Xikombelo xa layisense ya mudyondzi wo chayela

Hi layisense ya mudyondzi

Layisense ya mudyondzi yi ku pfumelela ntsena loko u langutisiwa hi muchayeri loyi a nga na layisense. Loko xiyenge xa movha lowu wu chayeriwaka wu lava mpfumelelo wa ku chayeriwa wa phurofexinali, muchayeri loyi a nga na layisense u fanele nakambe a ri na mpfumelelo wo chayela wa phurofexinali.

Layisense ya mudyondzi i mpfumelelo lowu kombisaka leswaku u na vutivi bya masungulo bya movha na milawu ya patu. Layisense ya mudyondzi yi pfumeleriwa ku ringana 24 wa tin’hweti naswona a yi nga engeteleriwi.

Tilayisense to hambana ta mudyondzi ti nyikiwa ka swiyenge swo hambana swa mimovha:

• Khodi ya 1: Leyi i ya xithuthuthu xa ku va na kheriyani kumbe xo hava kheriyani, movha wa thirayisekele kumbe xa milenge ya mune. U fanele ku va u ri na 16 wa malembe kumbe ku tlula hi siku leri u kamberiwaka ha rona ku endlela ku endla xikombelo loko njhini ya xithuthuthu yi nga hundzi 125cc na 18 wa malembe kumbe ku tlula loko xi hundza 125cc.
• Khodi ya 2: Leyi i ya movha, ku katsa timinibazi, bazi kumbe movha wo rhwala nhundzu, ya ku rhwala girosa ntiko wo ka wu nga hundzi 3 500kg. U fanele ku va na 17 wa malembe hi vukhale kumbe ku tlula eka siku leri u kamberiwaka ku endlela ku endla xikombelo.
• Khodi ya 3: Leyi i ya movha kun’we na movha wa girosa wa ntiko lowu wu hundzaka 3 500kg. u fanele ku va na 18 wa malembe kumbe ku tlula eka siku leri u kamberiwaka ku endlela ku endla xikombelo.

Leswi u faneleke ku swi endla

1. Eka xikombelo xa wena u ta lava kuya hi wexe eka Senthara ya le kusuhi yo Kambela Layisense yo Chayela (DLTC) ku endla nkarhi wo kamberiwa.
2. Ku buka siku ro kamberiwa no tiyisisa ku buka, u fanele ku yisa leswi landzelaka:
   • pasi (ID)
   • swinepe swimbirhi swa ntima no basa swa ID
   • ntsengo wo buka.
3. Tata fomo ya xikombelo xa layisense ya mudyondzi (LL1), leyi kumekaka eDLTC.
4. U ta kamberiwa mahlo esenthareni yo kambela kumbe, u nga kamberiwa hi n’anga ya mahlo no yisa fomo eka senthara yo kambele.
5. U fanel e kuva na vutivi bya movha na mimfungho ya le magondzweni u nga si ya kamberiwa. Kutani u fanele ku dyondza mimfungho ya le magondzweni, u nga si ya kamberiwa.
6. Hi siku ro kamberiwa u fanele kuya na leswi landzelaka:
   • xilipi xo buka xo tiyisisisa xivandla
   • pasi ya wena (ID).
7. Loko u pasa xikambelo u fanele ku hakela ntsengo.

Leswi u faneleke ku swi endla

Layisense ya mudyondzi yi nyikiwa hi siku leri u pasaka ha rona.

Xana swi durha mali muni

Tihlanganisi na hofisi ya tilayisense eka ndhawu ya wena ku vutisa hi nxavo.

Tifomo leti tatiwaka

• Fomo ya xikombelo xa layisense ya mudyondzi ya (LL1)
• Muendli wa xikombelo loyi a nga na 65 wa malembe hi  vukhale kumbe ku tlula ku laveka fomo ya Setifikheti ya swa vutshunguri (MC).

Tifomo leti ta kumeke eka senthara yin’wana na yin’wana yo kambela ku chayela na le ka eNatis.

Vuxokoxoko bya vutihlanganisi