Inyonyana yetisebenti lebhalisile ingayikhipha imvume yekushuca kwemalunga ayo nalabayesekelako ngenhloso yekushuca ngekuthula.
Umshuco ungentiwa nome ngabe ngukuyiphi indzawo lapho kufinyelela khona ummango. Ungentelwa ngephandle kwemabala nome ngekhatsi ngekutfola imvume kumcashi.
Nangabe kunencabano ngemitsetfo yekushuca, inyonyana yetisebenti lebhalisile nome umcashi angacela Ikhomishi Yekubuyisana, Kulamula Nekwehlulela (i-CCMA) kutsi iyente kutsi kube khona sivumelwane emkhatsini walamacembu.
Nangabe kute sivumelwane lokufinyelelwa kuso, i-CCMA kufanele kutsi ishaye imitsetfo yekushuca, ngekubuka timo taleyo ndzawo letsite yekusebenta nome lamanye emabala lokungashucelwa kuwo kanye nanome ngukuphi kutiphatsa lokulungile lokufanele.
Tfola kabanti mayelana nekutfola sivumelwane mayelana nemitsetfo yekushuca nome utsintse i-CCMA.
