align="left">
Omunye nomunye umuntu ofikelela lewebhsayithi
(okumsebenzisi) ulawulwa bewuvumelana, nobujamo nemibandlela ebekwe
esazisweni lesi sangokomthetho. Nayikuthi umsebenzisi akafisi
ukukhambisana nobujamo nemiBandela le, umsebenzisi angeze
afikelela, atjengise, asebenzise namkha akhupha okusekhompyutheni
kanye namkha akope namkha asabalalise okutholakala
kilewebhsayithi.
1. Ukusebenzisa neLungelo lobuNini
1.1 Abasebenzisi bangaqala, bakope, bakhuphe ekhompyutheni base
edrayivini eseduze, bagadangise bebasabalalise okungaphakathi
kwalewebhsayithi, namkha esinye nesinye isiquntu salokho ukwenzela
ukwazisa namkha ukwenzela iminqopho yokuqala kuphela kanye
neminqopho yokungangenisi imali.
1.2 Abasebenzisi abafisa ukusebenzisa okungaphakathi
kwalewebhsayithi ngeminqopho yokwenza imali bangenza njalo kwaphela
ngemvumo etloliweko etholakala kuMphathi weWebh enomborweni yomtato
ethi +27 12 314 2140 namkha nge-email ethi
electronic@gcis.gov.za.
Okhunye ukukhiqiza butjha kanye/namkha ukukopa okungaphakathi
namkha isiquntu sakho ngeminqopho yokwenza imali kufanele kufake
isaziswesi sobunini ngokuzeleko: © GCIS2004: ALL RIGHTS
RESERVED.
1.3 Woke amalungelo wokuziphatha kanye namanye amalungelo
we-Government Communications and Information System (okuyi-GCIS)
namkha enye ihlangano yangokomthetho lapho okungaphakathi okukhona
kulesayithi akunikelwa ngokuzwakalisa agciniwe.
1.2 AmaLungelo wokuTlama
Koke okungaphakathi, idatha namatshwayo werhwebo, kufaka,
kodwana kungapheleli, ku-software, itheknoloji, amabulungelo
wamakhompyutha, ilwazi, itheksthi, imigwalo, ama-ayikhoni,
amahayiphalinki, ilwazi langeqadi, amadizayini, ihlelo, ukuveza,
umkhiqizo, ikambiso namkha umqondo okuhlathululwa kilewebhsayithi
kungaba yindaba yamanye amalungelo, kufaka amanye amalungelo
wokutlama, awela ngaphasi namkha imvumo yawo ephethwe yi-GCIS,
namkha ihlangano yangokomthetho, begodu ngalokho avikelwe
ekwephulweni mthetho weSewula Afrika neemvumelwano zeentjhabatjhaba
kanye neemvumelwano phakathi kweenarha ezimbili. Ngokuya
kwamalungelo anikelwe umsebenzisi lapha, woke amanye amalungelo
wokutlama kilewebhsayithi agcinwe ngokucacileko begodu
ngokufikelela idatha kilewebhsayithi umsebenzisi akanamvumo namkha
igunya.
3. Istatimende sokwala isibopho
3.1 Ilwazi elikulewebhsayithi kuhloswe ngalo ukunikela ilwazi
lamazombe ngesihloko esithileko namkha iinhloko begodu alinikeli
ngakho koke ngesihlokweso/iinhloso.
3.2 Kumsebenzi womsebenzisi yedwa ukuzanelisa ngaphambi
kokufikelela lewebhsayithi bonyana iwebhsayithi izakuhlangabezana
neemfuno zakhe njengomuntu begodu izakukhambelana neensetjenziswa
zekhompyutha namahlelo wayo. Ilwazi, imiqondo nemibono evezwe
kilwebhsayithi akukafaneli ithathwe njengesiyeleliso
sesiphrofetjhinali namkha umbono wangokomthetho we-GCIS namkha
ihlangano yangomthetho mayelana nayo okuzwakaliswa ilwazi, imiqondo
nemibono kilewebhsayithi. Abasebenzisi bakhuthazwa ukufuna
isiyeleliso sesiphrofetjhinali ngaphambi kokuthatha igadango
elithileko elikhambelana nelwazi, imiqondo namkha imibono
ezwakaliswa kilesayithi.
