I-Central Application Service (CAS) iniketa lwatiso nekwesekelwa kubafundzi labasengakayitfoli indzawo yekufundza esikhungweni setemfundvo lephakeme nekucecesha, kanye nalabo labasahlwaya ematfuba lakhona angemuva kwekucedza sikolwa.
Kusuka ngemnyaka wekufundza 2026 kuya embili, i-Central Applications Clearing House (i-CACH) kusebenta kwayo kuyekelwe kwatsi esikhundleni sayo kwafakwa i-Central Application Service.
I-CAS iyinsita lenkhulu kakhulu lehlanganisile leyenta kancono kubonakala kwematfuba Emfundvweni Yangemuva Kwekucedza Sikolwa kanye nenchubo Yekucecesha, kufaka ekhatsi emanyuvesi, emakolishi kanye nalamanye ematfuba. Iphindze futsi ibe sisekelo sekutsatsa tincumo letibhadlile futsi isita labo labasendleleni yekuba titjudeni kutsi bagweme tikhungo letikhohlisanako.
Litiko Letemfundvo Lephakeme Nekucecesha liyachubeka nekutinikela ekucinisekiseni kutsi kute umuntfu lomusha losala ete lwatiso, kukhonjwa indlela noma kwesekelwa ngesikhatsi ahlwaya ematfuba angemuva kwekucedza sikolwa.
Labo labasendleleni yekuba titjudeni bakhutsatwa kutsi batsintsane ne-Central Application Service ngekusebentisa inombolo yekubhalelana nge-WhatsApp ku-081 308 4196.
