Ilayisensi yokutjhayela

Okuphathelene
Okufanele ukwenze
Isikhathi esibekiweko
Kubiza malini
Amaforomo ekufanele uwazalise
Ungathintana nobani

 

 

Okuphathelene nokwenza isibawo selayisensi yokutjhayela

Udinga ilayisensi yokutjhayela ukuze kube semthethweni ukutjhayela kwakho eendleleni zeSewula Afrika. Ngaphambi kokobana wenze isibawo selayisensi yokutjhayela, kufanele ube nelayisensi yabafunda ukutjhayela.

Kukhutjhwa amalayisensi ahlukene ngokweengaba kuya ngomhlobo wekoloyi:

  • Code A1: Ilayisensi le ngeyesithuthuthu esinekaranyana nanyana esinganakaranyana esine-enjini enobukhulu obuli-125 cc. Okungasenani kufanele ibe sewuhlanganise iminyaka eli-17 ngelanga lokuhlungwa kwakho.
  • Code A: Ilayisensi le ngeyesithuthuthu esinekaranyana nanyana esinganakaranyana esine-enjini enobukhulu obudlula i-125 cc. Ungafaka isibawo kwaphela lokha nawuneminyaka eli-18 nanyana ngaphezulu.
  • Code B: Ilayisensi le ngeyekoloyi ejayelekileko, ukufaka hlangana ikhumbi, ibhesi nekoloyi ethutha intundu, enobudisi obuhlanganisiweko obungasi ngaphezulu kwamakhilogramu azii-3 500. Ungafaka isibawo kwaphela lokha nawuneminyaka eli-18  nanyana ngaphezulu.
  • Code C1: Ilayisensi le ngeyekoloyi, ibhesi, ikhumbi enobudisi obuhlanganisiweko obuphakathi kwamakhilogramu azii-3 500 nali-16 000. Ungafaka isibawo kwaphela lokha nawuneminyaka eli-18 nanyana ngaphezulu.
  • Code C: Ilayisensi le ngeyekoloyi, ibhesi nanyana isithuthi sentundu esinobudisi obuhlanganisiweko obudlula amakhilograma ali-16 000. 
  • Code EB: Ilayisensi le ngeye:
    • koloyi encani (ikoloyi encani edosa ifentere) enobudisi obuhlanganisiweko obungasi ngaphezu kwamakhilogramu azii-3 500. Ungafaka isibawo kwaphela lokha nawuneminyaka eli-18 nanyana ngaphezulu.
    • ihlanganisela yekoloyi ejayelekileko enobudisi obungadluli amakhilogramu azii-3 500 nekhumbi, ibhesi nesithuthi sentundu ezinobudisi obungadluli amakhilogramu azii-3 500 nazibalwa zizoke. Kufanele ube neminyaka eli-18 nanyana ngaphezulu ukulungela ukufaka isibawo. 
  • Code EC1: Ilayisensi le ngeye:
    • Trogo elidosa ikarana elinobudisi obuhlangeneko obuphakathi kwamakhilogramu azii-3 500 nazii-16 000. Kufanele ube neminyaka eli-18 nanyana ngaphezulu ukulungela ufufaka isibawo.
    • hlanganisela yekoloyi ejayelekileko enobudisi obumakhilogramu azii-3 500 nazii-16 500 nekhumbi, ibhesana, ibhesi nanyana isithuthi sentundu esinobudisi obuphakathi kwamakhilogramu azii-3 500 nazii-16 000. Kufanele ube neminyaka eli-18 nanyana ngaphezulu ukulungela ukufaka isibawo.
  • Code EC: Ilayisensi le ngeyetrogo elidosa ikarana  elinobudisi obuhlangeneko obumakhilogramu ali-16 000 nanyana ihlanganisela yebhesi nesithuthi sentundu sobudisi obungaphezu kwamakhilogramu ali-16 000. Kufanele ube neminyaka eli-18 nanyana ngaphezulu ukulungela ukufaka isibawo.

