Isibawo selayisense yabasafundako

Okuphathelene nelayisensi kamafundana

Ilayisensi kamafundana ikuvumela bona utjhayele lokha nawutjengiswa mtjhayeli onelayisensi. Nangabe umkhakha wekoloyi oyitjhayelako ufuna iphemidi ephrofetjhinali yokutjhayela, umtjhayeli onelayisensi kufanele abe nephemidi ephrofetjhinali yokutjhayela.
 
Ilayisensi kamafundana iyiphemidi efakazela bona unelwazi elisisekelo lekoloyi kanye nemithetho yendlela. Ilayisensi kamafundana iba semthethweni iinyanga ezima-24 begodu angeze zangezwa.

Amalayisensi wabomafundana ahlukeneko ayanikelwa mayelana nemikhakha ehlukeneko yeenkoloyi:

• Ikhowudu 1: Le ngeyesithuthuthu esinekheriyana nanyana esinganayo, isithuthuthu samavilo amathathu nanyana esinamavilo amane. Kufanele ube neminyaka eli-16 nanyana eyeqako ubudala ngelanga lokuhlolwa ukuze ukghone ukufaka isibawo nangabe i-enjini yesithuthuthu ayidluli ku-125 cc begodu neminyaka eli-18 nanyana eyeqako nangabe idlula ku-125 cc.
• Ikhowudu 2: Le ngeyekoloyi, kufakwe hlangana iimbhesana, ibhesi neenkoloyi ezilayitjha imithwalo, ezinomthwalo ubudisi bawo obungadluliko ku- 3 500kg. Kufanele ube neminyaka eli-18 ubudala ngelanga lokuhlolwa ukuze ufake isibawo.
• Ikhowudu 3: Le ngeyekoloyi enomthwalo ongadluliko ku- 3 500kg. Kufanele ube neminyaka eli-18 ubudala ngelanga lokuhlolwa ukuze ufake isibawo.

Okufanele ukwenze

1. Tjhinga kusentha yokuhlola amalayisensi eseduze nawe (i-DLTC) ukobana ubhuge ilanga lokuhlolwa.
2. uye uphethe lokhu okulandelako:
   • umtlolo kamazisi (i-ID)
   • iinthombe ezine ezifanako ezinobumhlophe nobunzima 
   • imali yokubhuga.
3. Zalisa iforomo lesibawo selayisensi yokutjhayela  (i-DL1) ku- DLTC. Zalisa iforomo lesibawo selayisensi kamafundana (i-LL1), etholakala ku- DLTC. Nangabe uneminyaka ema- 65 nanyana eyeqako, kufanele uzalise iforomo lesitifikeyidi semedikhali (i-MC), nayo etholakala ku- DLTC.
4. Uzayokuhlolwa amehlo kusentha yokuhlola nanyana  nakungasinjalo, ungahlolisa amehlwakho kudorhodera wamehlo bese uthumela iforomo kusentha yokuhlola.
5. Ngaphambi kobana utlole ukuhlolwa kwelayisensi kamafundana, kufanele ufunde amatshwayo wendlela, ukulawula ikoloyi nawuyitjhayelako kanye nemithetho ukuze ube nelwazi elisisekelo lekoloyi kanye namatshayo wendlela.
6. Ngelanga lokuhlola kufanele uze nalokhu okulandelako:
   • irasidi yokubhuga
   • umazisakho we-ID.
7. Nangabe uyaphumelela ekuhlolweni kufanele ubhadale imali yokuyikhupha.

Isikhathi esibekiweko

Ilayisensi kamafundana ikhutjhwa khona mhlokho nangabe uphumelele begodu uyibhadalile imali efunekako.

Kubiza malini

Thintana ne-ofisi yokukhupha iimvumo yangekhenu ukuze uthole ilwazi ngeendleko.

Amaforomo ekufanele uwazalise

• Iforomo lesibawo selayisensi kamafundana (i-LL1)
• Umfakisibawo oneminyaka ema - 65 ubudala nanyana edlulako kufanele athole iforomo lesitifikeyidi seMedikhali (i-MC)

Amaforomo la ayatholakala kwenye nenye isentha yesitetjhi sokukhlolela ukutjhayela begodu naku-eNatis.

Ungathintana nobani