Xikombelo xa layisense yo chayela

Swilaveko swo endla xikombelo xa layisense yo chayela

U lava layisense yo chayela ku chayela swi ri enawini emagondzweni ya Afrika Dzonga. Tilayisense to hambana ti nyikiwa eka swiyenge swo hambana swa mimovha:

• Khodi 1: Leyi i ya xithuthuthu lexi nga hava xigolonyana etlhelo na njhini leyi nga hundziki 125cc na xithuthuthu lexi nga hava xigolonyana etlhelo lexi nga na njhini leyi hundzaka 125cc. Xithuthuthu lexi nga hava xigolonyana etlhelo na njhini leyi nga hundziki 125cc u fanele kuva na 17 wa malembe ku endla xikombelo eka xithuthuthu lexi nga hava xigolonyana etlhelo na njhini leyi hundzika 125cc u fanele kuva na 18 wa malembe kumbe ku tlula ku endla xikombelo.
• Khodi 2: Leyi i ya movha, ku katsa xabazana, bazi na movha ya nhundzu, na ntiko wo angarhela lowu nga hundzuki 3 500kg. U fanele kuva na 18 wa malembe ku endla xikombelo.
• Khodi 3: Leyi i ya movha, bazi, xibazana kumbe movha wa nhundzu na ntiko wo angarhela ku suka eka 3 500kg ku fika eka 16 000kg kumbe ku tlula. U fanele kuva na 18 wa malembe kumbe ku tlula ku endla xikombelo.
• Khodi EB:  Leyi i ya movha wo vevuka lowu hlamuselaka (movha wo vevuka wu koka xigolonyana) na ntiko wo angarhela lowu bohiweke (Movha wo vevuka: ehansi ka 3 500kg GVM kumbe or movha wa vakhandziyi va le hansi ka 12) U fanele kuva na 18 wa malembe kumbe ku tlula ku endla xikombelo.
• Khodi EC1: Leyi i ya movha wo hakana lowukulu wo tika (movha lowukulu wo tika wo koka xigolonyana), na ntiko wo angarhela lowu bohiweke. (Movha lowukulu wo tika: lowu hundzaka 3 500kg GVM kambe a wu hundzi 16 000kg). U fanele kuva na 18 wa malembe kumbe ku tlula ku endla xikombelo.
• Khodi EC: Leyi i ya movha wo hakana lowukulu wo tika (movha lowukulu wo tika wo koka xigolonyana) na ntiko lowu amukeriwaka wo angarhela lowu bohiweke. (Movha lowukulu wo tika: lowu hundzaka 16 000kg GVM), U fanele kuva na 18 wa malembe kumbe ku tlula ku endla xikombelo.

Leswi u faneleke ku swi endla

1. Ya na eka senthara ya ku kambela ku chayela ya le kusuhi (DLTC) ku buka siku ro kamberiwa. Famba na leswi landzelaka:
   • papila ro dyondzela ku chayela ra wena.
   • pasi ra wena (ID).
   • swifaniso swo fana swa mune swa ko basa na wa ntima. U fanele u rhanga hi ku tiyisisa na DLTC ku ri va ta lava swifaniso swingani loko u nga si teka swifaniso.
   • Papila ra ku tiyisisa laha u tshamaka kona kumbe ra poso xik. papila ra akhawunti ya ka masipala. Loko akhawunti ya ka masipala yi nga ri hi vito ra wena, n’winyi wa akhawunti u fanele ku endla afidavhiti a kombisa leswaku u tshama eka kherefu leyi nga tsariwa naswona akhawunti ya ka masipala yi fanele yi khomanisiwa na afidavhiti. 
   • Loko u tshama eka tindhawu leti nga pasisiwangiki, u fanele ku tisa papila leri gandliweke ximfumo ku suka eka mukhanselara wa wadi ku tiyisisa kherefu ya laha u tshamaka kona na ya poso.
   • Hakelo yo buka. 
2. Tata fomo ya Xikombelo xa papila ro chayela ya (DL 1) eDLTC.
3. Hlayisa xilipi xa vumbhoni bya ku hakela ku tiyisisa siku na nkarhi wo kamberiwa.
4. Hi siku ro kamberiwa, u fanele ku va eDLTC hi nkarhi wo kambela lowu vuriweke. Xilipi xa wena na papila ra ku dyondzela ku chayela swi ta tiyisisiwa loko xikambelo xi nga si sungula.
5. U ta kamberiwa hi mukamberi loyi a nga swi thwasela.
6. Loko u pasile xikambelo, mikandziyiso ya titiho yi ta tekiwa naswona u ta ya kamberiwa mahlo eDLTC. Kumbe, u nga kamberiwa mahlo eka dokodela wa mahlo loyi a nga swi thwasela na ku rhumela fomo eDLTC. 
7. Loko u pasile xikambelo xo chayela, u fanele ku hakela hakelo ya ku humesa papila ro chayela ra nkarhinyana, leri u nga ri tirhisaka loko wa ha yimele khadi ra papila r chayela leri odiweke.
8. U ta tivisiwa loko khadi ra papila ra wena ro chayela ri lulamerile ku ri u ta ri teka. U fanele u teka papila ra wena ro chayela eDLTC leyi u nga endla xikombelo eka yona.

Leswi u faneleke ku swi endla

Xikombelo xi humelerisiwa hi siku rin’we.

Xana swi durha mali muni

Ikgolaganye le kantoro ya selegae ya thebolo ya dilaesense ya gago go utlwa ka tlhwatlhwatuelo.

Tifomo leti tatiwaka

Xikombelo xa layisense ya ku chayela, DL1. Tihlanganise na senthara ya vukamberi bya swa tilayisense ta vuchayeri.

Vuxokoxoko bya vutihlanganisi