Swipimelo swa maendlelo na swiyimo

Munhu wun’wana na wun’wana loyi a fikelelaku
website leyi (mutirhisi) u fanele ku landza, no pfumela
swipimelo swa maendleo na swiyimo leswi nga vekiwa eka nothisi leyi
ya nawu. Loko mutirhisi a nga lavi ku bohiwa hi swipimelo swa
maendlelo na swiyimo leswi, mutirhisi a nga ka a nga koti ku
fikelela (access), ku kombisa, ku tirhisa kumbe ku humesa
(download) na ku/kumbe ku kopa kumbe ku hangalasa vundzeni lebyi
byi kumekaku eka website leyi.

1. Matirhiselo na Mfanelo ya vun’winyi

1.1 Vatirhisi va nga languta, ku kopa, ku humesela (download)
eka drive ya khompyutara ya vona, ku printa, no hangalasa vundzeni
bya website leyi, kumbe xiyenge xa yona hi xikongomelo xa vutivi
kumbe referense, ntsena loko va nga endli leswi hi xikongomelo xa
ku bindzula.

1.2 Vatirhisi lava va lavaku ku tirhisa vundzeni lebyi bya
sayiti leyi hi xikongomelo xa ku bindzula, va nga endla sweswo
ntsena endzhaku ka loko va kume mpfumelelo eka Minijere wa web (Web
Manager) loyi a kumekaku eka riqingo leri nge: +27 12 314-2140
kumbe eka email leyi nge:
electronic@gcis.gov.za.
Ku kandziyisa nakambe (reproduction) na/kumbe ku kopa vundzeni
lebyi kumbe xiyenge xa byona hi xikongomelo xa ku bindzula, swi
fanele ku katsa nothisi leyi ya mfanelo ya vun’winyi hi ku helela:
© GCIS2004: TIMFANELO HINKWATO TIHLAYISIWE EKA VINYI

1.3 Timfanelo hinkwato ta vunene na tin’wana ta Vuhlanganisi na
Mahungu ya Mfumo (Government Communications and Information System
– GCIS) kumbe minhlangano hinkwayo ya nawu vutivi hi yona byi nga
le ke sayiti leyi, kambe leti ti nga nyiketeriwangiku tihlayisiwe
eka vinyi (reserved).

2. Timfanelo ta vun’winyi bya mpahla ya swa vutlhari bya
miehleketo

Vundzeni hinkwabyo, data, mimfungho ya nxaviso (trademarks),
leswi katsaku kambe swi nga heleri ka swona ntsena,
software, theknoloji, ti-database, vuswikoti bya maendlelo,
matsalwa, tigrafiki, ti-icon, ti-hyperlink, vutivi bya le tlhelo,
tidizayini, progreme, nkandziyiso, product, fambiselo, kumbe
muanakanyo lowu nga hlamuseriwa eka website leyi, swi nga
nghenisiwa ehansi ka timfanelo tin’wana, ku katsa, timfanelo ta
vun’winyi bya mpahla ya swa vutlhari bya miehleketo, lebyi byi nga
mpahla ya kumbe ku nyiketiwa ka layisense eka va GCIS, kumbe
nhlangano wa nawu, hikokwalaho, byi sirheleriwe hi milawu ya Afrika
Dzonga leswaku byi nga onhiwi, na mintwanano na mimpfumelelano na
matiko ya le handle. Hi ku landza timfanelo leti nga nyiketiwa
mutirhisi laha, hinkwato timfanelo tin’wana ta mpahla ya swa
miehleketo (intellectual property) eka website leyi, byi hlayisiwe
eka vinyi (reserved) na swona hi ku fikelela data eka
website leyi, mutirhisi a nga na layisense kumbe ku
nyiketiwa matimba ya ximfumo.

3. Ku tilandzula eka nandzu

3.1 Vutivi lebyi byi nga laha ka website leyi, byi na
xikongomelo xo nyiketa vutivi hi ku nava hi nhlokomhaka kumbe
tinhlokomhaka to karhi, na swona a byi angarheli hinkwaswo leswi
khumbaku nhloko/tinhlokomhaka to tano.

