Ngesi
Yini lekumele uyente
Sikhatsi semsebenti
Ngabe kubita malini
Emafomu lagcwaliswako
Ngubani longamutsintsa
Ngekufaka sicelo setimvumo tekungenisa nekutfumela ngaphandle imikhicito yemafutsa
Uma ufuna kungenisa nobe kutfumela ngaphandle imikhicito yemafutsa eNingizimu Afrika, kumele ucale ngekutfola imvumo kuLitiko Letimbiwa Netemandla (DME) kutfola imvumo kuKhomishini Yekuphatsa Kuhwebelana Nemave Emhlaba (i-ITAC).
Kungenisa nekutfumela ngaphandle imikhicito yemafutsa kungaphasi kwelulawulo lwekungena nekuphuma kwetimphahla futsi ngako-ke inkapani nobe umuntfu lohlose kungenisa timphahla nobe kutfumela ngaphandle timphahla temafutsa phakatsi nobe ngaphandle kweNingizimu Afrika udzinga imvumo yekungenisa nobe kutfumela ngaphandle.
Kuniketa kwetimvumo tekungenisa nobe kutfumela ngaphandle kungaphasi kwetidzingo letiphetfwe Litiko Letimbiwa Netemandla (DME).
Kute itfole imvume, kumele utsintse iDME macondzana nenchubo yetidzingo.
Timphahla letifana nawoyela longakahlutwa, emafutsa etimoti, pharafini, emafutsa ekutsambisa, emagesi emafutsa, ijeli yemafutsa, i-petroleum bitumen kanye newaksi yapharafini konkhe loku kulawulwa.
Yini lekumele uyente
- Cela lifomu lemvumo yekungenisa nobe kutfumela ngaphandle ku-ITAC nobe likhiphe kuwebhusayithi ye-ITAC.
- Gcwalisa lelifomu lesicelo bese uliyisa ku-DME kutsi ligcotjwe sitembu, kanye nekhophi yesitifiketi sekubhaliswa kwe-VAT yeNkapani yakho.
- Uma sicelo sakho sesitfole imvumo, silandze ku-DME bese usitfumela ku-ITAC.
- I-ITAC itawusebenta ngesicelo sakho bese ikuniketa imvumo uma sicelo sakho siphumelele.
Khumbula: Timvumo tekungenisa tisebenta tinyanga letingu-12 kantsi tekutfumela ngaphandle tinyanga letisitfupha.
Sikhatsi semsebenti
Sikhatsi sekukhishwa kwetimvumo tekungeniswa kwetimphahla ngemalanga ekusebenta lamatsatfu.
Ngabe kubita malini
Ikhomishini Yetekuphatsa Tekuhweba Kwemave ayikukhokhisi imali yetinsita lekwentela tona kepha utawukhokhela Lihhovisi Lemtselisi waseNingizimu Afrika (Sars) imali yemtselo wetimphahla letingenako naletiphumako eveni. Imali yemtselo wetimphahla letingenako naletiphumako eveni ibalwa ngekuya kwemaphesenti entsengo yetimphahla (njengaloku kubekiwe kuMtsetfo Wekugcogca Umtselo eTimphahleni Letingenako Naletiphumako Eveni). Kute utfole lwatiso lolubanti mayelana nemali yemtselo wetimphahla letingenako naletiphumako eveni vakashela iwebhusayithi yaka-Sars.
Kutfumela ngaphandle:
- Export authorization (Imvumo yekutfumela ngaphandle)
- Application to register as an exporter or change of current information IEPS230-b (Sicelo sekubhalisa njengemtfumeli ngaphandle)
Kungenisa ngekhatsi:
- Application to register as an importer or change of current information IE230 (Sicelo sekubhalisa njengemngenisi wetimphahla nobe kuntjintja umniningwane wanyalo IE230)
- Application for import permit for commercial purposes IE461(Sicelo semvumo yekungenisa timphahla ngenhloso yekuhweba IE461)
Ngubani longamutsintsa
ITAC national office - Import and Export Control
Tel: 0861 834 384, 012 394 3590, 012 394 3591
City/town: Pretora
Province: Gauteng
Physical address: International Trade Administration Commission, 77 Meintjies Street, Block D, Sunnyside, Pretoria, 0001
Postal address: Private Bag X753 Pretoria, 0001
Web address: http://www.itac.org.za
Department of Energy
Tel: 012 406 8000
E-mail: info@energy.gov.za
City/town: Pretora
Province: Gauteng
Physical address: 192 Visagie Street, Corner Paul Kruger & Visagie Street, Pretoria, 0001
Postal address: Private Bag X96, Pretoria, 0001
Web address: https://www.energy.gov.za/
