Ku endla xikombelo xo pfumeleriwa tanihi Nhlangano wo Pfuna Vaaki (PBO)

Loko u lava leswaku khampani ya wena yi pfumeleriwa tanihi Nhlangano wo Pfuna Vaaki (PBO) u fanele ku endla xikombelo eka Xiyenge xa Xibalo xa Afrika-Dzonga (SARS).

Ku ringanela ku pfumeleriwa tanihi Nhlangano lowu Pfunaka Vaaki (PBO) nhlangano wu fanele ku va wu katsiwa kumbe ku tumbuluxiwa eAfrika-Dzonga tanihi:

• khampani yo ka yi nga endli ntswalo leyi yi nga na memorandamu ya ku katsiwa tanihi tsalwa ro sungula
• thirasiti leyi yi nga na xitsariwaximfumo xa vun’wini tanihi tsalwa ro sungula
• nhlangano wa vanhu lowu wu nga na vumbiwa tanihi tsalwa ro sungula.

Nhlangano wu ta pfumeleriwa ku ka wu nga hakeli xibalo xa muholo loko swi pasisiwa hi Xiyenge xa Xibalo xa Afrika-Dzonga (SARS) na ku landzelela swileriso swa swilaveko leswi swi hlamuseriweke eka Nawu wa Xibalo xa Muholo.

Kuma swo tala mayelana na mihlangano yo pfuna vaaki kumbe u tihlanganisa na SARS eka 012  483 1700 kumbe eka teu@sars.gov.za.