3.2 I vutihlamuleri bya mutirhisi ntsena ku tienerisa loko a nga
si fikelela website leyi leswaku website yi ta
angarhela swilaveko swa mutirhisi yoloye na ku fambelana na michini
(hardware) na tiprograme ta khompyutara (software) swa mutirhisi.
Vutivi, mianakanyo na mavonelo leswi swi nga hlamuseriwa eka sayiti
leyi a swi faneli ku tekiwa tani hi swiletelo na switsundzuxo bya
xiprofexinara, kumbe mianakanyo ya ximfumo ya GCIS, kumbe nhlangano
wun’wana lowu nga nawini makongomana na vutivi, mianakanyo na
mavonelo lama ya nga humesiwa eka website leyi. Vatirhisi va
khutaziwa leswaku va tihlanganisa na vatsundzuxi va tiprofexinara
loko va nga si teka goza makongomana na vutivi, mianakanyo, na
mavonelo lama nga humesiwa eka sayiti leyi.

3.3 Va GCIS a va tshembisi kumbe ku nyiketa tiwaranti leti
nyiketiwaku hi ndlela yo ka yi nga kongomangiku, kumbe hi ndlela
yin’wana, ya leswaku exikarhi ka swin’wana, vundzeni na theknoloji
leyi nga kona eka sayiti leyi a swi na swihoxo kumbe swin’wana
leswi nga rivaleka kumbe ku tluleka kumbe leswaku vutirheli byi ta
kumeka nkarhi wa 100% handle ko kavanyeteka, na leswaku a ku na
xihoxo, kumbe byi ta hlanganyetana na swipimelo swo karhi swa
matirhelo kumbe khwaliti. Sayiti leyi yi nyiketiwa hi ndlela “leyi
yi nga xiswona”. Va GCIS va tilandzula eka hinkwato tiwaranti leti
nga endliwa hi ndlela yo ka yi nga kongomangiku, ku katsa kambe
handle ka swipimelo, tiwaranti ta vuxavisi, nhlokomhaka, ku
ringanela no kongomana na xikongomelo xo karhi, ku ka swi nga
kanetani na milawu, ku fambelana, vusirheleleki, na ku kongomana
thwi na swona a yi tshembisi hi ndlela leyi kongomeke na leyi nga
kongomangiku kumbe tiwaranti makongomana na vundzeni bya
website na leswaku website leyi yi endliwe no
humesiwa ku hlanganyeta swilaveko swa mutirhisi yoloye. Vatirhisi
va khutaziwa ku vika hambi swihi swihoxo, ku ka yi nga tirhi kahle,
kumbe matsalwa ya ndzhukano hi ku tirhisa linki ya mianakanyo yo
huma eka vanhu.

3.4 Ku tirhisiwa ka vundzeni bya website swi tirhisiwa hi
ku veka vulemuki bya nghozi eka mutirhisi. Mutirhisi u amukela
vutihlamuleri hinkwabyo na nghozi yo lahlekeriwa hikokwalaho ko
tirhisa vundzeni bya sayiti leyi. Va GCIS kumbe nhlangano wun’wana
lowu nga nawini makongomana na vutivi lebyi nga le ka sayiti leyi,
kumbe vatirhi va GCIS kumbe nhlangano wo tano, va nga ka va nga vi
na nandzu hi ku vaviseka ka xipeceli, loku nga kongomangiku, loku
tiendlekelaku hi ku kotlana ka swilo kunene, loku nga vuyelo, kumbe
ku vaviseka hi ku rihisiwa, kumbe ku vaviseka ka muxaka wihi na
wihi loku ku nga tshukaku ku endlekile, hambi eka goza ra kontraka,
nawu, nandzu wa ku rihisiwa hi munhu (tort) (ku katsa, kambe swi
nga ri swona ntsena, ku va swilo swi endliwe hi vusopfa), kumbe hi
ndlela yin’wana, leswi fambelanaku na ku tirhisiwa ka dokumende
kumbe vutivi. Loko leswi swi nga hlayiwa swi nga tirhiseki hi
xitalo hikokwalaho ka xivangelo xihi kumbe xihi, leswi nga sala swi
ta ya emahlweni no tirha. Hi ku landza swiyenge swa 43(5) na 43(6)
swa nawu wa Electronic Communications and Transactions Act 25 of
2002 (Nawu wa swa vuhlanganisi hi swa elektroniki), va GCIS va
nga ka va nga vi na nandzu hi ku vaviseka, ku lahlekeriwa kumbe ku
rihisiwa ka muxaka wihi na wihi loku ku nga va ku kona hikokwalaho
ka ku tirhisiwa, kumbe ku tsandzeka ku tirhisa website leyi
kumbe vutirheli kumbe vundzeni lebyi nga nyiketiwa byi suka eka
kumbe hi landza website leyi.