3.3 I-GCIS ayenzi statimende sombono namkha iinqinisekiso,
ezitjhiwoko namkha ngenye indlela, bonyana hlangana nokhunye,
okungaphakathi kanye netheknoloji etholakala kilesayithi
ayinamphoso namkha ukutjhiya ngaphandle namkha ukobana umsebenzi
uzakuba ngongathikanyezwako emaphesentini ali-100 begodu
nonganaphoso namkha uzakuhlangabeza nenye nenye indlela yokusebenza
namkha yekhwalithi. Lesayithi inikelwa "ngendlela
engayo". I-GCIS ibeka ngokucacileko ukungabinasibopho kizo
zoke iinqinisekiso ezitjhiwoko, kufaka, ngaphandle kokuphelela,
eenqinisekisweni zokuthengiseka, ithayithili, ukufaneleka umnqopho
othileko, ukungaphulwa, ukukhambelana, ukuphepha nokunemba begodu
ayenzi istatimende namkha isiqinisekiso mayelana nokungaphakthi
kwesayithi nokobana iwebhsayithi ibuthelelwe namkha inikelwe
ukuhlangabezana neendingo zomsebenzisi. Abasebenzisi bakhuthazwa
ukubika enye iphoso engabakhona, ukungasebenzi kuhle namkha izinto
ezilimaza imizwa esihlanganisini sombiko obuyako.
3.4 Ukusetjenziswa kokungaphakathi kwalewebhsayithi kuzakuya
ngokobana umsebenzisi uyafuna na ukuzibeka engozini. Umsebenzisi
unesibopho esizeleko kanye nokuzibeka engozini yokulahlekelwa
ngokusebenzisa okungaphakathi kwalesayithi. I-GCIS namkha enye
yeenhlangano zangokomthetho okunelwazi ngazo kilesayithi, namkha
abasebenzi be-GCIS namkha ihlangano enjalo, angeze zaba
nokuziphendulela ekudoselweni ngekhotho okukhethekileko, okungasi
bunqopha, okuvela ngebanga lalokhu, namkha kokuzwisa ubuhlungu
namkha okhunye nokhunye ukudosela ekhotho, okungaba ngesenzo
sesivumelwano, umthetjhwana, ukwephulwa kwelungelo (kufaka,
kungapheleli, ekungatjhejini), namkha ngenye indlela, okukhambelana
nokusetjenziswa kwalomtlolo namkha ilwazi. Nayikuthi okhunye
kokungehla akusetjenziswa ngokomthetho ngebanga elinye nelinye,
okuseleko kuzakuragela phambili nokusebenza. Ngokuya kweengaba
43(5) no 43(6) zomThetho wokuThintana ngokwe-Elektroniki
nokuThengiselana wenomboro 25 ka-2002 (Electronic Communications
and Transactions Act 25 of 2002), i-GCIS angeze yaba
nokuziphendulela kokhunye nokhunye ukudoselwa ekhotho, ilahleko
namkha ukuziphendulela kwananyana ngimuphi umhlobo okuvela ngebanga
lokusebenzisa namkha ukungakghoni ukusebenzisa lewebhsayithi namkha
imisebenzi namkha okungaphakathi okunikelwe ukusuka kilesayithi
namkha ngalewebhsayithi.
3.5 Ezinye iinhlanganisi kileseva yewebh zirholela emithombeni
egcinwa ngowesithathu othintekako ongaweli ngaphasi kwelawulo
le-GCIS. I-GCIS ayenzi sitatimende namkha isiqinisekiso ngokunemba
namkha ngelinye nelinye ihlangothi elikhambelana nemithombo
leyo.
3.6 Iinjamiso zeHlangothi 2 leSahluko III zomThetho wokuThintana
ngokwe-Elektroniki nokuThengiselana wenomboro 25 ka-2002 lapha
zibekelwa ngaphandle ekusebenzeni kokhunye nokhunye ukuthintana
ngokwe-elektroniki nemilayezweni yedatha umsebenzisi ayithumela
ku-GCIS ngokusebenzisa lewebhsayithi. Okhunye nokhunye ukuthintana
namkha umlayezo wedatha umsebenzisi awuthumela ku-GCIS uzakuthathwa
njengofunyenwe yi-GCIS lokha ukuvunywa kuvunywa ngomtlolo.
Nayikuthi umsebenzisi akafumani ipendulo esikhathini esithileko,
umsebenzisi kufanele alandelele i-GCIS. I-GCIS ayinakuziphendulela
ngokubhalelwa kuphendula.
3.7 Nayikuthi umsebenzisi ufuna elinye nelinye ilwazi ku-GCIS
mayelana nemisebenzi yayo namkha okungaphakathi kwalewebhesayithi,
isihlanganisi sombiko obuyako singasetjenziswa.
