align="left">
Nobe ngabe ngumuphi umuntfu losebentisa lewebhusayithi
(umsebentisi) kumele alandzele futsi avume imitsetfo njengobe
ibekiwe kulesatiso semtsetfo. Uma umsebentisi angafisi kuphocelelwa
ngulemitsetfo naletimo, umsebentisi angeke asebentise
lewebhusayithi, akhombise, asebentise nobe akhiphe kanye/nobe bente
emakhophi nobe asabalalise tinchukaca latitfole
kulewebhusayithi.
1. Kusebentisa kanye nelilungelo lembhalo
1.1 Basebentisi bangabuka, bente emakhophi, bakhiphele
(download) kumakhompyutha abo, baphurinte futsi basabalalise
lokucukucetfwe kulewebhusayithi, nobe incenye yakhona ngetinhloso
tekutfola umniningwane nobe kwenta emarefurensi kuphela futsi
nangetinhloso tekungenteli kutfola inzuzo yemali.
1.2 Basebentisi labafisa kusebentisa lokucuketwe
kulewebhusayithi ngetinhloso tekwenta imali bangenta loko kuphela
nabangatfola imvumo lebhaliwe letfolakala ku-Web Manager
kulenombolo yelucingo +27 12 314 2140 nobe ngekutfumela i-email
electronic@gcis.gov.za.
Kukhicitwa kanye/nobe kwentiwa kwemakhophi alokucuketfwe nobe
incenye yakhona ngetinhloso tekwenta imali kuhambisana nalesatiso
selilungelo lembhalo ngekuphelela kwalo: © GCIS2004: ALL RIGHTS
RESERVED.
1.3 Onkhe emalungelo ebucotfo kanye nanobe nguwaphi lamanye
emalungelo eLuphiko lweTekuchumana kanye netiNhlelo teMniningwane
lwaHulumende (GCIS) nobe lomunye umtimba wemtsetfo macondzana
nekutsi nguyiphi ingcikitsi lecuketfwe kulewebhusayithi
langakabekwa sobala kusho kutsi agodliwe.
2. Emalungelo eMphahla yeMcondvo (Intellectual Property
Rights)
Konkhe lokucuketfwe, idatha kanye nema-trademarks, kufaka
ekhatsi, kodvwa kungapheleli, ku-software, itheknoloji,
emadathabhesi, lwati lwendlela yekwenta (know-how), umbhalo,
emagrafiki, ema-icon, ema-hyperlink, umniningwane wangesese,
emadizayini, luhlelo (program), umshicelelo, inchubo, nobe umcondvo
lochazwe kulewebhusayithi kungaba ngaphasi kwalamanye emalungelo,
kufaka ekhatsi lamanye emalungelo emphahla yengcondvo,
lekuyimphahla ye-GCIS nobe ilayisensi yakho iniketwe i-GCIS, nobe
umtimba wemtsetfo, futsi-ke avikelwe kutsi angaphazanyiswa
ngumtsetfo waseNingizimu Afrika kanye netivumelwane temave ngemave
(international treaties and conventions). Ngekulandzela emalungelo
laniketwe umsebentisi lapha, onkhe lamanye emalungelo kuyo yonkhe
imphahla yemcondvo kulewebhusayithi agodliwe ngalokucacile futsi
ngekufinyelela kudatha kulewebhusayithi umsebenti akakaniketwa
ilayisensi nobe akakavunyelwa.
3. Kutikhipha eceleni (Disclaimer)
3.1 Lomniningwane kulewebhusayithi uhlosiswe kuniketwa
umniningwane jikelele esifundvweni nobe etifundvweni letitsite
kantsi akusiko kujula konkhe kwe(si)tifundvo.
3.2 Kungumsebenti wemsebenti ngamunye kunetisa ngaphambi
kwekungena kulewebhusayithi kutsi lewebhusayithi itawuhlangabetana
netidzingo temuntfu kantsi nekutsi itawuhambisana ne-hardware
kanye/nobe i-software yemsebentisi. Umniningwane, imibono kanye
nemicondvo lephawulwe kulewebhusayithi akumelanga kutsatfwe
njengeseluleko sebucwepheshe nobe umbono losemtsetfweni we-GCIS
nobe umtimba losemtsetfweni macondzana nekutsi nguwuphi
umniningwane, imibono kanye nemicondvo lephawulwe kulewebhusayithi.