3.5 Tilinki tin’wana eka web server byi pfuneta ku fikelela eka
swihlovo na swipfuneto swa swilo leswi swi lawuriwaku hi van’wana
vanhu, kasi va GCIS a va na rito kumbe vulawuri eka swona. Va GCIS
a va tshembisi kumbe ku endla tiwaranti hi ku kongoma thwi
(accuracy) kumbe swiyenge swin’wana swa swa swihlovo kumbe
swipfuneto sweleswo.

3.6 Leswi nga vekiwa eka Xiyenge 2 xa Ndzima (Chaptara) III xa
nawu wa Electronic Communicatins and Transactions Act 25 of
2002 (Nawu wa swa vuhlanganisi hi swa elektroniki), xi
humesiwile eka ku tirha eka vuhlanganisi bya elektroniki na mahungu
ya ti-data messages, lama ya nga rhumeriwaku hi mutirhisi eka va
GCIS hi ku tirhisa website leyi. Ku tihlanganisa kwihi na
kwihi kumbe mahungu ya data message lama mutirhisi a ma
rhumelaku eka va GCIS ya ta tekiwa tani hi lama ya nga amukeriwa hi
GCIS loko ku amukeriwa ku kumeka ka wona hi ku tsala. Loko
mutirhisi a nga kumi nhlamulo hi nkarhi lowu faneleke, mutirhisi u
fanelele ku landzelela mhaka leyi na va GCIS. Va GCIS va nga ka va
nga vi na nandzu wa ku tsandzeka ku hlamula.

3.7 Loko mutirhisi a lava hambi vutivi byihi byo huma eka va
GCIS makongomana na vutirheli kumbe vundzeni bya website
leyi, a nga tirhisa linki ya mianakanyo yo huma eka
vanhu.

4. Vuhlayiseki

4.1 Vusirheleleki

Va GCIS va na theknoloji ya xiyenge xa swa vuxaxisi (commerical
standards of technology), na vuhlayiseki bya ntirhiso ku sirhelela
vutivi lebyi byi nga nyiketiwa hi vatirhisi eka ku lahlekeriwa, ku
tirhisiwa hi ndlela leyi nga fanelangiku, ku cinciwa, kumbe ku
onhiwa. Ku ta tekiwa magoza hinkwawo lama faneleke ku sirhelela
vutivi bya mutirhisi. Vatirhi lava va nga na mfanelo, lava va
langutaneke na nhlayiso wa ku tirha kahle (maintenance) ka vutivi
lebyi byi faneleke ku hlayisiwa tani hi xihundla (sensitive data),
lebyi byi nga tisiwa, va languteriwa leswaku va hlayisa xihundla xa
vutivi byo tano (such data). Pholisi leyi yi tirha eka vatirhi
hinkwavo va GCIS kumbe minhlangano ya mfumo leyi yi nga amukelaku
vutivi byo tano eka GCIS. Swi tshimbisiwile eka munhu wun’wana na
wun’wana, bindzu, kumbe nhlangano ku fikelela kumbe ku ringeta ku
fikelela hi ndlela leyi nga ri ku mfanelo na nawu eka tluka rihi na
rihi ra website, kumbe ku dilivhara kumbe ku ringeta ku
dilivhara khodi yo ka yi nga ri nawini, ku vavisa, kumbe hi ndlela
yo homboloka eka website leyi. Loko munhu a dilivhara kumbe
a ringeta ku dilivhara khodi yo onha leyi yi nga ri ku nawini, leyi
onhaku eka website leyi, kumbe a ringeka ku fikelela hi ndlela leyi
nga ri ku nawini eka tluka rihi na rihi ra website leyi, munhu
yoloye u ta vekiwa nandzu wa vugevenga, kasi loko va GCIS kumbe
nhlangano wun’wana wa mfumo wu vaviseka kumbe ku lahlekeriwa, ku
nga pfuriwa na nandzu wa ku rihisiwa.

