|
Mang le mang yo a balago websaete ye (modiriši) o
tlangwa ebile o laolwa ke mabaka ao a beilwego mo tsebišong ye ya
semolao. Ge e le gore modiriši ga a nyake go tlangwa ke mabaka ao,
modiriši yoo ga a swanela go bala websaete, a e šomiša goba a
gatiša tshedimošo ya yona websaete ye.
1. Tšhomišo le Tokelo ya Ngwalollo
1.1 Badiriši ba ka
bala, gatiša tshedimoš, ba ba ba phatlalatša diteng tša websaete ye
goba karolo ya tšona ge e le gore ba dira seo e se ka maikemišetšo
a go dira kgwebo ka yona tshedimošo yeo.
1.2 Badiriši ba ba ratago go šomiša diteng tša websaete ka
maikemišetšo a go gweba ba ka dira bjalo morago ga go hwetša
tumelelo ya Molaodi wa Websaete mo nomorong ye ya mogala +27 12 314
2140 goba emeileng ye
electronic@gcis.gov.za.
Ngwalollo goba kgatišo ya diteng goba karolo ya tšona ka
maikemišetšo a go gweba e swanetše go akaretša tsebišo ye ka
botlalo: © GCIS2004: DITOKELO KA MOKA DI LOTILWE.
1.3 Ditokelo ka moka tša Government Communications and Information
System (GCIS) goba tša mokgahlo woo e lego gore diteng tša websaete
ye ke tša wona di lotilwe.
2. Ditokelo Malebana
le Diteng tša Sengwalwa
Diteng ka moka, tshedimošo le maswao a kgwebo, go akaretšwa le
mananeo a khomphutha, theknolotši, didathabeise, sengwalwa, maswao,
diaekhone, tshedimošo ya praebete, ditlhamego, lenaneo, kgatišo,
setšweletšwa, goba kgopolo ye e hlalošitšwego mo websaeteng ye e ka
laolwa ke ditokelo tše dingwe, tšeo e lego thoto goba laesense ya
GCIS, goba mokgahlo wa semmušo, gomme ka fao di šireleditšwe ke
molao wa Afrika Borwa le ditumelelano tša boditšhabatšhaba.
Ditokelo ka moka malebana le diteng tša websaete ye di lotilwe
gomme modiriši ga a dumelelwa go bala tshedimošo goba diteng tša
websaete ye.
3. Go ganetša
3.1 Websaete ye e lebane le go fana ka tshedimošo ya
kakaretšo malebana le taba ye e rilego gomme ga e hlaloše taba yeo
ka bophara le bopapetla bja yona.
3.2 Ke maikarabelo a modiriši go kgonthiša pele a bala websaete ye
gore naa websaete e tla kgona go mo fa tshedimošo ka moka yeo a e
nyakago le gore websaete e sepelelana le lenaneo la khomphutha leo
a le šomišago. Tshedimošo, dikgopolo tše di tšweleditšwego mo
websaeteng ye ga se tša swanela go bonwa bjalo ka dikeletšo tša
seprofešenale goba kgopolo ya semmušo ya GCIS goba mokgahlo wa
semmušo woo tshedimošo le dikgopolo tše di lego websaeteng ye e
lego tša wona. Badiriši ba hlohleletšwa go nyaka keletšo ya
seprofešenale pele ba ka tšea kgato ye e rilego malebana le
tshedimošo le dikgopolo tše di tšweleditšwego mo websaeteng
ye.
3.3 GCIS ga e dire boitlamo bja gore diteng le theknolotši tšeo di
hwetšagalago websaeteng ye ga di na diphošo goba gore tirelo e tlo
dula e sa kgaotšwe. Websaete ye e tšweletšwa "ka fao e lego ka
gona". GCIS e rata go gatelela gore ga ya rwala maikarabelo ka
moka a malebana le diwaranti, go akaretšwa le, ntle le magomo,
diwaranti tša dithekišo, thaetlele, go lokela maikemišetšo a a
rilego, go se tshele molao , nyalelano, tšhireletšego, le nepagalo
gomme ga e itlame gore diteng tša websaete ye di hlamilwe gore di
kgotsofatše dinyakwa tša modiriši yo a rilego. Badiriši ba
hlohleletšwa go bega diphošo, go se šome gabotse goba materiale wa
polelo ye mpe ka go latela linki ya feedback.
