Arali vha mushumi vhe na phambano na mutholi wavho, kana vaisa vesa, kha mafhungo a ngaho:
- u pandelwa
- miholo na nyimele ya kushumele
- tshanduko mushumoni, kana
- khethululo.
vha nga humbela Khomishini ya Vhupfumedzani, Vhukonanyi, na Vhulamukanyi (CCMA) u pfumedzana kana u lamukanya phambano. Mbumbano kana tshiimiswa tsha mutholi vha nga thoma iḽi ḽiga. A vha tei u wana thendelo ya ḽiṅwe ḽihoro phanḓa ha musi vha tshi isa mafhungo kha CCMA.
Phambano dzi tevhelaho dzi nga si livhiswe kha CCMA:
- hune ha dzheniswa muṋetshedza tshumelo o ḓiimisaho nga eṱhe.
- hune mulandu wa sa shumane na zwithu zwi re kha Mulayo wa Vhushaka ha Vhashumi Mushumoni kana Mulayo wa Ndinganyiso ya Matholele (EEA). Mafhungo a Nyimele dza Mulayo wa Kushumele (BCEA) a nga ṱumanywa na phambano dza u pandelwa zwi songo tea na phambamo dza u fhungudzwa mushumoni zwi songo tea kha CCMA.
- hune khoro ya nyambedzano kana khoro ya mulayo ya vha hone kha sekithara yeneyo.
- hune ha vha na thendelano ya phuraivethe ya u tandulula phambano (sa tsumbo: vhulamukanyi ha phuraivethe).
Kha vha wane zwinzhi ngaha u livhisa phambamo kha CCMA kana vha kwame CCMA.