Okufanele ukwenze

  1. Iya esiteyitjhini sokuthathisa amalayisense wokutjhayela (i-DLTC) endaweni yangekhenu uyokubawa ilanga abangakuhlola ngalo ukutjhayela. Nakhu ekufuze ukhambe nakho:            
    • Ilayisense yakho yokufunda ukutjhayela;              
    • UMazisi wakho (i-ID);                             
    • Iinthombe ezine ezifanako ezingaambala.  Nokho thoma ngokubuza e-DLTC ukuthi kufuneka iinthombe ezingaki ngaphambi kobana uzifode.                                                                               
    • Incwadi efakazela isiphande sakho seposo namkha sendawo ohlala kiyo, isb: incwadi yamanzi negezi yakwamasipaladi. Nayibe mhlambe incwadi enjalo ayisisebizweni lakho, umnikazi wencwadi leyo kufuze bona enze incwadi efungelweko (i-afidavithi) la afakazela khona ukuthi uhlala endawenakhe, bese incwadi efungelweko le inanyathiselwa namkha iqobotjhelwa encwadini ebufakazi besiphande esikhulume ngayo ngehla.                                                                                                                                          
    • Nayibe uhlala endaweni yabosomtlhatlhana, kufuze uze nencwadi enesitembu esisemthethweni esinedeyithi ebuya kukhansela lewodi elifakazela isiphande sakho seposo nesalapha uhlala khona.                                     
    • Imali yokubhuga                                           
  2. Gcwalisa iforomu lesibawo sokuthola ilayisense yokutjhayela elibizwa ngokuthi  yi-DL1 e-DLTC.                                                                                                                               
  3. Irasidi yakho igcine kuhle njengobufakazi bokuthi nangambala ubhadele, nefakazela ilanga nesikhathi ekufuze uhlolwe namkha uhlungwe ngaso.                                                                                                                                           
  4.  Ngelanga lokuhlolwa  kufuze ube se-DLTC ngesikhathi obekelwe sona. Irasidi yakho nelayisense yakho yokufunda ukutjhayela izakuhlolwa ntanzi ukuthi ngiyo mbala na ngaphambi kobana uvunyelwe udlulele lapho uyokuhlolelwa khona.                                                                                                                                         
  5. Uzakuhlolwa mhloli okufundeleko ukuhlola abantu abathatha amalayisense wokutjhayela.                                                                                                              
  6.  Nakube uyaphumelela ekuhlolweni kwakho, bazakuthatha imigadangiso yeminwakho, bese uhlolwa amehlo khona lapho e-DLTC. Nakungasinjalo ungazihlolisa amehlo kuDorhodere wamehlo bese unikela i-DLTC iforomu lemiphumela yokuhlolwa kwakho nguDorhodere.                                                                                                                                                     
  7. Nayibe uyaphumelela ekuhlolweni kwakho kokutjhayela , kuzakufuneka bona ubhadele imali ethileko yokuthi bazokukhuphela ilayisense yokutjhayela yesikhatjhana, ozayisebenzisa nawusalindele ilayisense yakho yokutjhayela elikarada.                                                                         
  8.  Uzakwaziswa nasele ifikile ilayisensakho yekarada. Ilayisense leyo-ke kufuze uyoyithatha e-DLTC la wenza khona isibawo selayisense.

Isikhathi esibekiweko

  • Ilayisensi yakho yokutjhayela kufanele iphume kungapheli iimveke ezine ukuya kezisithandathu.
  • Ilayisensi yokutjhayela yesigiyani ikhutjhwa khonokho emva kokuphumelela ekuhlungweni.

Kubiza malini

Fumana ilwazi  mayelana neendleko ezikweni lokutlolisa iinkoloyi elisemthethweni langekhenu.

Amaforomo ekufanele uwazalise

Iforomo lokwenza isibawo selayisensi yokutjhayela (i-DL1) litholakala kelinye nelinye iziko lokuhlungela ukutjhayela nokukhupha amalayisensi wokutjhayela.

Ungathintana nobani

 

Contact your local department of transport

Share this page