Basebentisi bayagcugcutelwa kutsi batfole seluleko sebucwepheshwe
ngaphambi kwekutsi batsatse nobe ngusiphi sinyatselo lesihlobene
nemniningwane, imibono, nobe imicondvo lephawulwe
kulewebhusayithi.
3.3 I-GCIS ayenti tetfulo nobe ticinisekiso, itsi nobe
ngaletinye tindlela, lokucuketwe nobe itheknoloji lekhona
kulewebhusayithi ayinawo emaphutsa nobe lokushiwe ngeliphutsa nobe
kutsi tinsita atitsikameteki nga-100% futsi atinamaphutsa nobe
titawuhlangabetana nanobe nguyiphi indlela yekulinganisa umsebenti
nobe lizinga. Lewebhusayithi iniketwa njengobe injalo “as is”.
I-GCIS itsandza kutihlangula kuto tonkhe ticinisekiso, kufaka
ekhatsi, ngaphandle kwemkhawulo, ticinisekiso tentsengiso
(merchantability), itayiteli (title), kucina ngenhloso letsite,
kungaphazanyiswa, kuhambisana, kuvikeleka, kanye nekucondzana ngco
futsi ayenti tetfulo nobe ticinisekiso mayelana nalokucuketfwe
kulewebhusayithi kanye nekutsi lewebhusayithi ihlelelwe futsi
yaphakelwa kutsi ihlangabetane netidzingo temsebentisi ngamunye.
Basebentisi bayagcugcutelwa kutsi babike nganobe nguwaphi emaphutsa
lakhona, kungasebenti kahle nobe tintfo letitfukako ngekusebentisa
ilinki yembono (feedback).
3.4 Kusetjentiswa kwetinchukaca talewebhusayithi kusebungotini
bemsebentisi ngekwakhe. Umsebentisi utifaka engotini ngekwakhe.
Umsebentisi ubeka wonkhe umtfwalo emahlombe akhe kanye nebungoti
bekulahlekelwa ngekusetjentiswa kwetinchukaca talewebhusayithi.
I-GCIS nobe leminye imitimba lesemtsetfweni macondzana
nemininingwane yawo lecuketfwe kulewebhusayithi, nobe bacashwa
be-GCIS nobe umtimba lonjalo, angeke bafakwe ecaleni
ngekulinyalelwa lokusipesheli, lokungakacondzi ngco, kwemphumela,
nobe kujeziswa nobe ngaletinye tindlela tekulinyalelwa, kungaba
sento senkontileka, umtsetfo, kuphazamisa lilungelo (tort) (kufaka
ekhatsi, ngaphandle kwemkhawulo, budlabha), nobe ngalenye indlela,
macondzana nekusetjentiswa kwalomculu nobe umniningwane. Uma konkhe
lokwentakako kungasetjentiswa ngalokuphelele nganobe ngusiphi
sizatfu, loku lokusele kuyochubeka ngekusebenta. Ngekuya ngetigaba
43(5) kanye na 43 (6) temtsetfo we-Electronic Communications and
Transactions Act nombolo 25 wanga-2002, i-GCIS angeke ibe nelicala
lanobe ngukuphi kulinyalelwa, kulahleka nobe licala lwanobe
nguliphi luhlobo lolusukela ekusetjentisweni nobe kwehluleka
kusebentisa lewebhusayithi nobe tinsita nobe lokucuketfwe
kulewebhusayithi.
3.5 Lamanye emalinki ku-web server aholela kumitfombolusito
lephetfwe ngulabanye lengalawulwa yi-GCIS. I-GCIS ayenti tetfulo
nobe ticinisekiso ngekucondza ngco, letinye tihlanganotsi
letihlobene nalemitfombolusito.
3.6 Imibandzela yeNcenye 2 yeSicephu III semtsetfo we-Electronic
Communications and Transactions Act nombolo 25wanga-2002 uyakhishwa
ekusetjentisweni kunobe ngukuphi kuchumana nge-elektroniki kanye
nemilayeto yedatha letfunyelwa ngumsebentisi ku-GCIS
ngewebhusayithi. Nobe ngukuphi kuchumana nobe umlayeto wedatha
layitfumela ku-GCIS kutawutsatfwa njengalokufikile ku-GCIS uma
ngabe umlayeto wekufika utfunyelwa ngekubhala. Uma umsebentisi
angatfoli imphendvulo ngesikhatsi lesitsite, umsebentisi kumele
akulandzelele ne-GCIS. I-GCIS angeke ibe nelicala
lekungaphandvuli.
