Ukutjhadiswa nokutloliswa komtjhado wesikhuwa, umtjhado wesintu nomtjhado wabantu bobulili bunye kulawulwa mNyango wezangeKhaya. Imitjhado yesikhuwa ilawulwa mThetho wemiTjhado (wama-25 we-1961). ISewula Afrika yamukela imitjhado yesintu ngaphasi komThetho wokwAmukelwa kwemiTjhado yesiNtu, owathoma ukusebenza ngoSinyikhaba 2000. Imitjhado yobuLilibunye, engenziwa babantu bobulili obufanako, iyamukelwa ngokomthetho wobuLili buNye (2006).
Kufanele utlolise umtjhado wakho wesintu kungakadluli iinyanga ezintathu ukusukela ngelanga owende nanyana owendise ngalo ukwenzelela bona umtjhado ube semthethweni. Umtjhado wesintu uhlathululwa njengaloyo “ ekukhulunyisanwa ngawo, ugidingwe namkha owenziwa ngananyana ngiyiphi ikambiso yendabuko yomthetho wemitjhado yesintu ekhona eSewula Afrika”.
Uzakuthola isitifikedi somtjhado ngemva komnyanya womtjhadwakho. Ungenza isibawo sekhophi yesitifikedi nawutjhadele eSewula Afrika begodu umtjhado wakho utlolisiwe. Isitifikedi somtjhado sibufakazi bokobana umtjhadwakho utlolisiwe begodu usemthethweni.
Fumana ilwazi elinabileko ngokutjhada, imitjhado engakavunyelwa nomtjhado womuntu osesemncani ngokomthetho namkha uthintane nomNyango wezangeKhaya.
