Dira kgopelo ya go dumelelwa bjalo ka Mokgatlo wa Kholego wa Setšhaba (PBO)

Ge e le gore o nyaka gore khamphani ya gago e dumelelwe bjalo ka Mokgatlo wa Kholego wa Setšhaba (PBO) o swanetše go dira kgopelo go Tirelo ya Metšhelo ya Afrika Borwa (SARS).

Gore o be le maswanedi a go dumelelwa bjalo ka PBO mokgatlo o swanetše go thewa goba go hlongwa ka Afrika Borwa bjalo ka:

• khamphani ye e sa dirego poelo ye e nago le memorantamo wa go thewa ga yona bjalo ka sengwalwa sa go hlongwa ga yona
• thraste ye e nago le lengwalo la thraste bjalo ka sengwalwa sa go hlongwa ga yona
• mokgatlo wa batho wo o nago le molaotheo bjalo ka sengwalwa sa go hlongwa ga ona.

Mokgatlo wo o tla lokollwa go lefa motšhelo wa letseno ge go ka dumelelwa ke SARS ebile o obamela dinyakwa tše di beilwego go Molao wa Motšhelo wa Letseno.

Hwetša dintlha ka botlalo mabapi le mekgatlo ya kholego ya setšhaba goba ikgokaganye le SARS mo go 012  483 1700 goba go teu@sars.gov.za.