Isibawo Ku-SAQA Soku-akhredithiwa Njengomphakeli Wemisebenzi

Ihlathululo

Imithetjhwana esebenza kwezeFundo, ukuThwasisa kunye nokuThuthukisa ukuQinisekisa iKhwalithi i-ETQA ngaphasi kobuPhathimandla bezokuFaneleka beSewula Afrika i-SAQA bafuna bonyana abanikelwe umsebenzi wokufundisa nokuthwasisa kumele batloliswe ngokomthetho osebenzako. Umthetho ngokukhambisana neFundo ePhakemeko kunye neFundo eRagako ufuna bonyana boke abenza umsebenzi wokufundisa nokuthwasisa utloliswe nomNyango wezeFundo.

Abanikeli befundo kunye nokuthwasisa kumele banikele amazinga weyunithi begodu / namkha iziqu eziwela kumnqopho osisekelo womkhandlu wokuQinisekisa iKhwalithi yokuThwasisa neyokuFunda i-ETQA yomKhandlu wezokuThwasisa kunye neKoro yezeFundo (Sector Education and Training Authority) i-SETA kunye nemikhandlu esebenza ngeziqu. 

Iimfuneko zokuvumeleka ngokomthetho:

• Iimfuneko zokuvumeleka ngokomthetho zitholakala emtlolweni onesihloko esithi iindlela kunye nemihlahlandlela yabenza umsebenzi begodu (Criteria and Guidelines for Providers) itholakala kuwebhusaiyidi ye-SAQA.
• Amahlelo (begodu/namkha ukuhlola) okwenziwa babenzi bomsebenzi wokufundisa nokuthwasisa bayezwana ngamabanga wekolo begodu/namkha iziqu ezitloliswe kuSiseko sokuFaneleka sesiTjhaba i-NQF. 
• Ikharikhyulamu (umtlamo, okungaphakathi kunye namamatheriyali wokufunda) kulungele amazinga wekoro begodu/namkha nezinqu.
• Kunabafundisi abafanelekileko (ababakghonakalisi kunye nabahloli abatlolisiweko).
• Abafundi bathola imisebenzi yokusekela ifundo eyaneleko.
• Iindlela zokuhlola kunye namathulusi asetjenziswa ukulinganisa iimfuneko zezinga lekoro begodu/namkha iziqu ezanelisa, ezisemthethweni begodu ezithembekako begodu ezisetjenziselwa ukukhuphula ukufunda.

Amagadango okufanele alandelwe

• Thumela incwadi yesibawo sokobana uvunyelwe ngokomthetho njengomenzi womsebenzi wokufundisa nokuthwasisa ku-ETQA efaneleko.
• Zalisa iforomo lesibawo nencwadi yokuzihlola ku-ETQA.
• Nangabe awukanikelwa imvume begodu ucabanga bonyana ikambiso leyo beyingasi ngelungileko, unelungelo lokudlulisela phambili isibawo sakho.
• Irhelo le-ETQA kunye nemininingwana yokuthintana kuyatholakala kuwebhusayidi ye-SAQA.

Amazinga wokusebenza nesikhathi

Kungathatha iinyanga ezisi-6.

Iindleko

Lomsebenzi uwenzelwa simahla.

Amaforomo azaliswako

Iforomo lokwenza isibawo sokuvunyelwa ngokomthetho  kunye nemitlolo kungatholakala ku-ETQA efaneleko.

Imininingwana yokuthintana