Nawufuna ikhamphani yakho yamukelwe njenge-PBO kufanele wenze isibawo kuZiko lokuButhelela iNtela leSewula Afrika (i-SARS).
Ukufanelwa ukuba yi-PBO, kufanele ihlangano ihlanganyelwe namkha ihlonywe ngeSewula Afrika njenge:
- khamphani engafumani inzuzo enememorandamu yokuhlanganyelwa njengomtlolosisekelo wayo
- sikhwama esinemvumo yokusebenza njengomtlolosisekelo waso
- hlanganisela yabantu abanomthethosisekelo njengomtlolosisekelo wayo.
Ihlangano le izakukhululwa kezentela yengeniso nayamukelwe ngebakwa-SARS namakhamphani ahlangabezana neendingo ezihlathululwe kumThetho weNtela eyiNgeniso.
Fumana ilwazi elinabileko ngehlangano yenzuzo yomphakathi namkha udosele bakwa-SARS ku: 012 483 1700 namkha uthumele iposommoya ku: teu@sars.gov.za
SARS Contact Centre 0800 00 7277
