Ngaha | Zwine vha tea u ita | Tshifhingambekanywa | Zwi ita vhugai | Fomo dzi no tea u ḓadzwa | Vha kwama inyi
Malugana na u ita khumbelo ya pfanelo ya u rea khovhe
U rea khovhe kana u ḓidzhenisa kha mishumo ya zwa khovhe u itela u rengisa, vha fanela u thoma nga u wana pfanelo ya u rea khovhe dza u rengisa. Vha tendelwa fhedzi u ita khumbelo ya pfanelo ya u rea khovhe dza u rengisa musi hu na thambo ya Gurannḓa ya Muvhuso. Thambo ya u fhedzisela yo vha yo itwa nga 2005 ngeno i tevhelaho ya ḓo vha nga 2013.
Vhakhethi vha vharei vha khovhe vha khethiwa ho sedzwa Total Allowance Catch kana Effort (TAC/E) vhane vha fha thendelo ya pfanelo ya u rea khovhe dza u rengisa.
Musi vho no wana pfanelo ya u rea khovhe dza u rengisa, vha nga kona ha u ita khumbelo ya phemithi kha Muhasho wa Vhulimi, Maḓaka, na Vhufuwakhovhe wa Kapa Vha dzhiele nzhele. A huna muthu o tendelwaho u ḓidzhenisa kha zwa u rea khovhe a si na phemithi. U ḓadzisa kha phemithi, vha fanela u vha na phemithi ya u vha endedze khovhe. Vha fanela u vusulusa phemithi yavho ṅwaha muṅwe na muṅwe. U kundelwa u tevhedza maga a phemithi zwi nga ita uri i fheliswe, u phumulwa kana u imiswa u shuma.
- Thambo ya khumbelo i anḓadzwa kha Gurannḓa ya Muvhuso, vha ḓo ḓivhadzwa hune dza phaḓaladzwa hone uri vha ye u dzhia fomo ya khumbelo.
- Vha vhale nga vhuronwane, vha pfesese, na u khwaṱhisedza ui vho fushea nga ṱhoḓea na maga.
- Vha ḓadze, vha saine na u isa fomo /vha ise fomo ya khumbelo ya pfanelo ya u rea khovhe na maṅwalo ane a ṱoḓea o ṱanzielwa ane a ḓo vhewa kha mutevhe wa thambo kha guranḓa ya muvhuso
- Vha badele mbadelo yo randelwaho i sa vhuyi fhethu ho bulwaho kha Muhasho wa Vhulimi, Maḓaka, na Vhufuwakhovhe kha gurannḓa.
Pfanelo ya u rea khovhe:
Mushumo wa khumbelo u nga tshia ṅwedzi muthihi uya kha miraru ho sedzwa tshivhalo tsha khumbelo kana kha sekithara nthihi ya khalaṅwaha ya u a khovhe. Mushumo wa u sedzulusa u ḓo thoma nga murahu ha ḓuvha ḽa u vala khumbelo Muhasho wa Vhulimi, Maḓaka na Vhufuwakhovhe u ḓo ḓivhadza mvelelo.
Phemithi ya u rea khovhe:
U ita khumbelo zwi nga dzhia maḓuvha a 7 kana u fhira zwi shi ya nga tshivhalo tsha khumbelo na u ḓiswa kha khumbelo dzi nga ngona.
Zwa ui hu badelwa vhugai zwi ḓo anḓadzwa musi hu tshi itwa thambo kha Gurannḓa ya Muvhuso.
Fomo dza khumbelo dzi ḓo wanala kha senthara ya u phaḓaladza ine ya ḓo ḓivhadzwa kha thambo ya u ita khumbelo ya pfanelo ya u rea khovhe ine ya ḓo dzheniswa kha gurannḓa ya muvhuso mui pfanelo dza zwino dzi tshi fhela. Pfanelo dza u thoma dzi ḓo fhela nga 2013
Senthara ya Tshumelo ya Khasiṱama
Luṱingo: 021 402 3911
Fekisi: 021 402 3367
