O gapeletšwa ke molao go ingwadiša le Sekhwama sa Inšorentshe ya Tahlegelo ya Mošomo (UIF) le go lefela sekhwama seo ge o thwetše bašomi diiri tše 24 le go feta ka kgwedi.
Tefelo ya kgwedi ya UIF ke diphesente tše pedi tša palomoka ya mogolo wa mošomi wa gago wa kgwedi. O swanetše go goga phesente e tee ya palomoka ya mogolo wa mošomi wa gago wa kgwedi le wena bjalo ka mongmošomo o lefele phesente e tee.
Hwetša dintlha ka botlalo mabapi le go ingwadiša bjalo ka mongmošomo le UIF goba ikgokaganye le UIF.