4. Ukuphepha
4.1 Ukuvikeleka
I-GCIS inamazinga wokwenza imali wetheknoloji nokuphepha
kokusebenza ukuvikela loke ilwazi elinikelwa basebenzisi
ekulahlekeni, ekusetjenzisweni kumbi, ekutjhugululweni namkha
ekonakalisweni. Woke amagadango afaneleko azakuthathwa
ukuqinisekisa ukuphepha kwelwazi lomsebenzisi. Abasebenzi
abavunyelweko, abasebenza ukugcina enye nenye idatha eyifihlo
elethwako, kufuneka bagcine ifihlo yedatha enjalo. Umthethomgomo
usebenza kibo boke abasebenzi be-GCIS namkha iinhlangano
zomphakathi ezingafumana ilwazi elinjalo ku-GCIS. Kukhandelwe khulu
bona omunye nomunye umuntu, ibhizinisi, namkha ihlangano ifumane
namkha ilinge ukufikelela ngokungakavunyelwa elinye nelinye ikhasi
lalewebhsayithi, namkha ukuletha namkha ukulinga ukuletha eminye
neminye imilayo yehlelo engakavunyelwa, emotjhako namkha
elinganahloso ehle kilewebhsayithi. Nayikuthi umuntu uletha namkha
ulinga ukuletha imilayo yehlelo engakavunyelwa, emotjhako namkha
enganahloso ehle kilewebhsayithi namkha ulinga ukufikelela
ngokungasimthetho elinye nelinye ikhasi elikulewebhsayithi,
uzakutheswa umlandu wobulelesi, begodu,nayikuthi i-GCIS namkha enye
nenye ihlangano yomphakathi ingalimala namkha ilahlekelwe,
ukudoselwa ekhotho yemibango kungenziwa.
4.2 Ukuthintanisa nokuthatha bewusebenzise ikhasi
njengombana linjalo
Samukela amawebhsayithi wabanye abathintekako ukuzithintanisa
nelwazi elitholakala kilamakhasi. Kukhandelwe khulu bona omunye
umuntu, ibhizinisi, ihlangano namkha iwebhsayithi ithathe ikhasi
beyilisebenzise njengombana linjalo ngaphandle kwemvumo
kilewebhsayithi, kufaka ikhasi lekhaya, nanyana kungayiphi indlela,
ngaphandle kwemvumo etloliweko ebuya kwa-GCIS.
4.3 Ukuthintana namaWebhsayithi Amanye
I-GCIS inganikela ngamathintwano kwamanye amawebhsayithi kuphela
njengokurhelebha begodu ukufakwa kwelinye ithintwano akutjho bona
i-GCIS ivumelana namawebhsayithi lawo. Amawebhsayithi
athintanisiweko namkha amakhasi awaweli ngaphasi kwelawulo le-GCIS.
I-GCIS ayinakuziphendulela namkha ayinakuphendula bunqopha namkha
ingasi bunqopha, ngenye nenye indlela ngokungaphakathi,
ukusetjenziswa namkha ukungakghoni ukusebenzisa namkha ukufikelela
amawebhsayithi athintanisiweko namkha amanye namanye amathintwano
atholakala kuwebhsayithi ethintanisiweko.
5. Intumba
5.1 Isingeniso
Istatimende sentumba sisebenza ku-GCIS kanye nakwenye nenye
ihlangano yomphakathi, elawula, eqinisekisa namkha esebenzisa
ilwazi elingabuthelelwa ngokusebenzisa isayithi.
Umsebenzisi angavakatjhela isayithi ngaphandle kokunikela ilwazi
ngaye. Umsebenzisi, kodwana, uvumela ukusetjenziswa kwedatha enjalo
ngokuya kwestatimende sentumba. Sibawa utjheje bona lesayithi
ingaba namathintwano namanye amasayithi angabuswa sitatimendesi
sentumba.
Nayikuthi umsebenzisi unemibuzo namkha ukungaphatheki kuhle
mayelana nestatimendesi sentumba namkha intumba yakhe njengomuntu
ngesikhathi asebenzisa leWebhsayithi, ithintwano lombiko obuyako
lingasetjenziswa.
