Dira kgopelo ya mpshafatšo goba phetšišo ya ngwadišo ya pheko ya temo

Ka ga

Seo o swanetšego go se dira

Lebaka

E dira tshenyagelo ya bokae

Diforomo tšeo di swanetšwego go tlatšwa

Dintlha tša boikopanyo

Ka ga go ngwadiša sehlare sa temo

Go reka ntle, dira, goba rekiša sehlare sa temo ka Afrika Borwa, o swanetše goba o ngwadišitše le Molao wa Mmušakarolo wa 36 wa 1947.

O ka kgona fela go ngwadiša, ge o le modudi wa Afrika Borwa goba motho wa molao yoo a nago le nago le ofisi yeo e ngwadišitšwego ka Afrika Borwa.

Ge sehlare sa temo seo o se nyakago se šetše se ngwadišitšwe ke motho yo mongwe, o swanetše go hwetša tumelelo go motho yoo pele o ngwadiša.

O swanetše go phuthela sehlare ka gare ga setšhelo sa go hlweka gape sa go tswalelwa. Ga se wa dumelelwa go šomiša gape setšhelo ka morago ga ge o se tšhollotše sehlare. Ge e le sehlare sa temo sa seela, o swanetše go netefatša gore setšhelo ga se tšholle sehlare ge o se ntšha. Setšhelo sa gago se swanetše go nyalelana le Maemo a Setšhaba a Afrika Borwa 10229.

Setšhelo sa gago se swanetše go swaiwa ka:

• leswao la kgwebo
• nomoro ya ngwadišo. Ge o se na nomoro ya ngwadišo o swanetše go e ngwadiša bjalo ka  “Nomoro ya ngwadišo. …. Molao wa nomoro ya 36 wa 1947”
• legoro la mpholo leo sehlare sa temo sag ago se welago ka fase ga lona
• mohuta wa popo wa sehlare sa temo le nepo yeo se ngwadišeditšwego
• nomoro ya sehlophana seo sehlare se tšwago  le tšatšikgwedi yeo sehlophana se dirilwego 
• bolumo le boima bjoo bo šetšego bja sehlare
• leina le atrese ya motho yoo o ikgokganyago le yena
• nomoro ya boingwadišo ya khamphani ge e le gona

Seo o swanetšego go se dira

1. Taonelouta gomme o tlatše fomo ya Kgopelo ya ngwadišo ya Sehlare sa Temo ka fase ga fomo yeo e tlatšwago ka fase
2. Dira dikopi tše tharo tša fomo gomme o di posetše go: Mmušakarolo: Molao wa nomoro ya 36 wa 1947, Private Bag X343, Pretoria, 0001 goba o di iše ka letsogo go Lefelo la Temo, Mokgotha wa 20 Steve Biko, Arcadia, Pretoria
3. Kgomaretša kopi e tee ya dithuto tša thekgo (mohlala, data ya mpholo, data ya boleng, data ya mašaledi le maemo a sebopego.) Bona  pholisi tokumente ya tshepedišo ya dihlare tša temo , ditlhahli tša go lekola mpholo wa bommaditsela ba taolo ya disenyi tša go fetela , tokumente ya dinyakwa tša data ya go leka mašaledi le ditlhahli tša tekano ya dihlare tša temo ka tshedimošo ya dinyakwa.
4. Lefa tefo ya ngwadišo yeo e beilwego.
5. Ge o romela kgopelo ya gago ka poso, o swanetše go lefela tefelo ka posotara go Molaodipharephare wa Temo. Ge o iša kgopelo ya gago ka letsogo, o swanetše go lefa tefelo ka tšhelete
6. Ge o nyaka go reka ntle sehlare, o swanetše go akaretša tše di latelago le ditokumente tša gago:
   • matseno a boemakepe
   • kelo ya bokaakang 
   • tshepedišo ya teko 
   • lefelo la diteko 
   • ditswaki tšeo d šomago 
   • bontši bjoo bo swanetšego go rekwa ntle.

Lebaka

Dikgwedi tše tshela go ya go tše 12.

E dira tshenyagelo ya bokae

Ditefišo tša 2024/25

Diforomo tšeo di swanetšwego go tlatšwa

Application for the registration of an Agricultural Remedy (Kgopelo ya go ngwadiša Sehlare sa Temo)

Dintlha tša boikopanyo