Kufaka sicelo sesitifiketi semshado wesilumbi

Kushadiswa kanye nekubhaliswa kwemishado yesilungu, imishado yelisiko kanye nemishado yasehhovisi lahulumende kuphetfwe Litiko Letasekhaya. Imishado yesilungu ibuswa nguMtsetfo Wemshado (No 25 wanga-1961). Iningizimu Afrika futsi icaphela imishado yelisiko ngekusebentisa Umtsetfo Wekucaphela Imishado Yelisiko, lowacala kusebenta ngeLweti 2000. Imishado yasehhovisi lahulumende, ingaba nakuhlanganiswa kwebantfu bebubulili lobufanako, labacashelwa ngekuvumelana neMtsetfo Wemshado Wasehhovisi Lahulumende (2006).     

Kufanele ubhalise umshado wakho phakatsi netinyanga letintsatfu kusukela elangeni lemgidvo nobe ushadile kute uwente ube semtsetfweni.  Inchazelo yalokushiwo ngumshado welisiko kutsi “kube nekukhulumisana, kwagidvwa nobe kwaphetfwa ngekuvumelana nanobe nguluphi lwetinhlelo temtsetfo welisiko lendzabuko lase-Afrika lelikhona eNingizimu Afrika”.

Utawutfola sitifiketi semshado emuva kwemshado wakho. Ungafaka sicelo sekhophi yesitifiketi semshado wakho nangabe ushade eNingizimu Afrika futsi umshado wakho ubhalisiwe. Sitifiketi semshado sibufakazi bekutsi umshado wakho ubhalisiwe futsi usemtsetfweni.    

Kutfola kabanti ngekushada, imishado lengakavumeleki kanye nemishado yalabasebancane nobe tsintsana neLitiko Letasekhaya.  

 

Share this page