Khumbelo ya ḽaisentsi ya thengiso ya zwivhaswa

Malugana na u ita khumbelo ya thanziela ya thengiso ya zwivhaswa

Arali vha tshi khou ṱoḓa u rengisela zwibveledzwa zwa zwivhaswa kha vharengi u itela uri vha zwi shumise, vha tea u ita khumbelo ya thengiso ya zwivhaswa u bva kha Muhasho wa Fulufulu.

Vha a tendelwa u renga zwibveledzwa zwa zwivhaswa nga zwinzhi (1 500 ḽitha kana u fhira, u ya nga bindu ḽa zwibveledzwa zwa zwivhaswa) u bva kha ḽimaga ḽi re na ṱhanziela, na u zwi rengisela vhashumisi vhazwo.

Ṱhanziela i shuma zwenezwo bindu ḽavho ḽi tshi khou shuma.

Zwine vha tea u zwi ita

1. Kha vha ḓadze fomo ya u ita khumbelo ya ṱhanziela ya thengiso ya zwibveledzwa, ya DE 38.
2. Kha vha rumele fomo ya u ita khumbelo kha ofisi dzingu dza Muhasho wa Fulufulu.
3. Muhasho u ḓo vha rumela luṅwalo lu bviselaho khagala uri vha tea u ita khanḓiso ya khumbelo kha gurannḓa nṋa.
4. Vha tea u ṋekedza ṱhanziela ya ḽiṅwalo ḽa nḓivhadzo ya khumbelo kha Muhasho.
5. Musi vho no wana ṱhanziela yavho, vha tea u isa zwidodombedzwa zwa bindu ḽavho nga ṅwaha vha tshi khou shumisa zwidodombedzwa zwa ṅwaha zwa ṱhanziela ya thengiso ya zwibveledzwa (Fomo ya Madzinginywa), ya DE 30.

Zwi dzhia tshifhinga tshi ngafhani

Vha tea u wana phindulo hu sa athu fhela maḓuvha a 90 u bva nga datumu ye Muhasho wa ṱanganedza ṱhanziela ya u ganḓisa nḓivhadzo ya khumbelo.

• Application for wholesale licence: DE 38
• Wholesale licence annual information (submission form): DE 30
• Application for temporary licence

Vha kwama inyi