Khumbelo ya u ṅwalisa mishonga ya zwa vhulimi

Ngaha
Zwine vha tea u ita
Tshifhingambekanywa
Zwi ita vhugai
Fomo dzi no tea u adzwa
Vha kwama inyi

 

 

Ngaha malugana na u ṅwalisa mushonga wa zwa vhulimi

Uri vha tendelwe u ṅwalisa, kana u rengisa mushonga wa zwa vhulimi Afrika Tshipembe, vha fanela u ḓiṅwalisa na Muṅwalisi wa Mulayo wa vhu 36 wa 1947.

Vha ḓo tendelwa fhedzi u ṅwalisa, arali vha mudzulapo wa Afrika Tshipembe kana muthu wa zwa mulayo a re na ofisi yo ṅwaliswaho Afrika Tshipembe.

Arali mushonga wa zwa vhulimi une vha khou ṱoḓa u a ṅwalisa wo no ṅwaliswa nga muṅwe muthu, vha fanela u wana thendelo yo ṅwalwaho ya muthu onoyo vha sa athu u ḓiṅwalisa.

Vha fanela u dzhenisa mushonga kha mudzio wo kunaho wo valiwaho.  A vha tendelwi u shumisa hafhu mudzio wo no shumiswaho wa shululwa mushonga khawo.  Arali hu mushonga zwa vhulimi wa luḓi, vha fanela u khwaṱhisedza uri tshigubu a tshi bvuḓi kana u rotha musi vha tshi u shulula.  Mudzio wavho u fanela u tevhedza Maimo a Lushaka a Afrika Tshipembe a 10229.

Mudzio wavho u fanela u ṅwaliwa nga:

  • tshiga tshiṱaluli
  • Nomboro ya vhuṅwalisi. Arali vha sin a nomboro ya vhuṅwalisi vha fanela u ṅwala “Nomboro ya Vhuḓiṅwalisi …..Mulayo wa vhu No.36 wa 1947”
  • Khwethekanyo ya mulilo ine mushonga uyo wa zwa vhulimi wa wela khayo
  • lushaka lwa mushonga wa zwa vhulimi na zwine zwa khou ṅwaliselwa zwone
  • Nomboro ya tshiputo tshine mushonga wa bva khatsho na datumu ye tshiputo tsha magiwa ngayo 
  • Volumu kana tshileme tsha mushonga wa zwa vhulimi
  • Dzina na ḓiresi ya muthu ane a kwamiwa
  • Nomboro ya vhuḓiṅwalisi ya khamphani arali i hone

Zwine vha tea u ita

  1. Vha ite khophi tharu dza fomo vha pose kha: Muṅwalisi: Mulayo wa vhu 36 wa 1947, Private Bag X343, Pretoria, 0001. Muṅwalisi: Mulayo wa vhu 36 wa 1947, Agriculture Place, 20 Steve Biko Street, Arcadia Pretoria.
  2. Vha nambatedze khophi nthihi na maṅwalo a u tikedza (tsumbo data ya mulimo, data ya ndeme, data ya kulaṱele na zwidodombedzwa zwa mbonalo.) 
  3. Vha bvise vha ḓadze fomo ya Khumbelo ya u ṅwalisa Mushonga wa zwa vhulimi nga fhasi ha dzifomo dzine dza tea u ḓadziwa afho fhasi.
  4. Vha badele mbadelo yo randelwaho.
  5. Arali vha tshi khou tou posa khumbelo yavho, vha fanela u badela mbadelo yo randelwaho nga phosiṱaḽa oda vho i livhisa kha Mulangi Muhulwane wa Vhulimi. Arali vha tshi khou isa khumbelo nga tshanḓa, vha fanela u badela mbadelo yo randelwaho nga kheshe.
  6. Arali vha tshi khou ṱoḓa u ṱunḓa mushonga, vha fanela u katela na zwi tevhelaho kha maṅwalo avho:
  • photho ya vhudzheno
  • phimo ya tshikalo
  • maitele a ndingedzo
  • fhethu ha ndingedzo
  • zwitimbanywa zwi re ngomu
  • tshikalo/tshivhalo tshine tsha ḓo ṱunḓiwa.

Tshifhingambekanywa

Miṅwedzi ya rathi u ya kha 12.

Zwi ita vhugai

Mbadelo dza 2023/24

Fomo dzi no tea u adzwa

Application for the registration of an Agricultural Remedy (Khumbelo ya u ṅwalisa Mushonga wa zwa Vhulimi)

Vha kwama inyi

 

Directorate Agriculture Inputs Control

Tel: 012 319 7103/7847
E-mail address: AICHelpdesk@daff.gov.za
Physical address: 20 Steve Biko Street, Arcadia, Pretoria
Postal address:  Department of Agriculture, Land Reform and Rural Development, Private Bag X343, Pretoria 0001

 

Share this page