3.7 Uma umsebentisi adzinga
umniningwane lotsite ku-GCIS macondzana netinsita tayo nobe
lokucuketwe kulewebhusayithi, ilinki yembono (feedback)
ingasetjentiswa.
4. Kuphepha
4.1 Kuvikeleka
I-GCIS banemazinga etekutsengisa lafanele etheknoloji kanye
nekuphepha kwekusebenta kute kuvikelwe wonkhe umniningwane
loniketwe basebentisi kutsi ungalahleki, ungasetjentiswa kabi,
kuguculwa nobe ubhidlitwe. Tonkhe tinyatselo letinyatselo
titawutsatfwa kute kugcinwe umniningwane wemsebentisi. Basebenti
labaniketwe ligunya, labanemtfwalo wekuphatsa kwanobe nguyiphi
idatha leyimfihlo, kumele bagcine imfihlo yaleyo datha.
Lenchubomgomo isebenta kubo bonkhe basebenti be-GCIS nobe imitimba
yemphakatsi lengatfola umniningwane lonjalo lophuma ku-GCIS.
Kwencatjelwe nobe ngumuphi umuntfu, ibhizinisi, nobe umtimba
kungena nobe kwetama kungena ngalokungekho emtsetfweni kunobe
nguliphi likhasi lalewebhusayithi nobe kufaka nobe kwetama kufaka
ikhodi lelimatako nobe leyingoti kulewebhusayithi. Uma umuntfu
afaka nobe etama kufaka ikhodi lelikatako nobe leyingoti
kulewebhusayithi nobe etama kungena ngalokungekho emtsetfweni
kunobe nguliphi likhasi lalewebhusayithi, lomuntfu lowo utawubekwa
licala, futsi, uma i-GCIS nobe ngumuphi umtimba wemphakatsi
ungalinyalelwa nobe ulahlekelwe, kutawuvulwa licala lembuyiselo
ngekulahlekelwa.
4.2 Kuchumaniseka nekufulema (framing)
Siyawemukela emawebhusayithi emacembu esitsatfu kutsi achumanise
umniningwane logcinwe kulikhasi. Kuncatjelwe ngunobe ngumuphi
umuntfu, ibhizinisi, umtimba nobe iwebhusayithi kutsi ifuleme
ngunobe nguliphi likhasi lalewebhusayithi, kufaka ekhatsi likhasi
lekhaya (home page), nganobe nguyiphi indlela, ngaphandle kwemvumo
lebhaliwe ye-GCIS.
4.3 Kuchunyaniswa nemaWebhusayithi alabanye
I-GCIS ingachumanisa lamanye emawebhusayithi kuphela njengentfo
yekuphangisisa kantsi kufakwa kwalamanye emalinki akusho i-GCIS
ivumelana nalamawebhusayithi. Emawebhusayithi lachunyanisiwe nobe
emakhasi akekho ngaphasi kwelulawulo lwe-GCIS. I-GCIS ayinamtfwalo
nobe licala, ngco nobe ngasiyo ngco, nganobe nguyiphi indlela
ngalokucuketfwe, kusetjentiswa, nobe kwehluleka kusebentisa nobe
kungena kunobe nguwaphi emawebhusayithi lachunyanisiwe nobe lamanye
emalinki lacuketfwe kuwebhusayithi lechunyanisiwe.
5. Imfihlo
(Privacy)
5.1 Singeniso
Sitatimende semfihlo sisebenta ku-GCIS nakunobe nguwuphi umtimba
losemtsetfweni, lolawula, locinisekisa nobe losebentisa
umniningwane langacokelelwa ngekusebentisa lewebhusayithi.
Umsebentisi angavakashela lewebhusayithi ngaphandle kwekuniketa
nobe nguwuphi umniningwane wakhe. Umsebentisi, nanobe kunjalo,
uyavuma ngekusetjentiswa kwedatha lenjalo ngekulandzela
lesitatimende semfihlo. Khumbula kutsi lewebhusayithi ingacukatsa
emalinki alamanye emawebhusayithi langanganyelwa ngulesitatimende
semfihlo.
Uma umsebentisi anemibuto nobe tinkinga mayelana nalesitatimende
semfihlo nobe imfihlo yemsebentisi ngalesikhatsi asebentisa
leWebhusayithi, ilinki yembono ingasetjentiswa.
