Ukwenziwa nokubhaliswa kwemishado eyenziwa ngumshadisi, imishado yesintu nemishado yabantu bobulili obufanayo kulawulwa uMnyango Wezasekhaya. Imishado eyenziwa ngumshadisi ilawulwa uMthetho Wemishado (Nombolo 25 we-1961). INingizimu Afrika iyayiqaphela nemishado yesintu ngokoMthetho Wokuqashelwa Kwemishado Yesintu, owaqala ukusebenza ngoLwezi wezi-2000. Imishado yabantu bobulili obufanayo, yamukelekile ngokoMthetho Wemishado Yabantu bobulili Obufanayo (wezi-2006).
Kumele ubhalise umshado wakho wesintu zingakapheli izinyanga ezintathu ugcagcile ukuze uwenze ube semthethweni. Incazelo yomshado wesintu ithi yilowo “okhishelwa amalobolo, kugcagcwe noma kwenziwe nganoma iyiphi indlela yomthetho wesiko labomdabu wase-Afrika elikhona eNingizimu Afrika”.
Uyothola isitifiketi somshado ngemva komshado wakho. Ungafaka isicelo sokuthola ikhophi yesitifiketi somshado wakho uma washadela eNingizimu Afrika futhi umshado wakho ubhalisiwe. Isitifiketi somshado siwubufakazi bokuthi umshado wakho wabhaliswa nokuthi usemthethweni.
Thola ulwazi oluthe xaxa mayelana nokushada, imishado evinjelwe nokushada komuntu osengaphansi kwabazali noma uthintane noMnyango Wezasekhaya.
