Nawuthengisa ikoloyakho kufanele ubikele i-ofisi yabatlolisi ngokuzalisa iforormo leSaziso sokuTjhugulula ubunini nanyana ukuthengiselana ngekoloyi (i-NCO). Kufanele umninikoloyi omutjha atlolise ikoloyi ngebizo lakhe.

Okufanele ukwenze

1. Iya e-ofisini yokutlolisa eseduze nawe.
2. Nawutjhugulula isiphande sakho, kufanele uphathe okulandelako:
   • Ikhophi kaMazisi wakho (i-ID)  nawusisakhamuzi seSewula Afrika. Nawusisakhamuzi selizwe langaphandle kweSewula Afrika, kufanele ulethe ikhophi ye-ID eqinisekisiweko yelizwe lekhenu nephomede yesikhatjhana yokuhlala ngelizweni leli.
   • Ubufakazi besiphande seposo nesiphande sendawo ohlala kiyo, isb. incwadi yakwamasipaladi obhadela ngayo igezi namanzi. Nakube incwadi yobufakazi le ayisisegameni lakho, umnikazi wayo kufuze bona enze isifungo esitloliweko la afakazela khona ukuthi nangambala uhlala kileso siphande ositjhoko, bese incwadi efungelweko le iqobotjhelwa namkha inanyathiselwa encwadini yobufakazi besiphande.
3. Nawusisakhamuzi seSewula Afrika, kufanele uzalise bewuthumele iforomo le-NCP kwaphela. Nawusisakhamuzi selizwe langaphandle kweSewula Afrika, kufanele uzalise iforomo le-NCP neSaziso mayelana neNomboro yokuba sendleleni  (i-ANR).
4. Nawuthengisa ikoloyi:
   • Kufanele umthengisi azalise iforomo le-NCO alise e-ofisini yabatlolisako.
   • Kufanele umthengisi anikele umthengi isitifikedi sokutloliswa.
   • Kufanele umthengi azalise iforomo lesiBawo sokuTloliswa neseLayisensi yeKoloyi (i-RLV).
   • Kufanele umthengi alethe isitifikedi sokutloliswa kwekoloyi, nayibe ikoloyi leyo yatloliswa ngeSewula Afrika.
   • Letha isitikedi sobudisi bekoloyi nayibe ubudisi bayo butjhugululiwe.
5. Kufanele umthengi wekoloyi alethe amaforomo e-ofisini yokutloliswa kweenkoloyi  kungakapheli amalanga ama-21 ngemva kokuthenga ikoloyi, neforomo lokutloliswa elifunyanwa kumthengisi begodu kufanele ikoloyi leyo iyokuhlolelwa ukuba sendleleni godu (kumsebenzi womthengi ukuqinisekisa kobana ikoloyi  ilungelwe kukhamba endleleni).
6. Nayibe ikoloyi leyo itloliswe ngebizo lekhamphani, kufanele ulethe nesitifikedi sokufaka ngaphasi nanyana sokutjhugululwa kwebizo esikhutjhwa ukuya ngokomThetho wamaKhamphani nanyana isitatimende esisisekelo.
7. Umtlolisi uhlahluba isibawo sakho begodu kufanele akubhadelise imali ebekwe sifunda sakho.
8. Nakutlhogekako ukuya ngomtlolisi kuzafanela uveze ubufakazi  belungelo lokutloliswa njengomnini wekoloyi leyo, isib. Iresidi nanyana incwadi yokuthengiselana. Nawunganayo imitlolo leyo,  dosela iziko lemitato eliseduze nawe nanyana i-ofisi etlolisako ubuze bonyana bayayamukela nanyana kunemitlolo abayifunako njengobufakazi.

Kuzakuthatha isikhathi esingangani

Iimbawo zitjhejwa ngelanga linye.

Kubiza malini

Thintana ne-ofisi yamalayisensi weenkoloyi eseduze.

Amaforomo azaliswako

• Isaziso sokutjhugulula imininingwana i-(NCP)
• Isibawo sokutloliswa nokufumana ilayisensi yekoloyi (i-RLV)
• Isaziso sokutjhugululwa kobunini nanyana ukuThengiselana ngekoloyi (i-NCO)
• Isaziso mayelana nokutloliswa kwenomboro yokulungela ukuba sendleleni kwekoloyi (i-ANR)

Amaforomo ayafumaneka ema-ofisini wokutlolisa namkha ungawafumana kubunzinzolwazi be-eNaTIS.

Ungathintana nobani