Ngaha
Zwine vha tea u ita
Tshifhingambekanywa
Zwi ita vhugai
Fomo dzi no tea u ḓadzwa
Vha kwama inyi
Nga ha u ita khumbelo ya nomboro ya u ṅwalisa vhuendi
Nomboro ya u ḓiṅwalisa ya vhuendi ndi yone nomboro ya vhuṋe khulwane ine ya ṱanganedzwa kha ṱhirantsekisheni dza vhuendi ha badani kha eNaTIS kha vhabvannḓa na zwiimiswa zwine zwa shuma sa muthu a siho mulayoni.
Arali vha mubvannḓa vha sa athu u ḓiṅwalisa kha eNaTIS (Sisiṱeme ya Mafhungo a zwa Vhuendi ya Lushaka); vha tshi khou ṱoḓa u renga kana u ṅwalisa tshiendisi tshavho Afurika Tshipembe, vha fanela u yo u sumbedza ḽiṅwalo ḽa vhuṋe ḽa nnḓa u kona u dzheniswa kha eNaTIS.
Musi vha sina ḽiṅwalo ḽa vhuṋe ḽa nnḓa, vha ḓo tea u ita khumbelo ya nomboro ya u ḓiṅwalisa ya vhuendi (TRN), tenda vha vha vhe na phasipoto ine ya khou shuma, ḽaisentse ya u reila kana ḽiṅwaḽo ḽa u tshimbila ḽine ḽa ṋetshedza vhuṱanzi uri vha Afurika Tshipembe lwa mulayo.
Arali vha tshiimiswa tshine tsha shuma sa muthu a siho mulayoni sa tsumbo. mushumisani, bindu ḽa muthu muthihi, mannḓalanga a masipala/ vunḓu/ muvhuso, kereke/ tshivhidzo/ tshiimiswa tsha vhulondavhathu, tshiimisa tsha vhuḓimvumvusi, tshiimiswa tsha pfunzo, thirasithi kana tshiimiswa tshire mulayoni vha fanela u ita khumbelo ya nomboro ya u ḓiṅwalisa ya vhuendi Afurika Tshipembe. Tshiimiswa tshi fanela u topola muimeleli wa davhi ḽiṅwe na ḽiṅwe kana ḓiresi dzo fhambanaho dza bindui/tshiimiswa. Muthu uyu u shuma sa ene ane a kwamiwa kha zwa ndaulo.
U ḓadzisa kha zwenezwo, muthu wa u ṱhaḓula u fanela u vhewa nga kha liṅwalo ḽa muthu wa u ṱhaḓula. Luṅwalo lwa muthu wa u ṱhaḓula lu themendela uri muthu onoyo u shuma nga fhasi ha tshiimiswa, na u ḓivhofha nga tshiimiswa hu tshi itelwa NRTA (Mulayo wa Vhuendi Dzibadani dza Lushaka) na NRTR (Ndangulo dza Vhuendi Dzibadani wa Lushaka).
Muthu wa u ṱhaḓula na muimeleli a nga vha muthu muthihi. Muthu wa u ṱhaḓula na muimeleli vha fanela u sumbedza maṅwalo a vhuṋe o teaho:
- Ḽiṅwalo ḽa vhuṋe ḽa RSA ḽo bveledzwaho nga Muhasho wa zwa Muno (DHA) arali muthu a mudzulapo wa ḽa RSA, kana muthu ane a sa vhe mudzulapo wa RSA fhedzi atshi dzula lwa tshoṱhe RSA.
- Ṱhanziela ya vhuṋe ya tshifhinganyana yo bveledzwaho nga DHA arali muthu a mudzulapo wa ḽa RSA, kana muthu ane a sa vhe mudzulapo wa RSA ane a dzula lwa tshoṱhe RSA.
- Phasipoto ya RSA ine khayo ha ḓo wanala nomboro ya ID.
- Ḽiṅwalo ḽa vhuṋe ḽo bviswaho nga shango ḽa nnḓa, arali muthu a si mudzulapo wa RSA a sa dzuli lwa tshoṱhe RSA.
- Ṱhanziela ya TRN yo bviswaho nga vha mannḓalanga a u ḓiṅwalisa (RA) vho teaho arali muthu a si mudzulapo wa RSA a sa dzuli lwa tshoṱhe RSA, a sina ḽiṅwalo ḽa vhuṋe nnḓa, fhedzi a na phasipoto kana ḽiṅwalo ḽa u tshimbila
Zwine vha tea u ita
- Kha vha ye kha vha mannḓalanga a zwa u ḓiṅwalisa (RA) kana sentharani ya ndingo ya ḽaisentse ya u reila (DLTC) vha ḓadze fomo ya khumbelo na nḓivhadzo zwi tshi elana na nomboro ya u ḓiṅwalisa ya vhuendi (ANR).
- Arali vha tshi ita khumbelo ya nomboro ya u ḓiṅwalisa ya zwa vhuendi sa mubvannḓa ane a ṱoḓa u renga kana u ṅwalisa goloi yawe Afurika Tshipembe, vha tea u ṋetshedza zwi tevhelaho:
- khophi yo khwaṱhisedzwaho ya phasipoto kana khophi yo khwaṱhisedzwaho ya ḽaisentse yavho ya u reila na phemithi ya vhudzulo ha tshifhinga nyana kana ḽiṅwalo ḽa u tshimbila.
- zwinepe zwa ID zwivhili zwa muvhala mutswu na mutshena (kha vha kwaṱhisedze na RA kana DLTC uri hu khou ṱoḓea zwinepe zwingana).
- Arali vha tshi khou ita khumbelo ya nomboro ya u ḓiṅwalisa ya vhuendi ngauri vha khou ṱoḓa u ita nambapuḽeiti ya vhuṋe ya tshiendisi tsha tshiimiswa tshavho, vha fanela u ṋetshedza zwi tevhelaho:
- ṱhanziela ya u ḓiṅwalisa ya bindu (yo bveledzwaho nga muṅwalisi wa khamphani)
- khophi ya muṱhaḓuli kana ID ya Afurika Tshipembe ya muimeleli.
- Vha badele mutengo wo randelwaho.
Tshifhingambekanywa
Zwi nga dzhia vhege dzi swikaho rathi u tshimbidza khumbelo yavho.
Zwi ita vhugai
Kha vha kwame ofisi yavho yapo ya ḽaisentsi u vhudzisa mutengo.
Fomo dzi no tea u ḓadzwa
Khumbelo na Nḓivhadzo maelana na Nomboro ya u Ṅwalisa Vhuendi . Kha vha kwame ofisi ya vhuendi ya tsinisa na ha havho
Vha kwama inyi
Contact your local department of transport