4.2 Ku linka na ku freyima (ku teka xivumbeko na
vutivi)

Hi amukela minhlangano yin’wana leswaku yi linka na vutivi bya
ti-website ta hina lebyi byi nga le ka matlula lama. Kambe swi
tshimbisiwe swinene eka munhu wun’wana na wun’wana, bindzu, kumbe
nhlangano, kumbe website leswaku yi freyima tluka rihi na rihi eka
website leyi, ku katsa tluka ra le kaya, hambi hi mukhuva wihi na
wihi, handle ko rhanga ku va na mpfumelelo lowu wu nga tsariwa wo
huma eka va GCIS.

4.3 Ku linka na ti-website ta van’wana

Va GCIS va nga linkisa eka ti-website tin’wana ntsena loko swi
pfuneta, na swona ku katsiwa ka linki yihi na yihi, a swi vuli
leswaku va GCIS va pfumelelana na sayiti yo tano. Ti-website leti
ku nga linkiwa na tona kumbe matluka, a swi le hansi ka vulawuri
bya GCIS. Va GCIS a va byarhi emakatleni ya vona, kumbe ku va
nandzu na vutihlamuleri, hi ndlela yo kongomana kumbe yo ka yi nga
kongomangi, hi vundzeni, ku tirha, kumbe ku tsandzeka ku tirha
kumbe ku fikelela eka ti-website leti ti nga linkiwa, kumbe tilinki
tihi na tihi leti kumekaku eka ti-website leyi nga
linkiwa.

5. Xihundla

5.1 Masungulo

Xitatimende xa xihundla xi tirha eka va GCIS na minhlangano
yin’wana leyi nga nawini, leyi yi lawulaku, yi tiyisaku, kumbe ku
tirhisa vutivi lebyi byi nga hlengeletiwaku hi ku tirhisa website
leyi.

Mutirhisi a nga endzela sayiti handle ko nyiketa vutivi hi
makongomana na yena hi xiviri. Kambe, mutirhisi, u pfumela ku
tirhisa vutivi byelebyo hi ku landza pholisi leyi ya xihundla. Hi
kombela mi lemuka leswaku sayiti leyi yi nga va na tilinki eka
tisayiti tin’wana leti ti nga lawuriwiku hi xitatimende lexi xa
xihundla.

Loko mutirhisi a ri na swivutisi kumbe leswi n’wi karhataku
makongomana na xitatimende lexi xa xihundla kumbe xihundla xa
mutirhisi loko a tirhisa Website leyi, a nga tirhisa linki ya
mianakanyo yo huma eka vanhu.

5.2 Ti-cookies (tifayili ta matsalwa
matsongo)

Va GCIS va nga tirhisa ti-cookies (tifayili ta matsalwa matsongo
lama ya hlayisiwaku eka browser ya mutirhisi) kumbe ti-web beacons
(swifaniso swa elektroniki leswi swi pfunetaku website leyi
ku hlaya vatirhisi lava va nga fikelela eka tluka ro karhi no
fikelela ti-cookies to karhi) ku tiyisa leswaku website yi
fambisiwa kahle no endlela ku antswisa sayiti. Va GCIS kumbe
vanyiketi va vutirheli va nga tirhisa ti-cookies ku hlengeleta
vutivi bya le xikarhi (aggregate data). Va GCIS va nga tirhisa
switirhisiwa (devices) swo tani hi minkarhi na minkarhi ku
landzelela vutivi (track information) eka tisistimu ta vona, no
vona minxak aya vatirhisi hi ku tirhisa tiayithemu to fana na IP
address, domain, browser type, na u vona matluka
lama nga endzeriwa. Vutivi lebyi, byi vikiwa eka administreyitara
wa web loyi a tirhisaku vutivi lebyi ku kambela ntsengo wa
vatirhisi eka tindzhawu to hambana ta sayiti, no tiyisa leswaku
sayiti leyi yi fambelana na mintirho ya yona, na ku va xihlovo xa
vutivi lebyi tirhaku kahle.

Hambi ku ri ti-cookies kumbe ti-web beacons a tihlengeleti
vutivi bya munhu xiviri byo fana na vito kumbe tiadrese ta
mutirhisi. Mutirhisi a nga ala ti-cookies hikuva ti-browser to tala
tipfumelela munhu xiviri ku ala ku tirhisa ti-cookies. Ehansi ka
swiyimo swo karhi, vatirhisi va nga aleriwa ku nghena eka swiyenge
swo karhi swa website leyi loko ti-browser ta vona ti
hleriwe hi ndlela yo ala ti-cookies.