3.4 Tšhomišo ya diteng tša websaete ye e ka bea modiriši kotsing.
Modiriši o tlo rwala maikarabelo ka moka ge go ka ba le kotsi yeo e
hlolwago ke tšhomišo ya websaete ye. GCIS goba mokgahlo wa semmušo
woo tshedimošo ye e lego mo websaeteng ye e lego ya wona, goba
bašomedi ba GCIS goba wona mokgahlo woo, ba ka sebonwe molato
malebana le tahlegelo ye e ka bago gona, e ka nakong ya
gophethagatša mošomo, molao (go akaretšwa, ntle le magomo,
bošaedi), goba ka tsela ye nngwe, ya malebana le go šomiša
dotumente goba tshedimošo ye. Ge e le gore ye nngwe ya dilo tše di
boletšwego peleng ga e kgone go phethagatšwa, tše dingwe tše di
šetšego di tlo tšwela pele go phethagatšwa. Go ya ka karolo 43(5)
le karolo 43(6) tša Electronic Communications and Transactions Act
25 of 2002 (Molao wa Tlhaeletšano ya Elektroniki), GCIS e ka se
rwale maikarabelo a tshenyo, tahlegelo ya mohuta ofe le ofe ye e
bago gona nakong ya tšhomišo goba go se kgone go šomiša websaete ye
goba ditirelo goba diteng tše di filwego gona mo websaeteng
ye.
3.5 Dilinki tše dingwe di go iša go ditlabelwa tšeo di laolwago ke
makala a mangwe ao a sa laolwego ke GCIS. GCIS ga e rate go itlama
goba ya fana ka waranti malebana le nepagalo ya ditlabelwa
tšeo.
3.6 Diteng tša Karolo 2 ya Kgaolo III ya Electronic Communications
and Transactions Act 25 of 2002 (Molao wa Tlhaeletšano ya
Elektroniki) ga di tlo akaretšwa melaetšang ya elektroniki yeo
modiriši a e romelago GCIS ka websaete ye. Molaetša wo mongwe le wo
mongwe wa elektroniki woo motho a o romelago GCIS o tlo tšewa bjalo
ka woo o amogetšwego ke GCIS ge fela go filwe tsebišo ya go ngwalwa
gore molaetša o amogetšwe. Ge motho a sa hwetše phetolo mo nakong
ye e rilego, motho yoo o swanetše go šala taba ye morago le GCIS.
GCIS e ka se rwale maikarabelo a go patella go fana ka
phetolo.
3.7 Ge modiriši a nyaka tshedimošo go tšwa go GCIS malebana le
ditirelo tša yona goba diteng tša websaete ye, a ka šomiša linki ya
feedback.
4. Polokego
4.1 Tšhireletšo
GCIS e na le maemo ao e a šomiša a theknolotši le tšhireletšo go
šireletša tshedimošo ka moka yeo e fiwago ke badiriši gore go se be
le tahlegelo, tšhomišompe, diphetogo goba tshenyo. Go tlo tšewa
magato ka moka go šireletša tshedimošo ya modiriši. Bašomedi bao ba
šomago ka tshedimošo ya sephiri yeo e romelwago ba swanetše go
kgonthiša gore tshedimošo yeo e dula e le ya sephiri. Pholisi ye ke
ya bašomedi ka moka ba GCIS goba mekgahlo ya setšhaba yeo e ka
amogelago tshedimošo yeo go tšwa go GCIS. Ga gwa dumelelwa gore
motho, kgwebo, goba mokgahlo go leka go fihlelela, ntle le
tumelelo, letlakala le le rilego mo websaetengye, goba go romela
goba go leka go romela khouto ya go senya websaete ye. Ge motho a
ka romela goba a leka go romela khouto, ntle le tumelelo, mo
websaeteng ye goba a leka go fihlelela letlakala le le rilego mo
websaeteng ye ntle le tumelelo, motho yoo o tlo pharwa ka molato wa
bosenyi, gape, ge GCIS goba lekala la mmušo le ka ba kotsing goba
la lahlegelwa, go tlo bulwa molato wa tshenyo.
4.2 Go Lomaganya le Go Freima
Re dumelela makala a mangwe go fihlelala tshedimošo ye e lego mo
matlakaleng a websaete ye.
Ga go na motho, kgwebo goba mokgahlo wo o dumeletšwego go freima
letlakala le lengwe mo websaeteng ye ntle le go hwetša tumelelo ya
GCIS.
4.3 Dilinki tša Diwebsaete tše Dingwe
GCIS e ka fana ka dilinki tša diwebsaete tše dingwe fela ge go na
le mohola wa go dira seo gomme go akaretšwa ga linki ga go bolele
gore GCIS e saenetše diwebsaete tšeo. Diwebsaete tšeo di linkilwego
ga di laolwe ke GCIS. GCIS ga ya rwala maikarabelo a diteng,
tšhomišo goba go hloka bokgoni bja go šomišwa goba go fihlelelwa ga
diwebsaete goba dilinki tše di hwetšwago
websaeteng.
