Yuniyoni ya vatirhi leyi yi nga tsarisiwa yi nga pfumelela swirho na vaseketeri va yona ku va va phiketa hi xikongomelo xo lava ku kombisa ku vilela ko rhula.
Ku phiketa swi endleriwa kun'wana na kun'wana laha vanhu va nga ku fikelelaka. Ku nga endleriwa ehandle kumbe kumbe endzeni ka miako loko ku kumekile pfumelelo wo suka eka muthori.
Loko ku ri na nkwetlembetano eka milawu ya ku phiketa, yuniyoni ya vatirhi leyi yi nga tsarisiwa kumbe muthori a nga kombela Khomixini ya Vulamuri (CCMA) ku kuma ntwanano exikarhi ka mitlawa hamimbirhi.
Loko ku nga fikeleriwangi ntwanano, CCMA yi fanele ku veka milawu ya ku phiketa, yi ri karhi yi tekela enhlokweni swiyimo leswi nga kona swa le mitirhweni kumbe tindhawu tin'wana to phiketa kona ku katsa na matikhomelo ma kahle man'wana na man'wana lawa ya lavekaka.
Kumisisa swo tala hi ta ku endla ntwanano eka milawu ya ku phiketa kumbe u tihlanganisa na CCMA.