5.2 Ema-Cookies
I-GCIS ingasebentisa ema-cookies (emafayela embhalo lamancane
lagcinwa ku-browser yemsebentisi) nobe ema-web beacon (titfombe
te-elektroniki letenta kutsi lewebhusayithi ibale basebentisi
labangena ekhasini lelitsite kanye nekungena kuma-cookies latsite)
kucinisekisa kutsi lewebhusayithi iphatfwa kanye nekuhlelembisa
kwentiwa ncono kwalewebhusayithi. I-GCIS nobe bapha(um)phakeli bayo
betinsita bangasebentisa ema-cookies kute bacokelele lwati
lolulingene. I-GCIS ingasebentisa tintfo letifana naleti ngato
tonkhe tikhatsi kulandzelela umniningwane kuma-system ayo futsi
ibone tigaba tebasebentisi betintfo letifana njenge-IP address,
i-domain, ibrowser type kanye nemakhasi lavakashelwe. Lomniningwane
ubikwa ku-web administrator (umphatsi we-web) losebentisa
lomniningwane kuhlatiya linani lebasebentisi etindzaweni
letahlukene telisayithi kanye nekucinisekisa kutsi lelisayithi
libalulekile, ngumtfombo wemniningwane losebentako.
Ema-cookies kanye nema-web beacons akacokeleli umniningwane
webantfu njengeligama lemuntfu nobe likheli le-email. Umsebentisi
angancaba ema-cookies njengobe ema-browser lamanyenti avumela
bantfu kutsi bencabe ema-cookies. Ngaphasi kwetehlakalo letitsite
basebentisi bangancatjelwa kungena kuletinye tincenye
talewebhusayithi uma ngabe ema-browser abo ente kutsi ancabe
ema-cookies.
5.3 Kusetjentiswa kweMniningwane weMuntfu
Umniningwane wemuntfu usetjentiswa kuphela ngetinhloso
letilinganisiwe kuphela sib uma ngabe umsebentisi abhalisa
newebhusayithi kutsi acele kuchumana kwesikhatsi lesitako
ngemikhakha ye-GCIS. I-GCIS ingasebentisa lomniningwane lofakwa
ngumsebentisi kwakha iprofayili yemuntfu kute ihlele imphendvulo
kuletinye ticelo nobe imibuto kanye nekwenta ncono iwebhusayithi.
Uma umsebenti akhetse kubhalisa ku-online emcimbini longanyelwe
yi-GCIS, i-GCIS itawusebentisa umniningwane lofakwe kumsebentisi
kuphendvula kumsebentisi. Ngetulu kwaloko, umphatsi we-web, lapho
kudzingeke khona, angasebentisa umniningwane wemsebentisi
kumisebenti lehlobene newebhusayithi lehlukahlukene. I-GCIS
itawucinisekisa kutsi nobe nguyiphi imisebenti yekumaketha
ihambisana nemtsetfo nekutsi yentiwa ngetinchubo tekutfola imvumo
ledzingekile ngaphambi kwekutfola umsebentisi i-email lecuketse
umniningwane ngetinsita te-GCIS. Umsebentisi nganobe ngusiphi
sikhatsi angacela kutsi i-GCIS iyekele kumetfumela tintfo letinjalo
ngekusebentisa ilinki yembono (feedback) nobe i-unsubscribe.
5.4 Kudzalula lwati kumacembu esitsatfu (Disclosure to
Third Parties)
Nanobe i-GCIS inganiketa umniningwane webasebentisi kubaphakeli
betinsita lebaphatsela umniningwane, esikhatsini lesinyenti angeke
yabelane ngemniningwane kumacembu esitsatfu nobe leminye imitimba
yemphakatsi ngetinhloso tekuwusebentisa ngaphandle uma ngabe
udzalulwa ngalesikhatsi utfolwe.
Umniningwane wemuntfu ungatfunyelwa emaveni emhlaba yi-GCIS nobe
emacembu esitsatfu ngetinhloso letingenhla. Loku angeke kufake
kundluliselwa emaveni ngaphandle kwemitsetfo yekuvikela idatha
kufana nalena lesebentako eveni lemsebentisi. Ngekuniketa
umniningwane ku-GCIS ngalewebhusayithi, umsebentisi uvumela
kundluliselwa lokunjalo.
Lapho kufanele khona, umniningwane wemuntfu ungadzalulwa
kubantfu bemtsetfo, imitimba yekulawula nobe letinye tinhlangano
tahulumende, nobe kumacembu esitsatfu uma kunesidzingo nobe
kufanele kutfotjelwe umtsetfo nobe tibopho temtimba lolawulwako
nobe ticelo nobe ngetinhloso letingehla.