5.2 Idatha yokuzuma (ama-Cookie)
I-GCIS ingasebenzisa idatha yokuzuma umsebenzisi (itheksti
encani ebekwa ebhrawuzeni yomsebenzisi) namkha amabhikhoni wewebh
(okuziinthombe ze-elektroniki ezivumela iwebhsayithi ukubala
abasebenzisi abafikelele ikhasi elithileko kanye nokufikelela enye
idatha yokuzuma) ukuqinisekisa bonyana iwebhsayithi iphathwa kuhle
kanye nokukghonakalisa ukwenziwa ngcono kwesayithi. I-GCIS namkha
abanikeli-msebenzi bayo bangasebenzisa idatha yokuzuma ukubuthelela
idatha ehlangeneko. I-GCIS ingasebenzisa iinsetjenziswa ezinjalo
ngokuya kwesikhathi ukulandelela ilwazi emarherhweni wayo kanye
nokufanisa amahlangothi wabasebenzisi ngama-ayithemu afana
ne-adresi ye-IP, idomeyini, umhlobo webhrawuza kanye namakhasi
avakatjhelweko. Ilwazeli libikwa kumphathi webh olisebenzisela
ukucozulula isibalo sabasebenzisi eendaweni ezihlukeneko zesayithi
kanye nokuqinisekisa bonyana isayithi isebenza njengomthombo
welwazi olirhelebho nosebenza kuhle.
Akunadatha yokuzuma namkha amabhikhoni wewebh abuthelela ilwazi
ngomuntu elifana negama lomsebenzisi namkha i-adresi yakhe yeposo
ye-elektroniki. Umsebenzisi angala idatha yokuzuma ngombana
amabhrawuza amanengi avumela abantu ukwala amadatha wokuzuma.
Ngaphasi kobunye ubujamo abasebenzisi bangalelwa ukufikelela amanye
amahlangothi wewebhsayithi nayikuthi amabhrawuza abekwe bona ale
amadatha wokuzuma abasebenzisi.
5.3 UkuSetjenziswa kweLwazi lomuNtu
Ilwazi lomuntu lisetjenziselwa kuphela iminqopho eqintelweko,
isibonelo, lokha umsebenzisi nakazitlolisa newebhsayithi ukubawa
ilwazi ngeenkareko zangomuso ze-GCIS. I-GCIS ingasebenzisa ilwazi
elilethwa msebenzisi ukwenza iphrofayili yakhe ukwenza ipendulo
yayo ifanele ukubawa okuragela phambili namkha imibuzo kanye
nokwenza ngcono iwebhsayithi. Lokha umsebenzisi nakakhetha
ukuzitlolisela isehlakalo esenziwa yi-GCIS ku-inthanethi, i-GCIS
izakusebenzisa ilwazi umsebenzisi alilethako ukumphendula.
Ukungezelela, umphathi-webh, lapho kutlhogekako, angasebenzisela
ilwazi lomsebenzisi imisebenzi ehlukeneko ekhambelana nesayithi.
I-GCIS izakuqinisekisa bonyana eminye neminye imisebenzi
yokumaketha ikhambisana nomthetho osebenzako begodu ifezakaliswa
ngokuya kweenkambiso ukufumana imvumo efunekako ngaphambi
kokuthumela iposo ye-elekroniki yomsebenzisi enelwazi ngemisebenzi
ye-GCIS. Umsebenzisi kwesinye nesinye isikhathi angabawa bonyana
i-GCIS ijamise ukuthumela izinto ezinjalo kumsebenzisi
ngokusebenzisa ithintwano lombiko obuyako namkha ithintwano
lokungasahleli ukufumana ilwazi.
5.4 Ukuvezelwa kwabanye abaThintekako
Nanyana i-GCIS inganikela ngelwazi lomsebenzisi kubanikeli
bemisebenzi abayiphathela ilwazi, ayikavamisi ukwabelana ngelwazi
nabanye abathitekako namkha iinhlangano zomphakathi ngeminqopho
yesibili namkha engakhambelaniko ngaphandle kwalokha livezwe
nalisabuthulelwako.
Ilwazi lomuntu lingadluliselwa iinarha zeentjhabatjhaba
ngokusebenzisa i-GCIS namkha kwabanye abathintekako ngeminqopho
ehlathululwe ngehla. Lokhu angeze kwafaka ukudluliselwa eenarheni
ezinganamithetho yokuvikelwa kwedatha efana naleyo esebenza
enarheni yomsebenzisi. Ngokunikela ngelwazi ku-GCIS ngokusebenzisa
iwebhsayithi, umsebenzisi uyakuvumela ukudluliswa okunjalo.
Lapho kufaneleko, ilwazi lomuntu lingavezelwa abasebenza
ngokuthotjelwa komthetho, ama-ejensi wezokulawula namkha wombuso,
namkha abathintekako lapho kufaneleko namkha kufunekako
ukukhambisana neembopho zomthetho namkha zokulawula namkha iimbawo
namkha ngeminqopho evezwe ngehla.
