Nangabe usisebenti unencabano nemcashi wakho, nome umcashi unencabano nesisebenti ngeludzaba lolutsite njenge:
- kucoshwa
- timo letingamukelekiko tekusebenta nemiholo
- tingucuko tasemsebentini, nome
- kubandlululwa
ungacela i-CCMA kutsi inilamule nome inente nibuyisane kulencabano yenu. Inyonyana nome inhlangano yemcashi kungaba ngiyo lecala lendzaba. Awudzingi kutsi ute utfole imvume kulelinye licembu kute ufake ludzaba lwakho ku-CCMA.
Letincabano letilandzelako ngeke tendluliselwe ku-CCMA:
- nangabe kufaka ekhatsi sokontileka lotimele.
- nangabe lelicala alitsintsi ludzaba loluseMtsetfweni Lophatselene Netetisebenti nome Umtsetfo Wekulinganisa Ematfuba Ekucasha . Tindzaba teMtsetfo Wetimo Letisisekelo Tekucashwa (i-BCEA) tingayanyaniswa netincabano tekucoshwa ngalokungafanele kanye netincabano tekudzilitwa ngalokungafanele emsebentini ku-CCMA.
- nangabe kunemkhandlu wekucocisana nome umkhandlu lobunjwe ngekwemtsetfo lokhona kuleyo mboni.
- Nangabe kunesivumelwane sangasese lesikhona sekusombulula tincabano (sibonelo: kulamula kwangasese).
Tfola kabanti mayelana nekundlulisela incabano kuKhomishini Yekubuyisana, Kulamula Nekwehlulela nome utsintse i-CCMA.
