Okuphathelene
Okufanele ukwenze
Isikhathi esibekiweko
Kubiza malini
Amaforomo ekufanele uwazalise
Ungathintana nobani
Okuphathelene nokurejistara isihlahla sezelimo
Ukungenisa enarheni, ukukhiqiza nanyana ukuthengisa iinhlahla zezelimo eSewula Afrika, kufanele urejistare nomThetho weRejistra 36 ka-1947.
Ungagunyazelwa ukurejistara kwaphela, nangabe usisakhamuzi seSewula Afrika nanyana umumuntu osemthethweni orejistare ne-ofisi yeSewula Afrika.
Nangabe isihlahla sezelimo ofuna ukusirejistara sesirejistarwe ngomunye umuntu, kufanele uthole imvumo kiloyo muntu ngaphambi kobana usirejistare.
Kufanele ufake isihlahla sakho ngaphakathi kwesimumathi esihlwengekileko begodu esivaliweko. Awukavunyelwa bona usebenzise godu isimumathi ngemva kobana sewuthululi isihlahla. Lokha nakusihlahla sezelimo esimamanzi, kufanele wenze isiqiniseko sokobana isimumathi asithululi isihlahla lokha nawusithululako. Isimumathi sakho kufanele sikhambisane namaZinga weliZwe weSewula Afrika 10229.
Simumathi sakho kufanele sileyibulwe ngalokhu:
- itshwayo lerhwebo
- inomboro yokurejistara. Nangabe awunayo inomboro yokurejistara kufanele uyitlole bunje “Reg. No. …. UmThetho oyinomboro 36 ka- 1947”
- umkhakha wetjhefu isihlahla sakho sezelimo esiwela ngaphasi kwawo
- umhlobo wokubunjwa kwesihlahla sezelimo kanye nomnqopho esirejistarelwe wona
- inomboro yebhetjhi leyo isihlahla esivela kiyo kanye nelanga lokukhiqizwa kwebhetjhi leyo
- inede yobungako nanyana ubunengi besihlahla
- ibizo nesibongo somuntu okuthintanwa naye
- inomboro yokurejistarwa kwekhamphani nangabe ikhona.
Okufanele ukwenze
- Khupha iforomo bese uzalisa isibawo mayelana nokurejistara isiHlahla sezeLimo ngaphasi kwamaforomo ukobana ulizalise ngenzasi
- Yenza amakhophi amathathu weforomo bese uwaposela ku: The Registrar: Act No. 36 of 1947, Private Bag X343, Pretoria, 0001 nanyana uwase ngesandla ku: The Registrar: Act No. 36 of 1947, Agriculture Place, 20 Steve Biko Street, Arcadia Pretoria
- Faka ikhophi eyodwa yeemfundo ezisekelako (isib. idatha yeeentjhefu, idatha yobungako, idatha yalokho okuseleko kanye namatshwayo abonakalaqko.) Qala umtlolo womgomo wekambiso yokurejistara iinhlahla zezelimo, imihlahlandlela yokulinganisa iinhlahla zezelimo mayelana nelwazi eliseendingweni
- Bhadala imali yokurejistara equntiweko.
- Nangabe uposa isibawo sakho, kufanele ubhadale imali equntiweko ngephostal oda uyitjhingise kumNqophisi maZombe wezeLimo. Nangabe usa isibawo sakho ngesandla, kufanele ubhadale imali equntiweko ngokwekhetjhi
- Nangabe ufuna ukungenisa iinhlahla enarheni,kufanele imitlolwakho ibe nalokhu okulandelako:
- Indawo yobungeno
- inani lesimedo
- ikambiso yokulinga
- indawo yeemporo
- iinthako ezisebenzako
- Ubunengi balokho okufanele kungeniswe.
Isikhathi esibekiweko
Iinyanga ezisithandathu ukuya kwezili-12.
Kubiza malini
Amaforomo ekufanele uwazalise
Application for the registration of an Agricultural Remedy (Isibawo sokurejistara isiHlahla sezeLimo)
Ungathintana nobani
Directorate Agriculture Inputs Control
Tel: 012 319 7103/7847
E-mail address: AICHelpdesk@daff.gov.za
Physical address: 20 Steve Biko Street, Arcadia, Pretoria
Postal address: Department of Agriculture, Land Reform and Rural Development, Private Bag X343, Pretoria 0001