5.3 Ku tirhisiwa ka Vutivi bya Munhu xiviri

Vutivi bya munhu xiviri byi tirhisiwa hi swikongomelo swo karhi
ntsena, xikombiso, loko mutirhisi a tsarisa na website ku
kombela ku tihlanganisa na yena hi mintrho leyi yi khumbaku va
GCIS. Va GCIS va nga tirhisa vutivi lebyi byi tisiwaku hi mutirhisi
ku endla profayili ya munhu xiviri ku endlela leswaku a kuma
nhlamulo leyi kongomaneke na yena eka swikombelo swa yena, kumbe
swivutiso, na ku antswisa website. Loko mutirhisi a langa ku
tsarisa eka online makongomana na mintirho leyi yi
rhurheriwaku hi va GCIS, va GCIS va ta tirhisa vutivi byelebyo byi
nga tisiwa hi mutirhisi ku hlamula mutirhisi. Na le henhla ka
swona, administreyitara ya web, laha swi faneleke, yi nga tirhisa
vutivi bya mutirhisi eka mintirho yo hambana leyi kongomaneke na
sayiti. Va GCIS va ta tiyisa leswaku mintirho ya ku maketa yi
fambelana na nawu lowu faneleke, na swona leswaku yi tirhisiwa hi
ku landza mafambiselo ya kona, ku kuma mpfumelelo lowu faneleke va
nga si rhumela email ya mutirhisi makongomana na vutirheli bya va
GCIS. Mutirhisi a nga ku hi nkarhi wun’wana na wu’nwana a kombela
va GCIS ku tshika ku rhumela matsalwa yo tano eka mutirhisi hi ku
tirhisa linki ya mianakanyo yo huma eka vanhu kumbe linki ya
unsubsribe (ku sula vito ra wena eka ntsariso)

5.4 Ku paluxa vutivi eka vanhu van’wana

Hambi leswi va GCIS va nga nyiketaku vutivi bya mutirhisi eka
vaphakeri va vutirheli lava va langutanaku na vutivi hi vito ra
wona, va ta tiyisa leswaku vutivi lebyi a va avelana hi vona na
vanhu van’wana kumbe minhlangano yin’wana ya mfumo hi swikongomelo
swo ka swi nga kongomanangi na swikongomelo swa kona, handle ka
loko byi paluxiwe eka nkarhi lowu byi nga hlengeletiwa hi wona.

Vutivi bya munhu xiviri byi nga hundziseriwa eka vamatiko ya
misava, kumbe van’wana hi va GCIS ntsena hi swikongomelo leswi swi
nga vekiwa laha hansi. Leswi a swi nga katsi ku hundzisela vutivi
eka matiko man’wana handle ko landzelela swinawana swa malawulelo
(rules), swo fana na leswi swi tirhisiwaku eka tiko ra mutirhisi.
Hi ku nyiketa vutivi eka va GCIS hi ku tirhisa website leyi,
mutirhisi u pfumelelana na ku hundzisiwa ka vutivi.

Laha swi faneleke, vutivi bya munhu xiviri byi nga paluxiwa eka
va nawu, tiejensi ta vulawuri kumbe tin’wana ta mfumo, van’wana va
vunharhu, laha swi faneleke, ku landzelela nawu, kumbe swiboho swa
nawu kumbe swikombelo, hi swikongomelo leswi nga hlayiwa
ehenhla.

5.5 Ku fikelela eka Vutivi bya munhu xiviri

Loko ku tisiwe vutivi bya munhu xiviri eka website leyi,
vatirhisi lava va navelaku ku kambela vuviti bya munhu xiviri, va
nga endla sweswo hi ku kombela nkambelo wolowo hi ku tirhisa linki
ya mianakanyo yo huma eka vanhu. Kutani vatirhisi va ta kota ku
fikelela profayili ya mutirhisi, vuxokoxoko bya yena lebyi
kongomeke, na ku hoxela vuxokoxoko lebyintshwa, kunbe hi ku tirhisa
unsubscribe eka nkarhi wun’wana na wun’wana. Vatirhisi lava
va nga na swirhalanganyi hi ku fikelela tiprofayili ta vona, kumbe
lava va rhandzaku ku kombela tikhophi ta tiprofayili ta vona, va
fanele ku khumbana na administreyitara wa web hi ku tirhisa linki
ya mianakanyo yo huma eka vanhu. Eka swiyimo hinkwaswo, va GCIS va
ta khoma xikombelo xo fikelela vutivi kumbe ku cinca vutivi hi ku
landza swilaveko swa nawu lowu tirhaku eka xiyimo lexi.

