Okuphathelene | Okufanele ukwenze | Isikhathi esibekiweko | Kubiza malini | Amaforomo ekufanele uwazalise | Ungathintana nobani
Mayelana nesibawo selungelo lokurhweba ngehlambi
Ukubuthelela umhlambi weenhlambi nanyana ukuzibandakanya emisebenzini yokuthiya iinhlambi mayelana neminqopho yokurhweba ngazo, kufanele uthome ngokuba nelungelo lokurhweba ngeenhlambi. Ungafaka isibawo sokuba nelungelo lokurhweba ngeenhlambi kwaphela nakunesimemo kuGazede kaRhulumende. Isimemo sokugcina sabe singomnyaka ka-2005 begodu isimemo esilandelako sizakuvulwa ngomnyaka ka-2013.
Amaphiko akhethiweko weenhlambi amayelana neNani lokuVumeleka ukuBamba nanyana umZamo ( (i-TAC/E) wokunikela amalungelo wokurhweba ngeenhlambi.
Nasewle unalo ilungelo lokurhweba ngeenhlambi, ungafaka isibawo sephemidi yokurhweba ngeenhlambi kumNyango wezeLimo, amaHlathi kanye neenHlambi eCape Town.
Tjheja: Akekho umuntu okufanele azibandakanye ekurhwebeni ngeenhlambi anganayo iphemidi. Ukungezelela kuphemidi, uzakufanela bona ube nephemidi yesithuthi sokuthutha iinhlambi. Kufanele uvuselele iphemidi qobe mnyaka. Ukubhalelwa kukhambisana nemibandela yephemidi kungabangela bona iphemidi ijanyiswe, isulwe nanyana wemukwe ilungelo.
- Esimemeni esikhutjhwa yiGazede kaRhulumende, uzakwaziswa ngendawo yokuyisabalalisa lapha ungathatha khona iforomo lesibawo.
- Ngokuyelela funda , uzwisise, bese wenza isiqiniseko sokobana uyaneliseka ngeendingo kanye nemibandela.
- Zalisa, utlikitle iforomo bese uyalithumela/thumela iforomo lesibawo kanye nemitlolo eqinisiweko efunekako ezakurhenyiswa kusimemo seGazede kaRhulumende.
- Bhadala imali engabuyiko equntiweko endaweni evezwe mNyango wezeLimo, amaHlathi kanye neenHlambi kugazede.
Ilungelo lokuthiya iinhlambi:
Ikambiso yokutjheja isibawo ingathatha inyanga eyodwa ukuya kwezintathu nanyana ezeqako ngokuya kweembawo ezamukelweko nanyana ngokuya ngomkhakha wokuthiya iinhlambi wesikhathi somnyaka ngasinye. Ikambiso yokuhlola izakuthoma ngemva kwelanga lokugcina mayelana neembawo bese umNyango wezeLimo, amaHlathi kanye neenHlambi uzakumemezela imiphumela.
Iphemidi yokuthiya iinhlambi:
Ikambiso yesibawo sephemidi ingathatha amalanga ali-7 womsebenzi nanyana amanengi kulawulwe bunengi beembawo begodu kulawulwe kukwenziwa kuhle kwesibawo.
Ilwazi leendleko likhutjhwa kwaphela lokha nakukhutjhwa isimemo kuGazede kaRhulumende.
Amaforomo weembawo azakutholakala kusentha yokusabalalisa ezakumenyezelwa esimemeni sokufaka isibawo mayelana nelungelo lokuthiya iinhlambi elizakugazedwa lokha amalungelo akhona nakaphelelwa sikhathi. Amal;ungelo wokuthoma azakuphelelwa sikhathi ngomnyaka ka-2013.
Isentha yomsebenzi wamakhastama
Umtato: 021 402 3911
Ifeksi: 021 402 3367