Khumbelo ya dzhiela ya mbingano (mbingano ya vhathu)

Zwa u vhofhekanya na u ṅwaliswa ha mbingano dza tshikhuwa, mbingano dza tshirema na u ṱanganyiswa ha vhavhili zwi langwa nga Muhasho wa zwa Muno. Mbingano dza tshikhuwa dzi langwa nga Mulayo wa Mbingano wa (Vhu 25 wa 1961). Afurika Tshipembe ḽi a dzhiela nṱha na mbingano dza tshirema nga kha Mulayo wa u Dzhiela Nṱha Mbingano dza Tshirema, we wa thoma u shuma nga Ḽara nga 2000. U ṱanganyiswa ha vhavhili, hune ha nga itwa nga vhathu vha mbeu nthihi, hu a dzhielwa nṱha u ya nga ha maitele a Mulayo wa u Ṱanganyiswa (2006).

Vha tea u ṅwalisa mbingano yavho ya tshirema hu saathu fhela miṅwedzi miraru u bva datumu ye vha pembelela u dzhena kha mbingano u itela uri i vhe mulayoni. Mbingano ya tshirema i nga pfi ndi ine ha vha na u “ambedzana, ha pembeliwa kana zwa khunyeledzwa nga maitele a mulayo wa tshirema wa Afurika une wa vha hone Afurika Tshipembe”.

Vha ḓo wana ṱhanziela ya mbingano nga murahu ha mbingano yavho. Vha nga ita khumbelo ya khophi ya ṱhanziela yavho ya mbingano arali vho malana Afurika Tshipembe na uri mbingano yavho yo ṅwalisiwa. Ṱhanziela ya mbingano ndi vhuṱanzi ha uri mbingano yo ṅwaliswa na uri ndi ya vhukuma.

Kha vha wane vhuṱanzi vhunzhi nga ha u malana, mbingano dzo iledzwaho na mbingano ya muthu muṱuku kana vha kwame Muhasho wa zwa Muno.

 

Share this page