Kgopelo ya laesense ya go otlela

Ka ga go dira kgopelo ya laesense ya go otlela

O swanetše go ba le laesense ya go otlela gore o kgone go otlela semmušo mo ditseleng tša Afrika Borwa. Go na le dilaesense tša go fapana malebana le Magoro a dikoloi:

Khoutu ya A1: Ye ke ya sethuthuthut sa sa entšene ya go se fete 125cc. O swanetše go ba le mengwaga ye 17 goba go feta ka letšatši la diteko.

Khoutu ya A: Ye ke sethuthuthu sa entšene ya go feta 125 cc. O swanetše go ba le mengwaga ye 18 goba go feta gore o kgone go dira kgopelo.

Khoutu ya B: Ye ke ya sefatanaga, go akaretšwa le khombi, pese goba koloi ya dithoto ya boima bja go fihla 3 500kg. O swanetše go ba le mengwaga ye 18 gore o dire o kgopelo.

Khoutu ya C1: Ye ke ya sefatanaga, pese, khombi goba koloi ya dithoto ya boima bja gare ga 3 500kg le 16 000kg. O swanetše go ba le mengwaga ye 18 goba go feta gore o kgone go dira kgopelo ya yona.

Khoutu ya C: Ye ke ya sefatanaga, pese, khombi goba koloi ya dithoto ya boima bja go feta 16 000kg.

Khoutu ya EB: Ke ya:

• sefatana se bofefo (sefatana se bofefo sa go goga karikana) sa boima bjo bo sa fetego 3 500kg. lekanetšego. O swanetše go ba le mengwaga ye 18 goba go feta gore o dire kgopelo ya laesense ye,
• goba kopano ya sefatana sa boima bja go se fete 3 500kg. O swanetše go ba le mengwaga ye 18 goba go feta gore o dire kgopelo ya laesense ye.

Khoutu ya EC1: Ye ke ya:

• sefatana se boima (sefatana se boima sa go goga (di)karikana) sa boima bja gare ga 3 500kg le 16 000kg. O swanetše go ba le mengwaga ye 18 goba go feta gore o dire kgopelo ya laesense ye, goba
• sefatanasefatana sa boima bja gare ga 3 500kg le 16 000kg le khombi, pesana, pese goba koloi ya dithoto ya boima bja gare ga 3 500kg le 16 000kg. O swanetše go ba le mengwaga ye 18 goba go feta gore o dire kgopelo ya laesense ye, goba.

Eya seteišeneng sa dilaesense tša go otlela (DLTC) gore o kgone go beeletša letšatši gomme o ye o sware:

• pukwana ya boitsebišo (ID)
• diswantšho tše pedi tša boso le bošweu
• tšhelete ya tefo.

Seo o swanetšego go se dira

1. Eya lefelong la kgauswi la go dira diteko tša lengwalo la go otlela (DLTC) go beeletša letšatšikgwedi leo o tlago dirwa diteko ka lona. Eya le dilo tše di latelago:
   • lengwalo la gago la moithuti wa go otlela.
   • pukwana ya gago ya boitsebišo (ID).
   • dinepe tše nne tša go swana tše tlwaelegilego. O swanetše go thoma ka go tiišetša le ba lefelo la go dira diteko tša lengwalo la go otlela gore ba nyaka dinepe tše kae pele ga ge o ka tšea dinepe.
   • Bohlatse bja aterese ya poso le ya madulo, go fa mohlala, lengwalo la akhaonte ya ditirelo. Ge e le gore lengwalo la tefišo ya ditirelo ga se la ngwalwa ka leina la gago, mong wa lengwalo leo o swanetše go dira abitabiti a tiišetše gore o dula lefelong leo gomme lengwalo la tefišo ya ditirelo leo le swanetše go kgomaretšwa go abitabiti.
   • Ge e le gore o dula lefelong la mekhukhung, o swanetše go tla le lengwalo leo le nago le setempe sa semmušo se se nago le letšatšikgwedi go tšwa go mokhanselara wa wate leo le tiišetšago aterese ya gago ya poso le ya madulo
   • tšhelete ya go dira peeletšo.
2. Tlatša foromo ya kgopelo ya phetošetšo ya lengwalo la go otlela (DL1) ka DLTC.
3. Swara resiti bjalo ka bohlatse bja tefo le bjalo ka tiišetšo ya letšatšikgwedi la diteko le nako.
4. Ka letšatšikgwedi la teko, o swanetše go ba go la DLTC go dira diteko ka nako ya diteko ye e filwego. Selipi sa gago le lengwalo la gago la moithuti wa go otlela di tla lekodišišwa pele ga ge o tla tšwela pele go ya go dirwa diteko.
5. O tla lekwa ke mohlahlobi yo a nago le maswanedi.
6. Ge o ka atlega ditekong, kgatišo ya menwana ya gago e tla tšewa gomme o tla ya go dirwa teko ya mahlo go la DLTC. Ka go le lengwe, o ka dirwa diteko ke ngaka ya mahlo ye e nago le maswanedi gomme wa tliša foromo yeo go la DLTC.
7. Ge o ka atlega ditekong tša go otlela, o swanetše go lefa tšhelete gore o hwetše lengwalo la go otlela la lebakanyana, leo o tlago le šomiša ge o dutše o emetše karata ya lengwalo la go otlela yeo o e dirilego.
8. O tla tsebišwa ge karata ya gago ya lengwalo la go otlela e lokile go ka tšewa. O swanetše go tšea lengwalo la gago la go otlela go la DLTC fao o dirilego kgopelo ya gago.

Lebaka

Kgopelo e phethwa ka lona letšatši leo.

E dira tshenyagelo ya bokae

Ikgokaganye le kantoro ya tikologo ya geno ya dilaesense go tseba ka ga ditefo.

Diforomo tšeo di swanetšwego go tlatšwa

Kgopelo ya laesense ya go otlela DL1, e hwetšagala senthareng ya kgauswi le wena.

Dintlha tša boikopanyo