Xikombelo xa phemiti ya ku phasa tinhlampfi ta nxaviso (mfanelo ya swa tinhlampfi)

Hi mfanelo wa bindzu ro phasa tihlampfi

Ku phasa tihlampfi kumbe ku nghenelela eka gingiriko wo phasa tihlampfi hi swikongomelo swa bindzu, u fanele kuva na mfanelo wa bindzu ro phasa tihlampfi . U nga endla xikombelo ntsena xa mfanelo wa bindzu ro phasa tihlampfi hi ku kuma xirhambo eka Gazette ya Mfumo. Xirhambo xo hetelela xi vile hi 2005 naswona xirhambo lexi landzelaka xi ta pfuriwa hi 2013.

Swiyenge swo phasa tihlampfi leswi hlawuriweke swo landza Ntsengo wo Phasa lowu Pfumeleriwaka kumbe Matshalatshala (Total Allowable Catch or Effort (TAC/E)) swi nga nyikiwa timfanelo ta bindzu to phasa tihlampfi.

Loko u ri na mfanelo wa bindzu ro phasa tihlampfi, endla xikombelo xa mpfumelelo wa bindzu ra tihlampfi ku suka eka Ndzawulo ya Vurimi, Swihlahla na Vuphasi bya Tihlampfi eCape Town.

Lemuka: Ku hava munhu loyi a nga nghenelelaka eka bindzu ra tihlampfi a ri hava mpfumelelo. Ku engetela eka mpfumelelo, u ta tlhela u lava mpfumelelo wo tleketla tihlampfi.

U fanele ku pfuxeta mpfumelelo lembe na lembe. Ku hluleka ku landzelela swipimelo swa mpfumelelo swi nga endla leswaku mfanelo wu yirisiwa kumbe wu khanseriwa.

Leswi u faneleke ku swi endla

1. Xirhambo lexi kandziyisiwa eka Gazette ya Mfumo xi tava na vuxokoxoko bya ndhawu yo hangalasa laha u nga landzaka fomo ya xikombelo.
2. Hlaya fomo ya xikombelo hi vukheta no vona lesaku u enerisekile hi swilaveko na swipimelo.
3. Tat, sayina no yisa fomo ya xikombelo xa mfanelo na matsalwa ya nseketelo laya sayiniweke laya lavekaka laya nga ta longoloxiwaka eka xirhambo eka Gazette ya Mfumo.
4. Hakela ntsengo lowu bohiweke lowu nga tlheriseriweki eka ndhawu leyi bohiweke hi Ndzawulo ya Vurimi, Swihlahla na Vuphasi bya Tihlampfi eka Gazette.

Leswi u faneleke ku swi endla

Mfanelo wo phasa tihlampfi:

Ndlela ya xikombelo yi nga teka n’hweti yin’we kumbe tinharhu hi ku langutisa nhlayo wa swikombelo leswi amukeriweke. Endlelo ro hlela ri ta sungula endzhaku ka siku ro hetelela ro amukela swikombelo naswona Ndzawulo ya Vurimi, Swihlahla na Vuphasi bya Tihlampfi yi ta tivisa mbuyelo.

Mpfumelelo wo phasa tihlampfi:

Ku humelerisa xikombelo xa mpfumelelo ku ga teka nkombo wa masiku ya ntirho kumbe kuya hi nhlayo ya swikombelo na kuya hi maendlelo ya kahle ya xikombelo.

Xana swi durha mali muni

Madurhelo ya vuxokoxoko ya nyikiwa ntsena hi xirhambo lexi kandziyisiweke eka Gazette ya Mfumo.

Tifomo leti tatiwaka

Tifomo ta xikombelo ti tava kona eka tisenthara to hangalasa leti tivisiweke eka xirhambo ku endla xikombelo xa mfanelo wo phasa tihlampfi lexi nga ta gazetiwa loko mpfumelelo wa sweswi wu hundzela hi nkarhi.

Vuxokoxoko bya vutihlanganisi

Sentharaya ya Vukorhokeri bya Tikhasimenda
Tel: 021 402 3911
Fax: 021 402 3367
City/town: Cape Town
Province: Western Cape
Physical address: Customer Service Centre, Department of Agriculture, Forestry and Fisheries, Ground Floor, Foretrust Building, Martin Hammerschlag Way, Foreshore, Cape Town, 8000.
Postal address: Department of Agriculture, Forestry and Fisheries, Private Bag X2, Roggebaai, Cape Town, 8012