5.6 A ku na ntwanano

A ku na leswi swi nga laha leswi vangelaku kumbe ku va na
xikongomelo xo vangela vukona bya kontraka kumbe ntwanano exikarhi
ka va GCIS na mutirhisi wun’wana na wun’wana loyi a endzelaku
website.

5.7 Ku sirhelela timfanelo ta vana ta
xihundla

Va GCIS va amukela nkoka wa ku sirhelela mfanelo ya xihundla ya
vana eka ku tirhisasna na tiinthanete.

6. Ntikelo

Swipimelo na swiyimo swa mafambiselo leswi swa ntirhiso swi
vumba vuxaka bya xiprofexinara na byin’wana exikarhi va GCIS na
mutirhisi wa website leyi. Ku tsandzeka kwihi na kwihi eka
va GCIS ku tirhisa mfanelo leyi kumbe ku tshimbisa leswaku mfanelo
leyi yi tirha kumbe swin’wana leswi nga kona eka swipimelo swa
mafambiselo na swiyimo swa matirhiselo, a swi vuli leswaku kutani
ku phaheriwa etlhelo mfanelo yeleyo kumbe leswi nga vekiwa eka
mfanelo. Loko xipimelo kumbe xiyimo xa ntirhiso wa website leyi swi
nga tshimbiseki hi xitalo kumbe swi nga tirhi hikokwalaho ka
xivangelo xihi kumbe xihi, xipimelo (swipimelo) kumbe xiyimo
(swiyimo) swi ta susiwa eka swipimelo na swiyimo leswi nga sala.
Swipimelo na swiyimo leswi nga sala, swi nga ka swi nga khumbeki hi
ndlela yo biha hi ku ka ku nga tirhiseki mfanelo yo karhi kumbe ku
ka yi nga tirhi, na swona swi ta ya emahlweni no
tirha.

7. Ku hoxela vutivi lebyintshwa eka Swipimelo swa
mafambiselo na swiyimo

Va GCIS va tinyiketa mfanelo yo cinca, ku hundzuluxa, ku ngetela
kumbe ku susa eka swiyenge kumbe hinkwaswo swipimelo swa
mafambiselo na swiyimo, eka ntirhiso hi minkarhi na minkarhi. Ku
cinciwa ka swipimelo swa mafambiselo na swiyimo swa ntirhiso swi ta
sungula ku tirha eka nkarhi wa ku hoxiwa ka ku cinca koloko eka
website. I xiboho xa mutirhisi ku tshama minkarhi hinkwayo a
ri karhi a cheka (a kambela) swipimelo swa mafambiselo na swiyimo
swa ntirhiso eka website leyi ku vona loko ku ri na ku cinca
loku nga endliwa kumbe ku hoxeriwa ka vutivi lebyintshwa. Ku ya
emahlweni ka mutirhisi ku tirhisa website leyi endzhaku ka
ku endliwa ka vucinci kumbe ku hoxeriwa ka vutivi lebyintshwa, swi
ta tekiwa tani hi nothisi ya ku amukela ka mutirhisi ku tiboha hi
swipimelo swa mafambiselo na swiyimo leswi swa ntirhiso, ku katsa
na ku cinca loku ku nga endliwa na ku hoxeriwa ka vutivi
lebyintshwa.

8. Vutivi makongomana na website na
n’winyi

8.1 Vito hi xitalo na xiyimo xa n’winyi wa website i:

Vuhlanganisi bya Mfumo na Fambiselo ra mahungu ku nga
Government Communciation and Information System (GCIS), lowu
ku nga Ndzawulo wa Tiko wa Mfumo wa Riphabuliki ra Afrika Dzonga,
lowu yimeriweke hi Chief Executive Officer (Mufambisi-nkulu) wa
GCIS.

8.2 Arese ya website leyi i:
http://www.services.gov.za

8.3 Vuxokoxoko byo khumbana na n’winyi wa website:

Adrese ya poso:
Government Communication and Information System
Private Bag X745
PRETORIA
0001

Adrese ya Pato:
Government Communication and Information System
Midtown Building No. 356
Cnr Prinsloo and Vermeulen Streets
PRETORIA
South Africa

Nomboro ya Riqingo: +27 12 314 2911
Nomboro ya Fekisi: +27 12 323 3831

Email:
electronic@gcis.gov.za