Ofisi ya Tshumelo ya Vhukati ya u ita Khumbelo (CAS) i ṋetshedza mafhungo na thikhedzo kha vhagudi vhane a vha athu wana fhethu hune vha nga ya u guda hone kha tshiimiswa tsha pfunzo dza nga murahu ha u fhedza tshikolo na vhugudisi, hu tshi katelwa na avho vhane vha khou lingedza u wana zwikhala zwi wanalaho nga murahu ha u ṱhaphudza tshikolo.
U thoma kha uno ṅwaha wa u guda wa 2026 u ya phanḓa, Ofisi ya Vhukati ya Khunyeledzo dza Khumbelo (CACH) yo fhaladzwa nahone i vho ḓo imelwa nga Ofisi ya Vhukati ya Tshumelo dza u ita Khumbelo.
CAS ndi tshumelo ya thikhedzo yo ṱanganelaho ine ya khwinisa zwa u wanala ha zwikhala kha sisteme ya Pfunzo dza nga Murahu ha u Ṱhaphudza Tshikolo na Vhugudisi, ine khayo ha katelwa yunivesithi, magudedzi khathihi na zwiṅwe zwikhala. I dovha hafhu ya tikedza zwa u dzhia tsheo yo ḓitikaho nga vhuṱanzi khathihi na u thusa avho matshudeni vhane vha khou tama u bvela phanḓa na pfunzo dzavho uri vha si ḓiwane vha tshi khou yak ha zwiimiswa zwa vhufhura.
Muhasho wa Pfunzo dza Ntha na Vhugudisi u kha ḓi vha wo ḓiimisela u vhona uri a hu na muthu muswa na muthihi ane a khou sala a songo wana mafhungo o teaho, ngeletshedzo kana thikhedzo zwenezwo musi a tshi khou linedza u nanga zwikhala zwine zwa wanala nga murahu ha u ṱhaphudza tshikolo.
Avho vhane vha khou ṱoḓa u vha matshudeni vha khou ṱuṱuwedzwa u davhidzana na vha Tshumelo ya Vhukati ya u ita Khumbelo nga WhatsApp kha nomboro ya 081 308 4196.