5. Sephiri
5.1 Matseno
Setatamente sa malebana le sephiri se lebane le GCIS
le mokgahlo wo mongwe wa semmušo, woo o laolago, kgonthišago goba o
šomišago tshedimošo yeo e kgoboketšwago mo websaeteng ye.
Modiriši a ka etela websaete ye ntle le fana ka tshedimošo ya
gagwe. Le ge go le bjalo, modiriši o šomiša websaete ka go
dumelelana le seo diteng tša setatamente sa malebana le sephiri se
bolelago. Lemoga gore websaete ye e ka ba e na le dilinki tša
diwebsaete tše dingwe tšeo di sa laolwego ke setatamente se sa
sephiri.
Ge modiriši a ka ba le potšišo ye a nyakago go e botšiša ge a le
gare a šomiša websaete, a ka latela linki ya feedback.
5.2 Dikhukisi
GCIS e ka šomiša dikhukisi (difaele tše nnyane tša ditlhaka tšeo di
bolokilwego ka gare ga browser ya modiriši) goba diweb beacons
(diswantšho tša elektroniki tšeo di kgontšhago websaete ye go bala
badiriši bao ba etetšego letlakala le le rilego le go sekaseka
dikhukisi tše di rilego) go kgonthiša gore websaete e laolwa
gabotse le go kgontšha gore websaete e kaonafatšwe. GCIS goba baabi
ba yona ba ditirelo ba ka šomiša dikhukisi go kgoboketša
tshedimošo. GCIS e ka šomiša didirišwa tšeo nako le nako go lekola
tshedimošo le go bontšha magorwana a badiriši ka dilwana tša go
swana le atrese ya IP, domaine, mohuta wa browser type le matlakala
ao a etetšwego. Tshedimošo e begelwa molaodi wa websaete yoo a
šomišago tshedimošo yeo go sekaseka palo ya badiriši mafelong a go
fapana mo websaeteng le go kgonthiša gore websaete ye e šoma bjalo
ka mothopo wo bohlokwa wa tshedimošo.
Dikhukisi le diweb beacons ga di kgoboketše tshedimošo ya mong
ye bjalo ka leina le atrese ya e-meile ya modiriši. Modiriši a ka
phaela dikhukisi ka thoko ka ge e le gore bontši bja dibrowsers bo
dumelela batho go phaela dikhukisi ka thoko. Mo mabakeng a mangwe
badiriši ba ka paledišwa go fihlelela dikarolo tše dingwe tša
websaete ye ge e le gore dibrowsers tša bona di dirilwe gore di
phaele dikhukisi ka thoko.
5.3 Tšhomišo ya Tshedimošo ya Motho
Tshedimošo ya mong e šomišwa mabakeng a a rilego
fela, mohlala ge modiriši a ingwadišetša go šomiša websaete go dira
kgopelo ya tshedimošo go GCIS. GCIS e ka šomiša tshedimošo yeo
modiriši a e romelago go hlama rekoto ye e ikgethilego ya motho. Ge
modiriši a kgetha to ingwadiša mo websaeteng malebana le tiragalo
ya GCIS, GCIS e tlo šomiša tshedimošo yeo go araba modiriši. Gape,
molaodi wa websaete, moo go nyakegago, a ka šomiša tshedimošo ya
modiriši malebana le mediro ye e rilego ya go fapana. GCIS e tlo
kgonthiša gore mediro efe goba efe ya kwalakwatšo e sepelelana le
molao le gore e tsenywa tirišong ka mekgwana ya go kgontšha go
hwetša tumelelo pele go ka romelwa e-meile ya modiriši ye e nago le
tshedimošo ya malebana le ditirelo tša GCIS. Modiriši a ka re nako
efe le efe a kgopela GCIS gore e se hlwe e romela tshedimošo yeo go
yena modiriši ka go šomiša linki ya feedback goba linki ya
unsubscribe.
5.4 Go Abelana Tshedimošo le Mekgahlo ye
Mengwe
Le ge e le gore GCIS e ka fana ka tshedimošo ya badiriši go baabi
ba ditirelo bao ba šomanago le tshedimošo legatong la yona, e ka se
abelane tshedimošo le mekgahlo ye mengwe goba makala a mangwe a
mmušo gore tshedimošo yeo e šomišetšwe mabaka a mangwe ao a sa
sepelelanego le ao a kwanetšwego.
