Uma ungumsebenzi oxabene nomqashi wakho, noma umqashi oxabene nomsebenzi, ngezindaba ezinjengalezi:
- ukuxoshwa
- amaholo nezimo zokusebenza
- ushintsho emsebenzini, noma
- ukucwaswa.
Ungacela i-CCMA ukuba yenze ukubuyisana noma ukwahlulela engxabanweni yakho. Inyunyana noma inhlangano yomqashi ingase iqalise lesi sinyathelo. Awudingi imvume yabanye abathintekayo ngaphambi kokuba uthathe udaba uluyise kwa-CCMA.
Lezi zingxabano ezilandelayo ngeke ziyiswe kwa-CCMA:
- lapho kubandakanyeka khona inkontileka ezimele.
- lapho udaba lungekho mayelana noMthetho Ophathelene neZabasebenzi (i-LRA) noma uMthetho Wokuqasha Ngokulinganisa (i-EEA). Izindaba ezithinta uMthetho Wezimo Eziyisisekelo Zokuqashwa (i-BCEA) zingase zihlotshaniswe nezingxabano zokuxoshwa ngokungenaqiniso kanye nezokudilizwa ngokungenaqiniso kwa-CCMA.
- lapho kukhona khona umkhandlu wezingxoxo noma umkhandlu womthetho waleyo mboni.
- lapho kukhona khona isivumelwano esenziwe sokuxazulula izingxabano (ngokwesibonelo: umxazululi wezingxabano ozimele)
Thola ulwazi oluthe xaxa mayelana nokuyisa ingxabano kwa-CCMA noma thintana nabakwa-CCMA.
