Mokgatlo wa bašomi wo o ingwadišitšego o ka dumelela maloko a wona le bathekgi go gwaba ka maikemišetšo a go dira ditšhupetšo tša khutšo.
kgwabo e ka swarelwa mo gongwe le mo gongwe mo batho ba kgonago go fihla gona. E ka swarelwa ka ntle ga meago goba ka gare ka tumelelo ya mongmošomo.
Ge eba go na le go se kwane mabapi le melawana ya kgwabo, mokgatlo wa bašomi wo o ingwadišitšego goba mongmošomo a ka kgopela Khomišene ya Kagišo, Poelano le Bonamodi (CCMA) go dira dikwanelo gare ga maphakga a mabedi a.
Ge go se na kwanelo ye e fihleletšwego, CCMA e swanetše go hloma melawana ya kgwabo, e šeditše kudu mabaka a itšego a lefelo la mošomo goba mafelo a mangwe go gwaba le melawana e mengwe ya go sepelelana le maitshwaro a mabotse.
Hwetša dintlha ka botlalo mabapi le go hwetša kwano ka ga melawana ya kgwabo goba ikgokaganye le CCMA.
