Malunga
Ekufuneka ukwenze
Ixesha elimiselweyo
Imali ehlawulwayo
Iifomu ezigcwaliswayo
Iinkcukacha zonxibelelwano
Malunga nokufaka isicelo sephepha-mvume lokuthengisa ipetroleum.
Ukuba ufuna ukuthengisa iimveliso zepetroleum kubathengi abaza kuyisebenzisa ngokwabo, kufuneka ufake isicelo sephepha-mvume lokuthengisa ngesixa kwiSebe lezaMandla.
Eli phepha-mvume likunika imvume yokuthenga iimveliso zepetroleum ngesixa (iilitha ezili-1 500, ngexesha) kumvelisi onephepha-mvume, uze uzithengisele abathengi bona abaza kuzisebenzisa.
Iphepha-mvume lisemthethweni ukuba nje ishishini lakho lisaqhuba.
Ekufuneka ukwenze
- Gcwalisa ifomu yokufaka isicelo sephepha-mvume lokuthengisa ngesixa, i-DE 38.
- Thumela ifomu yokufaka isicelo kwi-ofisi yengingqi yeSebe lezaMandla.
- ISebe liza kuthumelela ileta ecacisa ukuba kufuneka upapashe isaziso sokufaka isicelo kumaphepha-ndaba amane.
- Kufuneka unike iSebe ubungqina bokupapasha isaziso sokufaka isicelo.
- Wakuba ulifumene iphepha-mvume, kufuneka ufake iinkcukacha ezinolwazi ngeshishini rhoqo ngonyaka usebenzisa ulwazi lonyaka lwephepha-mvume lokuthengisa ngesixa (Ifomu Yokungenisa), i-DE 30.
Ixesha elimiselweyo
Ufanele ukuba uyifumane impendulo zingaphelanga iintsuku ezingama-90 ukusuka ngosuku iSebe elibufumene ngalo ubungqina bokupapashwa kwesaziso sokufaka isicelo.