Tshedimošo ya mong e ka phatlalatšwa maemong a boditšhatšhaba ke
GCIS goba mekgahlo ye mengwe malebana le mešomo ye e boletšwego ka
godimo. Se se ka se akaretše go fetišetšwa dinageng tše dingwe ntle
le melao ya tšhireletšo ya tshedimošo ye e swanago le yeo e lego
gona nageng yeo modiriši a dulago go yona. Ka go fa GCIS tshedimošo
ka go šomiša websaete ye, modiriši o dumelelana le diphetišetšo
tšeo.
Moo go swanetšego, tshedimošo ya mong e ka fiwa mekgahlo ya
phethagatšo ya molao, goba makala a mangwe a mmušo, goba mekgahlo
ye mengwe moo go nyakegago gore go phethagatšwe mešomo ya semolao
bjalo ka ge go laeditšwe ka mo godimo.
5.5 Go fihlelela Tshedimošo ya Mong
Ge e le gore tshedimošo ya mong e rometšwe mo websaeteng ye,
badiriši ba ba ratago go lekola tshedimošo ya bona ba ka dira bjalo
ka go latela linki ya feedback. Ka tsela yeo badiriši ba tlo kgona
go fihlelela direkoto tša bona, ba phošolla tshedimošo ya bona goba
ba ingwadišolla nako efe le efe. Badiriši ba ba sa kgonego go
fihlelela direkoto tša bona, goba bao ba nyakago go kgopela khopi
ya tshedimošo ya bona ba swanetše go ikopanya le molaodi wa
websaete ka go šomiša linki ya feedback. Mo mabakeng a ka moka GCIS
e tlo šomana le dikgopelo tšeo ka moka go ya ka dinyakwa tša
semolao.
5.6 Ga go na tumelelano
Ga go na le selo se se lego mo websaeteng ye se se ikemišeditšego
go hlama tumelelano gare ga GCIS le modiriši ofe goba ofe yo a
etelago websaete ye.
5.7 Tšhireletšo ya Sephiri sa Bana
GCIS e lemoga bohlokwa bja go šireletša sephiri sa bana mo lefaseng
le la websaete.
6. Go thatafatša mabaka
Mabaka a a tšhomišo ke tswalano ya seprofešenale gare ga GCIS le
modiriši wa websaete ye. Ge GCIS e ka palelwa ke go phethagatša ye
nngwe ya ditokelo goba molao wa go nyalana le mabaka a, ga go ka
moo GCIS e ka bonwago e fedišitše tokelo goba molao woo. Ge le
lengwe la mabaka a a tšhomišo ya websaete ye le ka se phethagatšwe,
lona lebaka leo le tla thatafatšwa go tšwa go mabaka a mangwe a
tšhomišo ao a šetšego. Mabaka a a šetšego a ka se angwe ke go se
phethagatšwe fao gomme a tla dula a le gona.
7. Go fetola Mabaka a Tšhomišo
GCIS e na le tokelo ya go fetola, go tlaleletša goba go fokotša
go tšwa go dikarolo goba go mabaka ka botlalo a tšhomišo nako efe
le efe. Diphetogo go mabaka a tšhomišo di tlo thoma go tsenywa
tirišong ka morago ga go phatlalatša tšona diphetogo tšeo mo
websaeteng ye. Modiriši o gapeletšega go dula a bala mabaka a a
tšhomišo mo websaeteng ye go bona ge e le gore go na le diphtogo.
Ge go ka re go gatišitšwe diphetogo gomme modiriši yena a tšwela
pele go šomiša websaete, go tlo tšewa gore modiriši o dumela go
tlangwa ke mabaka ao a tšhomišo, go akaretšwa le tšona diphetogo
tšeo.
8. Tshedimošo ka ga websaete le mong wa
yona
8.1 Leina ka botlalo la mong wa websaete ke:
Government Communication and Information System (GCIS), Kgoro ya
Mmušo wa Bosetšhaba wa Afrika Borwa, bjalo ka ge e emetšwe ke
Mohlankedimogolophethiši wa GCIS.
8.2 Atrese ya websaete ye ke:
http://www.services.gov.za
8.3 Atrese ya mong wa websaete:
Atrese ya poso:
Government Communication and Information System
Private Bag X745
PRETORIA
0001
Atrese ya setrata:
Government Communication and Information System
Midtown Building No. 356
Cnr Prinsloo and Vermeulen Streets
PRETORIA
South Africa
Mogala: +27 12 314 2911
Fekse: +27 12 323 3831
E-meile:
electronic@gcis.gov.za
|