5.5 Kufinyelela kuMniningwane weMuntfu
Uma umniningwane wemuntfu ufakiwe kulewebhusayithi, basebentisi
labafisa kubuyeketa umniningwane wabo bangenta njalo ngekucela
basebentisi ilinki yembono (feedback). Basebentisi batawubese
bayakhona kufinyelela kuprofayili yabo, balungise futsi nekwengeta
imininingwane yabo, nobe baphume eluhlwini nobe kunini
(unsubscribe). Basebentisi labanenkinga ekufinyeleleni
kumaprofayili abo, nobe labangatsandza kucela ikhophi yemniningwane
wabo kumele batsintse umphatsi we-web ngekusebentisa ilinki yembono
(feedback). Kuto tonkhe tehlakalo i-GCIS itawuphatsa tonkhe ticelo
tekufinyelela kumniningwane nobe igucule umniningwane ngekulandzela
tidzingo temtsetfo letikhona.
5.6 Kute sivumelwano
Kute lokulapha lokwakha nobe lokuhlose kwacha inkontileka nobe
sivumelwano phakatsi kwe-GCIS kanye nemsebenti lovakashela
lewebhusayithi.
5.7 Kuvikelwa kweMfihlo yeBantfwana
I-GCIS yemukela kubaluleka kwekuvikelwa kwemfihlo yebantfwana
kulomhlaba wekuchumana nge-inthanethi.
6. Kuncanyulwa kwebudlelwane
Lemitsetfo nemibandzela yekusetjentiswa ifaka ekhatsi bonkhe
bucwepheshe nobe lobunye budlelwano phakatsi kwe-GCIS kanye
nemsebentisi walewebhusayithi. Nobe ngukuphi kwehluleka kwe-GCIS
kusebentisa nobe kuphocelela nobe nguliphi lilungelo nobe
umbandzela walemitsetfo nemibandzela yekusetjentiswa angeke
kukhiphe lelilungelo nobe umbandzela. Uma ngabe nobe nguwuphi
umtsetfo nobe umbandzela wekusetjentiswa kwalewebhusayithi
asisetjentiswa ngalokugcwele nobe singasebentiseki nganobe ngusiphi
sizatfu, im(um)tsetfo nobe imi(um)bandzela itawuncanyulwa
kulemitsetfo nemibandzela lesele. Lemitsetfo nemibandzela lesele
angeke itsintseke ngekusetjentiswa nobe kungasebentiseki futsi
itawuhlala isebentiseka futsi isebenta.
7. Kubuyeketwa kwaleMitsetfo
nemiBandzela
I-GCIS inelilungelo lekugucula, kuntjintja ngalenye indlela,
kwengeta nobe kukhipha etincenyeni nobe kuyo yonkhe lemitsetfo
yekusetjentiswa ngato tonkhe tikhatsi. Tingucuko kulemitsetfo
nemibandzela yekusetjentiswa titawucala kusebenta uma ngabe
letingucuko setifakwe kulewebhusayithi. Kusibopho semsebentisi
kuhlola ngato tonkhe tikhatsi lemitsetfo nemibandzela
yekusetjentiswa kulewebhusayithi kubuka tingucuko kanye
nekubuyeketwa. Kuchubeka kwemsebentisi kusebentisa lewebhusayithi
kulandzela kufakwa kwetingucuko nobe kubuyeketwa kutatsatfwa
njengesatiso sekwemukela kwemsebentisi kutfobela nekuphocelelwa
ngulemitsetfo nemibandzela yekusetjentiswa, kufaka ekhatsi
tingucuko nobe kubuyeketwa.
8. Umniningwane ngewebhusayithi kanye
nemniyo
8.1 Ligama leligcwele kanye nesimo semtsetfo semniyo
wewebhusayithi:
Government Communication and Information System (GCIS), Litiko
laHulumende waVelonkhe weRiphabliki yeNingizimu Afrika, lemelelwe
Siphatsimandla leseNgamele se-GCIS.
8.2 Likheli lalewebhusayithi nguleli:
http://www.services.gov.za
8.3 Imininingwane yekutsintsana yemniyo wewebhusayithi:
Likheli leliposi:
Government Communication and Information System
Private Bag X745
PRETORIA
0001
Likheli lendzawo:
Government Communication and Information System
Midtown Building No. 356
Cnr Prinsloo and Vermeulen Streets
PRETORIA
South Africa
Inombolo yelucingo: +27 12 314 2911
Inombolo yefeksi: +27 12 323 3831
I-Email:
electronic@gcis.gov.za
|