5.5 UkuFikelela iLwazi lomuNtu
Nayikuthi ilwazi lomuntu lilethwe kilewebhsayithi, abasebenzisi
abafisa ukulivuselela bangenza njalo ngokubawa ukubuyekeza okunjalo
ngokusebenzisa ithintwano lombiko obuyako. Abasebenzisi manje
bazakukghona ukufikelela iphrofayili yabo yomsebenzisi, balungise
bebalethe ebujameni banjesi imininingwana yabo namkha basule
ukuhlela ukufumana ilwazi ngesinye nesinye isikhathi. Abasebenzisi
abanomraro wokufikelela amaphrofayili wabo namkha abangathanda
ukubawa ikhophi yelwazi labo kufanele bathintane nomphathi-webh
ngokusebenzisa ithintwano lombiko obuyako.
Kibo boke ubujamo i-GCIS izakuthatha iimbawo zokufikelela ilwazi
namkha ukutjhugulula ilwazi ngokuya kweemfuno zomthetho
ezisebenzako.
5.6 Akunasivumelwamo
Akunanto etholakala lapha ebanga namkha ehlose ukwenza
isivumelwano namkha ukuvumelana phakathi kwe-GCIS nomunye nomunye
umsebenzisi ovakatjhela lewebhsayithi.
5.7 UkuVikelwa kweNtumba yabaNtwana
I-GCIS iyakuvuma ukuqakatheka kokuvikelwa kwelungelo lentumba
yabantwana ephasini lokuthintana nge-inthanethi.
6. Ukupheliswa
Ubujamo nemibandela yokusebenzisa ibumba loke itjhebiswano
lesiphrofetjhinali namkha elinye eliphakathi kwe-GCIS nomsebenzisi
walewebhsayithi. Okhunye nokhunye ukubhalelwa kwe-GCIS kusebenzisa
namkha ukwenza bona kuthotjelwe elinye nelinye ilungelo namkha
isijamiso sobujamo nemibandela angeze kwabumba ukungasetjenziswa
kwelungelo namkha isijamiso esinjalo. Nayikuthi obunye nobunye
ubujamo namkha umbandela wokusetjenziswa kwalewebhsayithi
awusetjenziswa ngokomthetho namkha awusebenzi ngelinye nelinye
ibanga, ubujamo namkha umbandela onjalo uzakupheliswa ebujameni
nemibandeleni eseleko. Iimfuno nobujamo obuseleko angeze bathintwa
kungasebenziseki okunjalo begodu buzakuhlala busebenziseka begodu
busebenza.
7. Ukuletha ebujameni banjesi uBujamo
nemiBandela
I-GCIS inelungelo lokutjhugulula, ukungezelela nokususa iinquntu
namkha boke ubujamo nemibandela ekusetjenzisweni ngokuya
kwesikhathi. Amatjhuguluko ebujameni nemibandeleni azakuthoma
ukusebenza lapho amatjhuguluko anjalo afakwa kuwebhsayithi.
Kusibopho somsebenzisi bona ahlale njalo ahlola ubujamo nemibandela
yokusebenzisa lewebhsayithi ukubona bonyana kghani kunamatjhuguluko
namkha okutjha na. Ukusetjenziswa njalo kwalewebhsayithi msebenzisi
okulandela ukubekwa kwamatjhuguluko kuzakuthathwa njengokwamukeleka
kobujamo nemibandela kumsebenzisi nokuvumela ukuthobela ubujamo
nemibandela yokusebenzisa, okufaka amatjhuguluko namkha ukuletha
ebujameni banjesi.
8. Ilwazi ngewebhsayithi nomnikazi
8.1 Igama elizeleko nobujamo bangokomthetho bomnikazi
wewebhsayithi yi-:
Government Communication and Information System (GCIS),
okumNyango wesiTjhaba weRiphabhligi yeSewula Afrika, njengombana
ijanyelwe siPhathiswa esiPhezulu (okungu-Chief Executive
Officer) we-GCIS.
8.2 I-adresi yewebhsayithi yalewebhsayithi yi:
href="/services/">http://www.services.gov.za
8.3 Imininingwana yokuthintana yomnini webhsayithi:
l-adresi yeposo:
Government Communication and Information System
Private Bag X745
PRETORIA
0001
I-adresi yomakho:
Government Communication and Information System
Midtown Building No. 356
Cnr Prinsloo and Vermeulen Streets
PRETORIA
South Africa
Inomboro yomtato: +27 12 314 2911
Inomboro yefeksi: +27 12 323 3831
I-Email:
href="mailto:electronic@gcis.gov.za">electronic@gcis.gov.za
|
