Dintlha ka
O lokela ho etsang
Nako ya tshebetso
Ditjeo ke bokae
Diforomo tse tlatswang
Dintlha tsa ho iteanya
Dintlha mabapi le ho etsa kopo ya diphemiti tsa ho tlisa kapa ho romela dihlahiswa tsa petroliyamo
Haeba o batla ho tlisa kapa ho romela dihlahiswa tsa petroliyamo kantle ho Aforika Borwa, o tlameha ho fumana tumello ho tswa Lefapheng la Dimenerale le Eneji (DME) pele ho fumana phemiti ho tswa Khomisheneng ya Tsamaiso ya Kgwebisano Matjhabeng (ITAC).
Ho tliswa le ho romela dihlahiswa tsa petroliyamo ho itshetlehile taolong ya ho tlisa/romela kantle mme kahoo khamphani kapa motho ya nang le maikemisetso a ho tlisa kapa ho romela dihlahiswa tsa petroliyamo kahare kapa kantle ho Aforika Borwa o hloka phemiti ya ho tlisa kapa ho romela kantle.
Ho ntshwa ha diphemiti tsa ho tlisa kapa ho romela petroliyamo kantle ho itshetlehile ditlhokong tse laolwang ke Lefapha la Dimenerale le Eneji (DME).
Ho amoheleha ho dumellwa, o tlameha ho iteanya le DME mabapi le tsamaiso e hlokehang.
Thepa e jwaloka oli e tala, peterole, parafini, dioli tse nolofatsang, digase tsa petroliyamo, jeli ya petroliyamo, bitumen ya petroliyamo le boka ba parafini di itshetlehile mehatong ya taolo ya ho tlisa le ho romela kantle.
O lokela ho etsang
- Kopa foromo ya kopo ya phemiti ya ho tlisa kapa ho romela kantle ho tswa ITAC kapa e fumane inthaneteng websaeteng ya ITAC.
- Tlatsa foromo ya kopo mme o e ise DME ho dumellwa, hammoho le khopi ya setefikeiti sa boingodiso ba VAT ya Khamphani ya hao
- Hang ha kopo ya hao e dumelletswe, e late DME mme o e ise ITAC.
- ITAC e tla sebetsa kopo ya hao mme e o nehe phemiti haeba kopo ya hao e atlehile.
Ela hloko: Diphemiti tsa ho tlisa di amoheleha dikgwedi tse 12 mme diphemiti tsa ho romela kantle dikgwedi tse tsheletseng.
Nako ya tshebetso
Nako e behetsweng ho ntshwa ha diphemiti tsa ho tlisa ke matsatsi a mararo a mosebetsi.
Ditjeo ke bokae
Tshebeletso ke mahala.
Diforomo tse tlatswang
Bakeng sa ho romela kantle:
- Export authorization (Tumello ya ho romela kantle)
- Application to register as an exporter or change of current information IEPS230-b (Kopo ya ho ingodisa jwaloka moromelantle)
Bakeng sa ho tlisa kahare ho naha:
- Application to register as an importer or change of current information IE230 (Kopo ya IE230 ya ho ingodisa jwaloka motlisakahare kapa phetoho ya tsebiso e teng ha jwale)
- Application for import permit for commercial purposes IE461 (Kopo ya IE461 ya phemiti ya mabaka a ho hweba)
Dintlha tsa ho iteanya
ITAC national office - Import and Export Control
Tel: 0861 834 384, 012 394 3590, 012 394 3591
City/town: Pretora
Province: Gauteng
Physical address: International Trade Administration Commission, 77 Meintjies Street, Block D, Sunnyside, Pretoria, 0001
Postal address: Private Bag X753 Pretoria, 0001
Web address: http://www.itac.org.za
Department of Energy
Tel: 012 406 8000
E-mail: info@energy.gov.za
City/town: Pretora
Province: Gauteng
Physical address: 192 Visagie Street, Corner Paul Kruger & Visagie Street, Pretoria, 0001
Postal address: Private Bag X96, Pretoria, 0001
Web address: https://www.energy.gov.za/
