Sicelo lesiya ku-ETQA sekutfola ligunya njengemetfuli wemfundvo kanye nelucecesho

Inchazelo

Lemitsetfo lesebenta kuleLigatja lekuCinisekisa iKwalithi yeMfundvo, Lucecesho kanye neNtfutfuko (ETDQAs) ngaphansi kwe  Umtimba weTicu waseNingizimu Afrika (SAQA) udzinga kutsi betfuli bemfundvo kanye nelucecesho bafake sicelo kute batfole ligunya. Kute batfole ligunya, betfuli bemfundvo kanye nelucecesho badzingeke kutsi babhaliswe mayelana nalomtsetfo losebentako kulomkhakha. Umtsetfo mayelana neMfundvo lePhakeme kanye neMfundvo leyeNgetiwe udzinga kutsi bonkhe betfuli bemfundvo kanye nelucecesho labetfula ticu letigcwele babhaliswe neLitiko leteMfundvo.

Lometfuli wemfundvo kanye nelucecesho kufanele anikete emazinga emayunithi kanye/nobe neticu letiwela ngaphakatsi kwemkhakha lonakwe nguMtimba wekuCinisekisa iKhwalithi yeMfundvo kanye nelucecesho (ETQA) wesiGungu seMkhakha weMfundvo kanye nelucecesho (SETA) nobe uMtimba waboCwepheshe.

Timfuneko tekutfola ligunya:

• Letimfuneko tekutfola ligunya ticuketfwe kulomculu lonesihloko lesitsi Timfuneko kanye netiNkhombandlela tebeTfuli bemfundvo (Criteria and Guidelines for Providers) kantsi futsi uyatfolakala ku-website ye-SAQA.
• Letinhlelo (kanye/nobe luhlolo) lokunitekwa ngulometfuli wemfundvo kanye nelucecesho tiholela kumazinga emayunithi kanye/nobe ticu letibhaliswe ku LuHlakamsebenti lweTicu lwaVelonkhe (NQF). 
• Lekharikhulamu (kuhlelwa, lokucuketfwe kanye nemethiriyeli yekufundza) ihambisana nalamazinga emayunithi kanye/nobe neticu. 
• Ngabe kunetisebenti letifundze ngalokwenele (bahleli kanye nebahloli lababhalisiwe). 
• Labafundzi banekufinyelela lokwanele kutinsita telusekelo.
• Letindlela kanye nemathulusi lasetjentiselwa kuhlola timfuneko telizinga leyunithi kanye/nobe neticu tifanelekile, tiyasebenta futsi titsembekile futsi tisentjentiswa kukhulisa lokufundza.

Tinyatselo lekumele tilandzelwe

• Tfumela incwadzi yakho leveta inhloso yekutsi ufuna kuniketwa ligunya njengemetfuli wemfundvo kanye nelucecesho kule-ETQA letsintsekako.
• Tfumela lifomu lekutihlola kanye nelekufaka sicelo ku-ETQA. 
• Uma ungakaniketwa leligunya kantsi futsi ubona ngatsi lenchubo ayikahambi kahle, unelilungelo lekufaka sicelo sekubuyeketwa. 
• Luhlu lwema-ETQA kanye netinchukaca tekuchumana tiyatfolakala ku- website ye- SAQA.

Emazinga ekusebenta nesikhatsi

Kungatsatsa kute kuyofinyelela kutinyanga letisitfupha.

Tindleko

Lolusito alukhokhelwa.

Emafomu lagcwaliswako

Emafomu ekufaka sicelo sekuniketwa ligunya umetfuli wetifundvo kanye nemiculu lehlobebe naloko kungatfolakala kule-ETQA letsintsekako.

Imininingwane yekutsintsana