Kgopelo ya phemiti ya go romela le go tliša ditšweletšwa tša petroliamo

Ka ga

Seo o swanetšego go se dira

Lebaka

E dira tshenyagelo ya bokae

Diforomo tšeo di swanetšwego go tlatšwa

Dintlha tša boikopanyo

Mabapi le go dira kgopelo ya phemiti ya go romela le go tliša ditšweletšwa tša petroliamo

Ge o nyaka go romela ntle goba go tliša ka mo nageng ditšweletšwa tša petroliamo o swanetše go thoma ka go hwetša tumello ya Kgoro ya Diminerale le Enetši (DME) gomme o hwetše phemiti go tšwa ofising ya International Trade Administration Commission (ITAC).

Go romela ntle le go tliša ka mo nageng dithoto go laolwa ke melao ye e beilwego gomme go realo go hlaloša gore ge khamphani goba motho a nyaka go dira bjalo o swanetše go ba le phemiti pele a ka dira bjalo.

Go fiwa ga phemiti ya go romela ntle le go tliša ka mo nageng dithoto go laolwa ke melawana ye e sepetšwago ke Kgoro ya Diminerale le Enetši (DME).
Gore o hwetše tumello, o swanetše go ikopanya le DME malebana le dinyakwa tše di beilwego.

Dithoto tše bjalo ka oli ya krute, Makhura, parafine, oli ya go theletša, gase ya petroliamo, jeli ya petroliamo, petroliamo ya pathumen ka moka di laolwa ke melao ye e beilwego.

Seo o swanetšego go se dira

1. Kgopelo fomo ya kgopela phemiti ya go romela ntle le go tliša ka mo nageng go ITAC goba o ka e hwetša mo websaeteng ya ITAC.
2. Tlatša fomo ya kgopelo gomme o e romele go DME, mmogo le khopi ya setifikeiti sa khamphani ya gago ya VAT.
3. Ge kgopelo ya gago e šetše e dumeletšwe, eya o e tšea go DME gomme o e iše go ITAC.
4. ITAC e tlo senka kgopelo ya gago gomme ya go fa phemiti ge e le gore kgopelo yeo e atlegile.

Hlokomela: Phemiti ya go tliša dithoto ka mo nageng e šoma lebaka la dikgwedi tve 12 mola phemiti ya go romela dithomo ka ntle yona e šoma dikgwedi tše tshela.

Lebaka

Go tšea matšatši a mararo a mošomo go phetha ka kgopelo ya phemiti ya go tliša dithoto ka mo nageng.

E dira tshenyagelo ya bokae

Khomišene ya Tshepedišo ya Dikgwebišano ya Boditšhabatšhaba ga e lefiše tefelo efe goba efe ya tirelo eupša o tla swanelwa ke go lefa motšhelo wa ditšwantle go Tirelo ya Metšhelo ya Afrika Borwa (Sars). Motšhelo wa ditšwantle o balelwa bjalo ka phesente ya boleng bja dithoto (bjalo ka ge e beakantšwe ka dišetuleng ka go Molao wa Motšhelo le Motšhelophahlogae). Go hwetša tshedimošo ka botlalo ka ga motšhelo wa ditšwantle, etela wepsaete ya Sars .

Diforomo tšeo di swanetšwego go tlatšwa

Go romela dithoto ntle:

• Export authorization (Export authorization)
• Application to register as an exporter or change of current information IEPS230-b (Application to register as an exporter)

Go tliša dithoto ka mo nageng:

• Application to register as an importer or change of current information IE230 (Application to register as an importer or change of current information IE230)
• Application for import permit for commercial purposes IE461 (Application for import permit for commercial purposes IE461)

Dintlha tša boikopanyo