Nangabe usisebenzi unombango nomqatjhakho nanyana hlangana komqatjhakho nawe, ngeendaba ezifaka hlangana:
- ukuqothwa,
- imirholo nobujamo bokusebenza
- amatjhuguluko emsebenzini, nanyana
- ibandlululo.
ungabawa iKhomitjhini yokuThobelana, yokuColela nokuLamulisa (i-CCMA) ilethe ukuthobelana nanyana ilethe isahlulelo embangwenakho. Iyuniyoni nanyana ihlangano yomqatjhi nayo ingalithoma igadango elinje. Awudingi ivumo evela komunye umuntu ngaphambi kobana use umraro lo kwa-CCMA.
Imibango elandelako angeze yatjhingiswa kwa-CCMA:
- lapho kubandakanyeka ikontraga ezijameleko.
- lapho icala lingabandakanyi khona iindaba eziphathelene nomThetho wezobuDlelwana kezeMisebenzi nanyana umThetho wokuQatjha ngokulinganisa (i-EEA). Iindaba zomThetho zobuJamo obuyisiSekelo emSebenzini (i-BCEA) zingamadaniswa nombango wokuqotjhwa emsebenzini ngokungasisemthethweni kanye nombango wokukhitjhwa emsebenzini okungasisemthethweni ku-CCMA.
- lapho kunomkhandlu wokukhulumisana kilowomnyango.
- lapho kukhona icolelwano elingenziwa hlangana kwababangi (isibonelo: ukulamulisa kwangeqadi).
Thola ilwazi elingezelelweko elimayelana nendlela yokusa umbango kwa-CCMA nanyana thintana nabakwa-CCMA.