Wa boheka hi nawu ku va u titsarisela na Nkwama wa Ndzindzakhombo wa Vamahlalele (UIF) u tlhela u humesa mali yi ya eka Nkwama loko ku ri leswaku u thorile vanhu lava va tirhaka ku tlula tiawara ta 24 hi nhweti.
Mali leyi yi faneleke ku humesiwa hi nhweti yi ya eka UIF i tiphesente timbirhi leti humaka eka muholo hinkwawo wa mutirhi wa nhweti. U fanele ku susa phesente yin'we eka muholo hinkwawo wa mutirhi wa wena hi nhweti, loko wena tanihi muthori u humesa phesente yin'we.
Kumisisa swo tala hi ta ku titsarisela tanihi muthori eka UIF kumbe u tihlanganisa na UIF.
