Xikombelo xa nomboro yo rhijisitara eka swa ntleketlo

Nomboro ya ntsariso wa swifambo i nomboro ya vutitivisi ya nkoka leyi yi amukeriwaka eka vucicanisi bya swifambo swa le patwini eka eNaTIS eka vahlampfa na minhlangano leyi yi tirhaka tanihi munhu wo ka a nga ri wa xinawu.

Loko u ri muhlampfa naswona u nga titsariselangi eka eNaTIS (Sisiteme ya Vuxokoxoko bya Swifambo swa Rixaka); naswona u lava ku xava kumbe ku tsarisa movha eAfrika-Dzonga, u fanele ku humesa matsalwa ya vutitivisi ya vuhlampfa leswaku ya yisiwa eka eNaTIS.

Loko u ri hava matsalwa ya vutitivisi ya vuhlampfa, u fanele ku endla xikombelo xa nomboro ya ntsariso wa xifambo (TRN), loko u ri na phasipoto ya ntiyiso, layisense ya ku chayela kumbe matsalwa ya ku endza lawa ya nga vumbhoni bya leswaku u na mpfumelelo wa ku va  eAfrika-Dzonga.

Loko u ri nhlangano lowu wu tirhaka tanihi munhu loyi a nga riki wa xinawu, xik. vuxaka bya ntirhisano, bindzu ra munhu un'we, masipala/xifundzankulu/vulawuri bya mfumo, kereke/nhlengeletano/nhlangano wa nhlayiso, nhlangano wa vuhungasi, nhlangano wa swadyondzo, nkwama kumbe nhlangano wa xinawu na wona wu fanele ku endla xikombelo xa nomboro ya ntsariso wa swifambo leswaku wu ta tsarisa mimovha eAfrika-Dzonga. Nhlangano wu fanele ku tlhela wu va na muyimeri wa rhavi rin'wana na rin'wana kumbe adirese yo hambana na ya bindzu/nhlangano. Munhu loyi u tirha tanihi muhlanganisi eka swavufambisi.

Hi ku enengetela, muyimeleri u fanele ku thoriwa na yena hi ku tirhisa papila ra muyimeleri. Papila muyimeleri ri nyika matimba eka munhu loyi a nga hlawuriwa ku va a yimelela nhlangano, na ku tlhela a sindzisa nhlangano hi xikongomelo xa NRTA (Nawu wa Swifambo swa Mapatu ya Rixaka) na NRTR (Milawu ya Swifambo swa Patu ya Rixaka). 

Muyimeleri na muyimeri ku nga va munhu un'we. Muyimeleri na muyimeri va fanele ku tlhela va yimela matsalwa ya vutitivisi lawa ya hlawuriweke no va ya fanerile:

• Tsalwa ra pasi ra RSA leri ri kumekaka eka Ndzawulo ya Timhaka ta Xikaya (DoHA), loko munhu a ri muaki wa RSA, kumbe a nga ri muaki wa RSA kambe a tshama eRSA vutomi bya yena hikwabyo.
• Xitifikheti xa pasi ra nkarhinyana lexi kumekaka eka DoHA, loko munhu a ri muaki wa RSA, kumbe a nga ri muaki wa RSA kambe a tshama eRSA vutomi bya yena hikwabyo.
• Phasipoto ya RSA leyi yi nga tirhisiwaka ku ku kuma nomboro ya ID.
• Pasi leri ri nga humeka etikweni rimbe, loko ku ri leswaku munhu a nga ri muaki wa RSA loyi a nga tshamiki vutomi bya yena hikwabyo eRSA.
• Xitifikheti xa TRN lexi xi kumekaka eka vulawuri bya ntsariso (RA) lebyi faneleke loko munhu a nga ri muaki wa RSA loyi a nga tshamiki vutomi bya yena hinkwabyo eRSA, loyi a nga hava pasi ra tiko rimbe, kambe a ri na phasipoto kumbe tsalwa ro endza