ETQA ya gore institšušene e dumellwe go ba moabi wa thuto le tlhahlo

Tlhalošo

Melawana ye e lebanego le ‘Education, Training and Development Quality Assurance’ (ETDQAs) go ya ka South African Qualifications Authority (SAQA) e nyaka gore baabi ba thuto le tlhahlo ba dire kgopelo ya tumello ya go aba ditirelo tšeo. Go fiwa tumello, baabi ba thuto le tlhahlo ba swanetše go ngwadišwa go ya ka molao wa maleba. Molao wa malebana le Thuto ya Godimo le Thutotšwelopele o nyaka gore baabi ka moka ba thuto le tlhahlo bao mananeothuto a bona e lego a botlalo ba ngwadišwe le Kgoro ya Thuto.

Moabi wa thuto le tlhahlo o na le maemo a kelo le/goba mangwalo a thuto ao a welago ka fase ga legorotheo la ETQA ya Sector Education and Training Authority (SETA) goba Lekala la Seprofešenale.

Dinyakwa tša go fiwa tumelelo:

• Dinyakwa ka moka tša tumelelo di ka gare ga tokumente ye e bitšwago Criteria and Guidelines for Providers gomme yona e hwetšagala websaeteng ya SAQA.
• Mananeothuto (le/goba ditekolo) ao a abiwago ke baabi ba thuto le tlhahlo a phethwa ka go fiwa ga maemo a  kelo (unit standard) le/goba mangwalo a thuto ao a ngwadišitšwego mo go National Qualifications Framework (NQF). 
• Kharikhulamo (tlhamego, diteng le dimateriale tša go ruta) e nyalanywa le maemo a kelo le goba mangwalo a thuto. 
• Go swanetše go ba le bašomedi (bahlahli le balekodi ba ba ngwadišitšwego) bao le bona ba hlahlilwego ka tshwanelo. 
• Baithuti ba swanetše go fihlelela ditirelo tša go thekga morero wa go ithuta le go rutwa. 
• Mekgwa ya tekolo le didirišwa tše di šomišwago go ela dinyakwa tša maemo a kelo le/goba mangwalo a thuto di swanetše go ba tše lokilego, tša potego, gomme di šomišwe go kaonafatša morero wa go ithuta le go ruta.

Tsela e latelwago

• Romela lengwalo la maikemišetšo a go dumellwa go ba a moabi wa thuto le tlhahlo go ETQA ya maleba.
• Romela dipoelo tša boitekolo le fomo ya kgopelo go ETQA. 
• Ge e le gore ga wa fiwa tumelelo gomme o dumela gore tekolo ya kgopelo ya gago ga se ya sepetšwa gabotse, o na le tokelo ya go ipelaetša. 
• Lenaneo la di-ETQA le diatrese tša tšona le hwetšagala mo websaeteng ya SAQA. 

Nako ya tšweletšo ya mošomo

Go ka tšea dikgwedi tša go fihla go tše 6.

Tefelo

Tirelo ye ga e lefelwe.

Diforomo

Difomo tša tumello ya moabi wa thuto le tlhahlo le ditokumente tša go sepelelana le tšona di ka hwetšwa go ETQA ya maleba.

Mafelo le diatrese